Ձայն լռության (ֆիլմ)
«Ձայն լռության» (անգլ.՝ The Voice of Silence), «VS & Tigers» ֆիլմ ստուդիայի (Հայաստանի ազգային կինոկենտրոնի և «Արմենիա» հեռուստաընկերության մասնակցությամբ), 2012 թվականին նկարահանված հայկական ֆիլմ։ Ներկայացվել է «Ոսկե ծիրան» միջազգային կինոփառատոնում և առաջադրվել է «Միջազգային խաղարկային մրցույթ» և «Հայկական համայնապատկեր» ծրագրերում[1]։
 | |
|---|---|
.jpg) | |
| Երկիր |  Հայաստան |
| Թվական | 2012 |
| Լեզու | հայերեն, անգլերեն ենթագրերով |
| Ռեժիսոր | Վիգեն Չալդրանյան |
| Պրոդյուսեր | Վիգեն Չալդրանյան |
| Սցենարի հեղինակ | Վիգեն Չալդրանյան |
| Դերակատարներ | Մարիամ Դավթյան Վիգեն Չալդրանյան |
| Օպերատոր | Արթուր Ուստյան Հակոբ Կարանֆիլյան |
| Երաժշտություն | Գարի Քյոսայան հնչյունային ռեժիսոր՝ Աննա Դրոժենկո, Հմայակ Ռոստոմյան |
| Կինոընկերություն | «VS & Tigers» ֆիլմ ստուդիայի (Հայաստանի ազգային կինոկենտրոնի և «Արմենիա» հեռուստաընկերության մասնակցությամբ) |
Համաշխարհային պրեմիերան տեղի է ունեցել 2012 թվականի հունվարի 18-ին Հոլիվուդի «Paramount Pictures» ստուդիայում։
Սյուժե խմբագրել
«Ձայն Լռության» ֆիլմը թեմատիկ առումով համամարդկային իմաստ ու խորք ունի։ Սփյուռքահայ արվեստագետի ինքնության վերահաստատման նուրբ պատմություն է՝ ըստ իրական փաստերի, պատահական հանդիպում «երկրորդ ես»-ի հետ, մարդու և նրա խղճի երկխոսություն, որից աստիճանաբար պարզվում է ճշմարտությունը։ Ֆիլմը դրվագ է այն ռեժիսորի անակնկալներով լի կյանքից, որն աշխարհաքաղաքացի ամերիկահայ դառնալով՝ ոտք է դրել իր ստեղծագործական եռանդի և գաղափարների աղբյուր հարազատ հողին։ 1988 թվականին հեռանալով հայրենիքից՝ նա որոշակի հաջողության է հասել Հոլիվուդում։ Իսկ այժմ վերադառնում է իր հրեա կնոջ հետ՝ ֆիլմ նկարահանելու։ Համապատասխան վայրեր փնտրելիս նա մի ավազահանքում պատահաբար հանդիպում է անօթևան երիտասարդ կնոջ, որն ապրում է կիսափուլ մեքենայի մեջ և ընկերացել է փողոցային շների հետ։ Հանդիպումը դառնում է ճակատագրական և, հերոսի մեջ հակասություն արթնացնելով, տանում դրամատիկ կուլմինացիայի, որն առանցքային է սեփական ճշմարտությունը գտնելու ճանապարհին։ Նա պետք է բարդ ընտրություն կատարի սրտի և գլխի միջև. շարժվել բանականության, թե՛ հույզերի թելադրանքով, թողնել հարմարավետ կյանքը, թե՛ լիովին շրջել այդ կյանքի ուղղությունը[2][3]։
Դերերում խմբագրել
- Ջիջի - Մարիամ Դավթյան
- Ջոն - Վիգեն Չալդրանյան
- Մարինե Սարգսյան
- Հռիփսիմե Սահակյան
- Խաչատուր Մարտիրոսյան
- Սևակ Հարությունյան
- Աստղիկ Գրիգորյան
Մրցանակներ խմբագրել
- Ազգային կինոյի «Հայակ» մրցանակ (լավագույն դերասանուհ), Երևան, 2013
- «Մետաքսի ճանապարհ» առաջին միջազգային կինոփառատոնի բարձրագույն՝ «Հանդիսատեսի համակրանք» մրցանակ, Չինաստան, Սիան, 2014
Ծանոթագրություններ խմբագրել
- ↑ «Ձայն լռության ֆիլմը «Ոսկե Ծիրան»ի Հայկական համայնապատկեր անվանակարգում». Արխիվացված է օրիգինալից 2015 թ․ փետրվարի 13-ին. Վերցված է 2015 թ․ փետրվարի 13-ին.
- ↑ «Ձայն լռության» խաղարկային ֆիլմն ընդգրկված է «Ոսկե ծիրան» կինոփառատոնում
- ↑ Սինեմատիկ ու ոչ սինեմատիկ մտորումներ. Վիգեն Չալդրանյանի «Ձայն լռության» ֆիլմի շուրջ