Կավկազսկի ռաբոչի

«Կավկազսկի ռաբոչի» (ռուս.՝ «Кавказский рабочий»), բոլշևիկյան օրաթերթ։ Հանդիսացել է ՌՍԴԲԿ երկրամասային և Թիֆլիսի կոմիտեների օրգանը։

Լույս է տեսել 1917—1918 թվականներին, Թիֆլիսում։ Խմբագրության աշխատանքներին ակտիվորեն մասնակցել են բոլշևիկյան գործիչներ Ստեփան Շահումյանը, Պ. Զավաուրիձեն, Մ. Ցխակայան, Ս. Քավթարաձեն և ուրիշներ։ Պրոպագանդել է լենինյան գաղափարախոսություն, պայքարել Համառուսաստանյան 7-րդ (Ապրիլյան) կոնֆերանսի և ՌԽԴԲԿ (բ) 6-րդ համագումարի որոշումների իրագործման համար։

Տպագրել է Ստեփան Շահումյանի «Նացիոնալիզմը Կովկասում և ռազմաճակատի մերկացումը», «Ռուսական հեղափոխությունը և անդրկովկասյան իշխանությունը», «Ճշմարտությունը Թիֆլիսի իրադարձությունների մասին» և այլ հոդվածներ։ 1918-ի փետրվարին անդրկովկասյան կառավարության հրահանգով թերթի տպարանն ավերվել է, իսկ հրատարակությունը՝ դադարեցվել։

Սա թերթի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 281)։