Anapa

Anapa (russisk Ана́па) er ein by i Krasnodar kraj i Russland med om lag 55 000 innbyggjarar (2008). Han ligg ved Svartehavet, rundt 130 km vest for Krasnodar.

Anapa Анапа
Flagget til Anapa Byvåpenet til Anapa
Plassering
Styresmakter
Land	Russland
Føderasjonssubjekt	Krasnodar kraj
Grunnlagd Bystatus	1781 1846
Borgarmeister	Anatoli Pakhomov
Geografi
Flatevidd  - By	40 km²
Innbyggjarar  - Totalt (2008)    - folketettleik	55 740   1 393,5 /km²
Koordinatar	44°53′00″N 37°19′00″E / 44.88333°N 37.31667°E / 44.88333; 37.31667
Høgd over havet	20 moh.
Tidssone - Ved sommartid	MSK (UTC+3) MSD (UTC+4)
Diverse annan informasjon
Postnummer	353417–353457
Retningsnummer (tlf)	(+7)86133
Nettstad: www.anapa-official.ru

Byen er ein ferie- og rekreasjonsstad med mange kurstader og hotell. Saman med Sotsji og fleire andre byar langs den russiske svartehavskysten har han vorte langt meir populær etter oppløysinga av Sovjetunionen, som etterlet tradisjonelle sovjetiske feriebyar på Krim og i republikken Abkhasia i Georgia på andre sida av grensa.

Området rundt Anapa har vore busett sidan antikken. Han var først ei viktig hamn (Sinda) og seinare hovudstad i Sindica. Kolonien Gorgippia vart bygt på same stad som Sinda på 600-talet f.kr. av grekarar som kalla opp byen etter ein konge av Bosporus. På 200- og 100-talet f.kr. blømde Gorgippia med skipseigarane her frå som kontrollerte sjøtrafikken i den austlege delen av Svartehavet. Gorgippia eksisterte til 300-talet, då han vart herja av nomadiske stammer. Desse stammene gav Anapa det noverande namnet. Byen vart seinare erobra av Det osmanske riket, som bygde ei festning her i 1791. Festninga vart fleire gonger angripe av Russland og vart nesten fullstendig øydelagd under den siste omleiringa i 1829.