Македонски парламентарни избори (2006)

За учество на изборите се пријавија 33 кандидатски листи, од кои 31 на политички партии и коалиции и 2 од група избирачи.

Поголеми партии (и коалиции предводени од нив) што учествуваа на изборите се:

• Коалицијата „За Македонија заедно” (СДСМ, Либерално демократска партија, Демократска партија на Турците, Обединета партија на Ромите, Демократска партија на Србите, Демократска унија на Власите, Работничка земјоделска партија, Социјалистичка христијанска партија на Македонија, Зелена партија на Македонија)
• Коалицијата „За подобра Македонија“ (ВМРО-ДПМНЕ, Либерална партија на Македонија, Социјалистичка партија на Македонија, Демократски сојуз, Партија за движење на Турците во Македонија, Сојуз на Ромите од Македонија, Странка на демократска акција на Македонија, Партија на Власите од Македонија, Европска партија на Македонија, Партија на зелените, Народно движење за Македонија, Бошњачка демократска партија, Демократски сили на Ромите, Партија за интеграција на Ромите)
• Коалицијата Демократска унија за интеграција, Партија за демократски просперитет, Демократска лига на Бошњаците
• Демократска партија на Албанците
• Нова социјалдемократска партија
• ВМРО-Народна партија
• Демократска обнова на Македонија
• Земјоделска народна партија на Македонија

Од помалите политички партии и коалиции на изборите учествуваа:

• Демократска алтернатива
• Лига за демократија
• Партија за европска иднина
• Социјалдемократска партија на Македонија
• Комунистичка партија на Македонија
• Сојуз на титови леви сили
• Партија за економска обнова
• Демократска републиканска унија на Македонија
• ТМРО
• ТМОРО-ВЕП
• ВМРО – Демократска партија
• Национална алтернатива
• Радикална странка на Србите во Македонија
• Коалиција Леви сили на Македонија (Партија на пензионерите на Македонија и Реформирана комунистичка партија на Македонија)
• Центар на демократски сили
• Коалиција Нови демократски сили и Демократска алијанса на Албанците
• Национална демократска партија
• Демократска партија – Напред Македонијо - Форца
• Коалиција Македонски обединети сили – Семакедонска работничка партија и ВМРО - Обединета
• Демократска партија на Македонија (Тетово)
• Партија за демократска иднина
• Македонска партија
• Движење за национално единство на Турците

Кандидатска листа од група избирачи беше пријавена во четвртата изборна единица, предводена од Панчо Минов, и во петтата, предводена од Ќирчо Ташков.

Гласачкиот одзив беше 56,0% што е убедливо најнизок процент на гласачи на досегашните парламентарни избори. На овие избори излегоа цели 17% помалку гласачи во однос на претходните парламентарни избори. Драстичниот пад на гласачкиот одзив во голема мера се должи на разочараноста на македонските граѓани од политичките партии и нивниот капацитет да ја извлечат земјата од кризата, но во одредена мера се должи и на фактот што изборите и предизборната кампања се одвиваше во текот на Светското првенство во фудбал. Дека и тоа имало влијание покажуваат и парламентарните избори во Словачка, кои исто така се одржаа во текот на Светското првенство и каде се забележа сличен пад на гласачкиот одзив, од 70,0% на 54,7%.

На изборите победи коалицијата „За подобра Македонија“ предводена од ВМРО-ДПМНЕ, која освои 45 пратенички мандати. Следи коалицијата „За Македонија заедно“, предводена од СДСМ со 32 мандати, коалицијата ДУИ-ПДП освои 17, ДПА - 11 мандати, Нова социјалдемократска партија 7, ВМРО-Народна партија 6, Демократска обнова на Македонија 1 и Партијата за европска иднина 1 мандат.

Распределбата на мандатите по партии е следната:

Резултати по изборни единици уреди

Освоените мандати по изборни единици се следните:^[1]

1. ↑ Собрание на Република Македонија Мандатен извештај 2006-2008, 4 стр.
2. ↑ https://drive.google.com/file/d/1d_ByEudB7wgYvRnJRyOD67_TXGRJud7V/view

• Државна изборна комисија: резултати од Изборите 2006^{[мртва врска]}
• Пратеници избрани на изборите 2006 година
• Извештаи на ОДИХР за Изборите 2006 година
• Страница на А1 Телевизија посветена на Изборите 2006