Հո Շի Մինի հուշարձան (Մոսկվա)
Հո Շի Մինի հուշարձան (ռուս.՝ Памятник Хо Ши Мину), հուշարձան Ռուսաստանի Դաշնության մայրաքաղաք Մոսկվայում, որը նվիրված է վիետնամցի քաղաքական գործիչ Հո Շի Մինին։ Տեղադրվել է նույնանուն հրապարակում՝ քաղաքի Ակադեմիական շրջանում։ Հուշարձանը բացվել է 1990 թվականի մայիսի 18-ին։
 | |
|---|---|
 | |
 | |
| Տեսակ | հուշարձան |
| Ճարտարապետ | Q97280114? |
| Երկիր |  Ռուսաստան |
| Բնակավայր | Մոսկվա |
| Շինության ձև | Քանդակ |
| Նյութ | բրոնզ և քար |
| Ներկա վիճակ | Կանգուն |
 Ho Chi Minh Monument Վիքիպահեստում | |
Հուշարձան
խմբագրելՀուշարձանը պատրաստված է բրոնզից և քարից և ներկայացնում է վիետնամցի քաղաքական գործիչ Հո Շի Մինի դիմանկարը խորհրդանշական արևի ֆոնին։ Արևի սկավառակի առջևում տեղադրված է վիետնամցու քանդակը, որը բարձրանում է ծնկած դիրքից։ Արևի սկավառակի հակառակ կողմում արևադարձային ծաղիկներ են և հնդկեղեգի երկու ծառ։ Հորինվածքը տեղադրված է կլոր սալիկի վրա։ Պատվանդանին փորագրված են Հո Շի Մինի բառերը.
 | Անկախությունից, ազատությունից թանկ ոչինչ չկա։ |  |
Պատմություն
խմբագրելՀո Շի Մինի հուշարձան տեղադրվել է 1990 թվականի մայիսի 18-ին նրա պատվին 1969 թվականին անվանակոչված հրապարակում։
Հուշարձանի հեղինակներն են քանդակագործ Վլադիմիր Ցիգալը և ճարտարապետ Ռոման Կանանինը։
ԽՍՀՄ-ի փլուզումից հետո մոսկովյան իշխանությունները ցանկանում էին քանդել հուշարձանը[1], ինչն առաջացրեց վիետնամցի դիվանագետների բողոքները, որոնք իրադարձությունների նման զարգացման դեպքում առաջարկում էին հուշարձանը տեղափոխել Մոսկվայում Վիետնամի դեսպանության տարածք[1]։ Ի վերջո, հուշարձանը մնաց իր տեղում։
Կարծիքներ հուշարձանի մասին
խմբագրելՀոն Շի Մինի հուշարձանի մասին կարծիքները տարբեր են։
Որոշ մարդիկ հուշարձանների համար անսովոր արտաքին տեսքի համար այն հեգնանքով անվանում են «թռչող ափսեի հուշարձան»։ Նրանք, ովքեր չգիտեն, թե ով է Հոն Շի Մինը, այն անվանում են «թաթար-մոնղոլական լծի 300-ամյակի հուշարձան»[1]։
Սակայն Վիետնամի ընկերների՝ Վիետնամական պատերազմի ընթացքում Վիետնամում աշխատած խորհրդային ռազմական մասնագետների համար սա մի վայր է, որտեղ նրանք Հո Շի Մինի ծննդյան օրը՝ մայիսի 19-ին, ուղիղ ժամը 10-ին, առանց հրավերի և հիշեցման ամեն տարի հավաքվում են միասին[2]։
Մոսկվայում գտնվող վիետնամցիների համար Հոն Շի Մինի հուշարձանը բավական մեծ ժողովրդականություն է վայելում. արձանը հաճախ են այցելում վիետնամական հարսանիքների մասնակիցները[3]։
Մրցանակներ
խմբագրել- Մոսկվայում Հոն Շի Մինի հուշարձանի ստեղծման համար քանդակագործ Վլադիմիր Ցիգալը պարգևատրվել է վիետնամական Բարեկամության շքանշանով[4]։
Ծանոթագրություններ
խմբագրել- ↑ 1,0 1,1 1,2 «Сквер на площади Хо Ши Мина» (ռուսերեն). Парки Москвы. Արխիվացված օրիգինալից 2013 թ․ հուլիսի 3-ին. Վերցված է 2013 թ․ հունիսի 28-ին.
- ↑ Нгуен Данг Фат. «39-я ежегодная встреча военных советников, работавших во Вьетнаме во время войны» (ռուսերեն). Межрегиональная общественная организация ветеранов войны во Вьетнаме. Արխիվացված օրիգինալից 2013 թ․ հուլիսի 3-ին. Վերցված է 2013 թ․ հունիսի 29-ին.
- ↑ «Памятник Хо Ши Мину» (ռուսերեն). Департамент культуры города Москвы. 2009 թ․ մարտի 19. Արխիվացված է օրիգինալից 2013 թ․ հուլիսի 3-ին. Վերցված է 2013 թ․ հունիսի 28-ին.
- ↑ «Евреи Известные и Неизвестные на Почтовых Марках. Цигаль Владимир Ефимович» (ռուսերեն). shabashkevich.com. Արխիվացված օրիգինալից 2013 թ․ հուլիսի 3-ին. Վերցված է 2013 թ․ հունիսի 29-ին.
Արտաքին հղումներ
խմբագրել- «Памятник Хо Ши Мину» (ռուսերեն). Департамент культуры города Москвы. 2009 թ․ մարտի 19. Արխիվացված է օրիգինալից 2013 թ․ հուլիսի 3-ին. Վերցված է 2013 թ․ հունիսի 28-ին.
- Памятник Хо Ши Мину на Wikimapia