Canal+

စတုတ္ထမြောက် ပြင်သစ်ရုပ်သံလိုင်းအဖြစ် ထုတ်လွှင့်ရန် ကြေညာပြီးနောက် Canal+ ရုပ်သံလိုင်းကို ၁၉၈၄ ခုနှစ် နိုဝင်ဘာလ ၄ ရက်နေ့တွင် စတင်ထုတ်လွှင့်ခဲ့သည်။ ၁၉၈၆ ခုနှစ်တွင် ရုပ်သံလိုင်းအား ကြည့်ရှုသူပေါင်း တစ်သန်းရှိလာခဲ့သည်။

၂၀၀၀ ပြည့်နှစ်မှ ၂၀၀၂ ခုနှစ်အထိ Virginie Calmels သည် ဘဏ္ဍရေးဆိုင်ရာ ညွှန်ကြားရေးမှူးနှင့် စီအီးအို ရာထူးများကို ရယူနိုင်ခဲ့သည်။^[၁][၂]

၁၉၉၆ ခုနှစ် ဧပြီလ ၂၇ ရက်နေ့တွင် ဒစ်ဂျစ်တယ်ဂြိုဟ်တုစနစ်ဖြင့် စတင်ထုတ်လွှင့်ခဲ့ရာ Canal+ Jaune နှင့် Canal+ Bleu ရုပ်သံလိုင်းနှစ်ခု ထပ်မံပါဝင်လာခဲ့သည်။^[၃] စတုတ္ထမြောက်ရုပ်သံလိုင်းဖြစ်သော Canal+ Vert ကို ၁၉၉၈ ခုနှစ် ဩဂုတ်လ ၃၁ ရက်နေ့တွင် ထုတ်လွှင့်ခဲ့ပြီးနောက် ရုပ်သံလိုင်းအမည်များကို Canal+ Confort (၂၀၀၅ မှစတင်၍ Canal+ Décalé အဖြစ်)၊ Canal+ Cinéma နှင့် Canal+ Sport များအဖြစ် ၂၀၀၃ ခုနှစ် နိုဝင်ဘာလ ၁ ရက်နေ့တွင် ပြောင်းလဲခဲ့သည်။

၂၀၀၅ ခုနှစ် စက်တင်ဘာလတွင် Canal+, Canal+ Cinéma နှင့် Canal+ Sport ရုပ်သံလိုင်းများကို ပြင်သစ် ဒစ်ဂျစ်တယ် မြေပြင်ရုပ်သံလိုင်း ကွန်ယက်မှ စတင်ထုတ်လွှင့်ခဲ့သည်။ ၂၀၀၈ ခုနှစ် ဩဂုတ်လတွင် အရည်အသွေးမြင့် အခပေးရုပ်သံလိုင်းများကို မြေပြင်ကွန်ယက်မှ ထုတ်လွှင့်ခဲ့သည်။ ၂၀၁၀ တွင် အန်နလော့ဂ် ထုတ်လွှင့်မှုများကို ရပ်ဆိုင်းမည့် အစီအစဉ်များကို ကြေညာခဲ့သည်။^[၄]

Les Chaînes Canal+^[၅] သည် ပြင်သစ်ရှိ Canal+ ရုပ်သံလိုင်းများအားလုံး၏ ထုတ်ကုန်အမည် ဖြစ်ပြီး ၂၀၀၈ ခုနှစ် မတိုင်မီက Canal+ Le Bouquet ဟု ခေါ်ဆိုခဲ့သည်။