سپېرکۍ
| Trachyspermum ammi سپېرکۍ | |
|---|---|
 | |
 | |
| مملکه | بوټي |
| څانگه | Tracheobionta |
| طایفه | د دوو تیفه گانو نباتونه |
| کورنۍ | Apiales |
| جېنس | Trachyspermum |
سپېرکۍ (په لاتين: Trachyspermum ammi) يو ډول سپېره بوټی دی چې د دانو څخه يې د کورني درملو کار اخستل کېږي. سپېرکې زموږ په هېواد کې په تېره بيا په ننگرهار، لوگر او د کابل په شاوخوا سيمو کې په خود رويه ډول شنه کېږي او هم په پټيو کې کرله کېږي. د اوبو څښل يې د گوزڼ او د غړو دلړزېدو لپاره گټه لري او ايشولي شوي اوبه يې د سترگو د پاکولو او د هغو د روښانتيا لپاره کارېږي. همدارنگه دغه دوا د سينې د درد دځيگر او توري دسختېدلو د ارږمۍ د بدبويی او دگېډې د سړېدلو د درملنې لپاره هم کارول کيږي
د مسالې په توگه
سمولد سپېركۍ د بوټي پاڼې د گشنيزو هغو ته ډېر ورته دي. دانې يې هگۍ ډوله (بيضوي) او خړ رنگ لري. خپلې دانې ته د ورته والي په لامل، غوزې يې كله نا كله دانې بلل كېږي. غوزې يې زياتره د ”لواج“ په دانو خطا كېږي. آن دا چې ځينې قاموسونه په تېروتنې سره وايي چې دا د ”لواج“ له بوټي څخه ترلاسه كېږي.
خوند او بوى
سمولسپېركۍ تريخ خوند او تېز بوى لري. كه يو لږ څه زيات وكارول شي نو د ټول كتغ خوند اړولاى شي.
د مسالې په توگه د سپېركۍ گټې
سمول- د كتغ خوند او بوى سموي
- لوږه (اشتها) زياتوي
- هضميت رامنځته كوي
- د نس او كولمو باد له منځه وړي
- د نس درد له منځه وړي
يادونه
سمولد سپېركۍ دوړه (پوډر) په پاكستان او هندوستان كې په سخت هاضمه خواړو لكه بايجي، پكوړا او داسې نورو كې كارول كېږي.