ടില്ലൈറ്റ്

ടില്ലിന് സാന്ദ്രീകരണവും സന്ധാനവും സംഭവിച്ചുണ്ടാകുന്ന അവസാദശില. നിയതമായി വേർതിരിക്കപ്പെടാത്ത സംസ്തരരഹിത ഹിമാനി നിക്ഷേപമാണ് ടിൽ. കളിമണ്ണ്, മണൽ, ചരൽ, ബൗൾഡർ തുടങ്ങിയ അവസാദഘടകങ്ങളുടെ മിശ്രിതനിക്ഷേപമാണിത്. ഇതിനെ 'ബൗൾഡർ ക്ലേ' എന്നും വിളിക്കാറുണ്ട്. ടിൽ രണ്ടുവിധമുണ്ട്; ബേസൽ-ഹിമാനികളുടെ അടിത്തട്ടിനാൽ നീക്കം ചെയ്യപ്പെട്ട് അവയ്ക്കടിയിൽത്തന്നെ നിക്ഷേപിക്കപ്പെടുന്നവ, 'അബ്ലേഷൻ' - ഹിമാനികളുടെ ഉപരിതലത്തിലോ സമീപത്തോ കാണപ്പെടുന്നവ. അവസാദനിക്ഷേപത്തെ തുടർന്നുണ്ടാകുന്ന ഡയജെനിറ്റിക്ക്' പ്രക്രിയയാണ് ടില്ലൈറ്റിന്റെ രൂപീകരണത്തിനു നിദാനം. സംസ്തരണരാഹിത്യമാണ് ഈ ശിലയുടെ മുഖ്യസവിശേഷത.

Closeup of glacial till. Note that the larger grains (pebbles and gravel) in the till are completely surrounded by the matrix of finer material (silt and sand), and this characteristic, known as *matrix support*, is diagnostic of till.

അവലംബം തിരുത്തുക

കടപ്പാട്: കേരള സർക്കാർ ഗ്നൂ സ്വതന്ത്ര പ്രസിദ്ധീകരണാനുമതി പ്രകാരം ഓൺലൈനിൽ പ്രസിദ്ധീകരിച്ച മലയാളം സർ‌വ്വവിജ്ഞാനകോശത്തിലെ ടില്ലൈറ്റ് എന്ന ലേഖനത്തിന്റെ ഉള്ളടക്കം ഈ ലേഖനത്തിൽ ഉപയോഗിക്കുന്നുണ്ട്. വിക്കിപീഡിയയിലേക്ക് പകർത്തിയതിന് ശേഷം പ്രസ്തുത ഉള്ളടക്കത്തിന് സാരമായ മാറ്റങ്ങൾ വന്നിട്ടുണ്ടാകാം.