အယ်လ် ဂိုး

အဲလ်ဘတ် အာနိုး အယ်လ် ဂိုး ဂျူနီယာ (၁၉၄၈ မတ်လ ၃၁ မွေး) သည် အမေရိကန်ပြည်ထောင်စု၏ ၄၅ ဦးမြောက် ဒုတိယသမ္မတ ဖြစ်ပြီး အမေရိကန် သမ္မတ ဘီလ် ကလင်တန် နှင့်အတူ ၁၉၉၃ မှ ၂၀၀၁ အထိ ဆောင်ရွက်ခဲ့သည်။ သူသည် ၂၀၀၀ ခုနှစ် အမေရိကန် သမ္မတ ရွေးကောက်ပွဲတွင် ဒီမိုကရက်တစ် ပါတီမှ သမ္မတလောင်း အဖြစ် ဝင်ရောက် ယှဉ်ပြိုင်ခဲ့ပြီး မဲအရေအတွက် အားဖြင့် အသာရခဲ့သော်လည်း အီလက်ထရိုရယ် ကောလိပ် မဲ စနစ်ကြောင့် ရှုံးနိမ့်ခဲ့ရသည်။

အယ်လ်ဂိုးသည် ယခုလက်ရှိတွင် စာရေးဆရာနှင့် ပတ်ဝန်းကျင် ထိန်းသိမ်းရေး ဆိုင်ရာ လှုပ်ရှားသူ အဖြစ် နေထိုင်လျက် ရှိသည်။ သူသည် အကျိုးအမြတ် မမျှော်ကိုးသော အဖွဲ့အစည်း အများအပြားကို တည်ထောင်ခဲ့ပြီး ရာသီဥတု ထိန်းသိမ်းရေး မဟာမိတ် အဖွဲ့သည်လည်း တစ်ခု အပါအဝင် ဖြစ်သည်။ သူသည် ရာသီဥတု ပြောင်းလဲမှု နှင့် ဆိုင်သည့် လှုပ်ရှားမှု များအတွက် ငြိမ်းချမ်းရေး နိုဘယ်ဆုကို ရရှိခဲ့သည်။