కె. రాఘవేంద్రరావు

రాఘవేంద్ర రావు మే 23, 1942 తేదీన కృష్ణా జిల్లా, కంకిపాడు మండలానికి చెందిన కోలవెన్ను గ్రామంలో సుర్యప్రకాశ రావు దంపతులకు జన్మించాడు. రాఘవేంద్రరావు తండ్రి కోవెలమూడి సూర్యప్రకాశరావు దర్శకుడే. రాఘవేంద్రరావు కొడుకు పేరు కూడా కోవెలమూడి సూర్య ప్రకాష్. ఇతను కూడా సినీ రంగంలో నటుడు, దర్శకుడు, నిర్మాతగా కూడా వ్యవహరించాడు. దర్శకుడు కె.బాపయ్య వీరి పెదనాన్న కుమారుడు.

తండ్రి కోవెలమూడి ప్రకాశరావు దర్శకుడయినా మరో దర్శకుడి కమలాకర కామేశ్వరరావు దగ్గర కొన్నాళ్ళు సహాయకుడిగా పనిచేశాడు. దర్శకుడిగా ఆయన మొదటి చిత్రం 1975లో వచ్చిన బాబు. ఈ చిత్రంలో శోభన్ బాబు, వాణిశ్రీ, లక్ష్మి ముఖ్య పాత్రల్లో నటించారు. ఆ తర్వాత ఎంతో మంది కథానాయకులతో ఎన్నో విజయవంతమైన చిత్రాలు తీశాడు. స్త్రీ పాత్రలే ప్రధానంగా జ్యోతి, ఆమె కథ, కల్పన లాంటి చిత్రాలు తీశాడు. అన్నమయ్య, శ్రీ మంజునాథ, శ్రీరామదాసు, శిరిడి సాయి, ఓం నమో వేంకటేశాయ లాంటి ఆధ్యాత్మిక చిత్రాలు రూపొందించాడు.

శ్రీదేవితో రాఘవేంద్రరావు 24 సినిమాలు చేశాడు.^[3]

అవార్డులు.

1984: ఉత్తమ దర్శకుడు, నంది అవార్డు, బొబ్బిలి బ్రహ్మన్న.

కేవలం వెండితెరమీదే కాక బుల్లితెర మీద కూడా రాఘవేంద్రరావు తన ముద్ర వేశాడు. ఈటీవీలో ప్రసారమైన శాంతి నివాసం అనే ధారావాహికకు రచయిత, దర్శకత్వ పర్యవేక్షకుడిగా వ్యవహరించాడు. ఈటీవీలో సౌందర్యలహరి అనే పేరుతో ఆయన సినీ జీవిత విశేషాలతో ఒక కార్యక్రమం ప్రసారమైంది.^[4]