ഫോട്ടോ ജേണലിസം

1848ൽ ഫ്രഞ്ച് മാഗസിനായ ഇല്യുസ്ട്രേഷനിൽ പ്രസിദ്ധീകരിച്ച വാർത്താ ചിത്രമാണ് ലോകത്തെ ആദ്യ ന്യൂസ് ഫോട്ടോഗ്രാഫ് എന്ന് കരുതിപ്പോരുന്നു. അതിനു മുൻപ് ചിത്രങ്ങൾ എടുത്തിരുന്നുവെങ്കിലും പ്രസിദ്ധീകരണങ്ങളിൽ ഇത് അച്ചടിക്കാനുള്ള വിദ്യ സാധ്യമായിരുന്നില്ല. കറുപ്പിലും വെളുപ്പിലുമുള്ള ചിത്രങ്ങളായിരുന്നു അന്ന് അച്ചടിച്ചിരുന്നത്. 1891ൽ നിറമുള്ള ഫോട്ടോകളും അച്ചടിക്കാൻ സംവിധാനമായി. എന്നാൽ 1880ൽ ഡെയ്ലി ഗ്രാഫിക് എന്ന ടാബ്ലോയിഡ് ഹാഫ് ടോൺ ചിത്രങ്ങൾ പ്രസിദ്ധീകരിച്ച് നിറമുള്ള ചിത്രങ്ങളുടെ ലോകത്തേക്ക് തുടക്കമിട്ടിരുന്നു,

സ്പോട്ടിലെ ചിത്രങ്ങൾ തിരുത്തുക

ആദ്യകാലങ്ങളിൽ പുറത്തു കൊണ്ടുനടക്കാവുന്ന ക്യാമറകൾ ഇല്ലാത്തതായിരുന്നു വാർത്താ ചിത്രങ്ങൾ എടുക്കാനുള്ള പ്രധാന പ്രശ്നം. യുദ്ധ ചിത്രങ്ങൾ എടുത്തുകൊണ്ടാണ് ഈ സംഭവങ്ങൾക്ക് മാറ്റം വരുത്തിയത്. അമേരിക്കൻ സിവിൽ വാറും, ക്രീമിയൻ വാറും എടുത്തുകൊണ്ടാണ് വാർത്താ ചിത്രങ്ങളുടെ വലിയൊരു മാറ്റത്തിനു തുടക്കമായത്.