Constitución
Constitución qu’ei un quartièr de Buenos Aires hortament ligat aus transpòrts publics puish que deu lo son nom a la gara de Constitución (qui, dab la gara de Retiro, b’ei la mei importanta de la ciutat). Ua partida importanta de la linha de colectivo que part d’aquesta gara, e mei que lo 60, uns deus colectivos los mei importants. La linha C deu Subte que passa tanben per Constitución.
![](http://upload.wikimedia.org/wikipedia/commons/thumb/9/95/Constitucion-Buenos_Aires_map.png/200px-Constitucion-Buenos_Aires_map.png)
![](http://upload.wikimedia.org/wikipedia/commons/thumb/9/92/Estaci%C3%B3n_Constituci%C3%B3n_-_Interior.jpg/200px-Estaci%C3%B3n_Constituci%C3%B3n_-_Interior.jpg)
Despuish aquesta gara, òm se pòt aviar de cap au Gran Buenos Aires (la grana banlèga de la ciutat qui pertanh ja a la Província de Buenos Aires qui ei un estat desseparat de la Ciutat Autonòma de Buenos Aires) o autan luenh com la vila de La Plata (capitala de la Província de Buenos Aires) o Mar del Plata, la grana plaja toristica au sud de la Província de Buenos Aires.