მამლუქეფიშ სასულთანო
მამლუქეფიშ სასულთანო, მამლუქეფიშ ეგვიპტე — სახენწჷფო, ნამუშ აკოდგინალუაშა მიშმეშჷ ეგვიპტე, ლევანტი დო ჰიჯაზი. სასულთანო არსებენდჷ მავითოსუმა ოშწანურაშ შქა პერიოდიშე მავითაამშვა ოშწანურაშ დაჭყაფუშახ. სახენწჷფოს მართუნდჷ მამლუქეფიშ ოურდუმე კასტა. 1250 წანას ქუდანთხჷ ეგვიპტეშ აიუბიდეფიშ დინასტიაქ დო ხეშუულება მამლუქეფქ გეჭოფეს. მამლუქეფი რდეს ვამუსულმანი მალიმარი დოლმახორეეფი, ნამუეფით ოინალუდეს არაბული დო ოსმანური დინასტიეფს. მამლუქეფი ეთნიკურო რდეს უმოსო თურქეფი, კავკაციარეფი დო თაშნეშე ბჟაეიოლი ევროპალეფი. მამლუქეფიშ მართუალა ირთუ ჟირი პერიოდო: თურქული (ბაჰრიეფი) (1250-1382) დო ჩერქეზული (ბურჯიეფი) (1382-1517) პერიოდეფო.
მამლუქეფიშ სასულთანო | |||||||
| |||||||
|---|---|---|---|---|---|---|---|
| |||||||
 მამლუქეფიშ სასულთანო 1317 წანას, ალ-ნასირ მუჰამედიშ მართუალაშ ბორჯის | |||||||
| ნანანოღა | კაირო | ||||||
| ნინა | არაბული, მამლუქ-ყივჩაღური, ჩერქეზული, ოღუზური, კოპტური, არამეული | ||||||
| რელიგია | სუნიზმი (სახენწჷფო რელიგია), შიიზმი, ალავიტური, ქირსიანობა, იუდაიზმი | ||||||
| დინასტია | ბაჰრიეფი (1250-1382) ბურჯიეფი (1382-1517) | ||||||
| სულთანი | |||||||
| - 1250 | შაჯარ ალ-დური (მაართა) | ||||||
| - 1516-1517 | თუმან ბეი II (ეკონია) | ||||||
.svg){kind=small}
მამლუქეფიშ სასულთანოშ სერიოზული საფრთხე რდჷ მონღოლეფი, მარა 1260 წანას სულთანეფიშ ქუთუზიშ დო ბეიბარსიშ ხემანჯღვერობათ, მამლუქეფქ კონწარო დამარცხეს მონღოლეფი დო ეფექტურო გაჩერეს თინეფიშ ექსპანსია. უკულ მამლუქეფქ ქიდეკინეს აიუბიდეფიშ ტერიტორიეფი სირიას. მავითოსუმა ოშწანურაშ ეკონია ბორჯიშო, სულთანეფიშ ბეიბარსიშ, ქალაუნიშ (მართუნდჷ 1279–1290 წწ.) დო ალ-აშრაფ ხალილიშ (1290-1293) მანჯღვერალათ მამლუქეფქ ქიდიჸუნუეს ჯვაროსნული სახენწჷფოეფი დო გაფართინეს მუნეფიშ გოლინა მაკურიას (ნუბია), კირენაიკას, ჰიჯაზის დო ობჟათე ანატოლიას. ალ-ნასირ მუჰამედიშ (1293–1294, 1299–1309, 1310–1341) მასუმა მართუალაშ ბორჯის, მამლუქეფიშ სასულთანოქ მიოჭირინუ შანულამი სტაბილურობას დო წჷმოძინეფს. მარა უკულ თიში მონძე სქუალეფიშ პერიოდეფს ფშხირი რდჷ დინახალენი კონფლიქტეფი, შედეგო გენძალიერეს ემირეფქ, ნამუეფსჷთ უკინებუდეს რეალური ხეშუულება.
ართ-ართი ჸათეცალი ემირქ ბარქუქიქ 1390 წანას გეგთარაგუ სულთანი. ჸათე ბორჯიშე დიჭყჷ ჩერქეზული ბურჯიეფიშ დინასტიაშ მართუალაქ. ბარქუქიშ მონძეეფიშ პერიოდის, ურცხოალეფიშ მიშაჭკირუეფიშ, დინახალენი არჸებეფიშ დო სტიქიური უბედურობეფიშ შედეგო ძალამს დედაღარჷ სასულთანოქ. სულთანი ბარსბეი (1422-1438) ოცადუდჷ სახენწჷფოშ გაახალებას, თიში ფინანსურო განძალიერაფას, ვაჭარუაშ მონოპოლიზაციას დო შხვა. 1516-1517 წანეფს, ოსმალეფქ დამარცხეს დო მოჯალაგეს მამლუქეფიშ სასულთანო. შედეგო, ეგვიპტექ, ლევანტიქ დო ჰიჯაზიქ ოსმალეთიშ პროვინციეფო გინირთჷ.
ქოძირით თაშნეშე რედაქტირაფა
ლიტერატურა რედაქტირაფა
- Petry, Carl F. (2022). The Mamluk Sultanate: A History. Cambridge University Press.
- Winter, Michael; Levanoni, Amalia, eds. (2004). The Mamluks in Egyptian and Syrian Politics and Society. Brill.