Hans Christian Ørsted
Hans Christian Ørsted - o H.C. Ørsted (14 de augusto 1777, Rudkøbing, Danmark - 9 de martio 1851, Copenhagen, Danmark) esseva physico e chimico danese, fratre al prime ministro Anders Sandøe Ørsted e oncle al botanico con le mesme nomine. H.C. Ørsted es cognoscite pro esser le prime a fabricar aluminium in 1825 e, in 1820, pro haber detegite le connexion inter electricitate e magnetismo. Ille es considerate un del personalitates prominente del etate auree de Danmark.
| Hans Christian Ørsted | |
|---|---|
 | |
| Sexo | mascule |
| Nascentia | 1777-08-14 (Rudkøbing) |
| Decesso | 1851-03-09 (Copenhagen) |
| Loco de reposo | Assistens Cemetery[*] |
| Citatania | Danmark |
| Educate in | University of Copenhagen[*], University of Jena[*] |
| Occupation | physico, chimico, inventor, professor universitari[*], ingeniero[*], Pharmaceutico |
| Obras notabile | electromagnetismo |
| Religion | Eastern Orthodoxy[*] |
| Conjuge | Inger Birgitte Ørsted[*] |
| Infantes | Karen Scharling[*], Albert Nicolai Ørsted[*] |
| Fratres/sorores | Anders Sandøe Ørsted[*], Jacob Albert Ørsted[*] |
| Premios | Copley Medal[*], Pour le Mérite for Sciences and Arts order[*], Fellow of the Royal Society of Edinburgh[*], Fellow of the American Academy of Arts and Sciences[*], Foreign Member of the Royal Society[*] |
| Lingua | danese, latino |
| Signatura |  |
| Identificatores | |
| ISNI | 0000000108900052 |
| VIAF | 39490755 |
| Commons | Hans Christian Ørsted |
Le patre de H.C Ørsted esseva apothecario, e Hans Christian esseva inseniate in casa. In 1794 ille deveniva studente post solmente un anno e medie con studios. In 1797 ille passava su examine pharmaceutic e deveniva apothecario in Copenhagen, durante que ille continuava studiar philosophia, esthetica, physica e chimia. Ille obteneva le medalia auree del universitate in esthetica 1797 e in medicina 1798. In 1799 ille deveniva dr. phil. pro un dissertation super le philosophia de natura de Kant, e in 1800 ille esseva empleate al facultate medical. H.C. Ørsted viagiava in Europa e retornava a Copenhagen in 1803. Su cursos al universitate esseva popular, e in 1806 ille deveniva professor. Ille esseva un del fundatores del Instituto Polytechnic (danese: Polyteknisk Læreanstalt), hodie le Universitate Technic de Danmark, e su prime director 1829-1851.
Durante un discurso le 21 de april 1820 Ørsted faceva un experimento de tener un conducto ducente electricitate supra le flecha de un bussola que pois faceva un agitation. Isto esseva in realitate le discoperta del electromagnetismo.
H.C. Ørsted esseva un bon amico del autor Hans Christian Andersen.
H.C. Ørsted es sepelite al Cemeterio Assistens (danese: Assistens Kirkegård) in Copenhagen.
Le entitate Ørsted (o: Örsted pro illes, qui non pote scriber le littera danese/norvegian Ø-), abbreviate Oe, pro le fortia de un quadro magnetic es nominate secundo H.C. Ørsted.
