Neretva
Neretva (kyrilisce Неретва, italsce Narenta) je najwuznamniša rěka Hercegowiny. Wot cyłkownje 225 kilometrow běži wona 203 kilometry přez Bosnisku a Hercegowinu a 23 kilometrow přez Chorwatsku.
| Neretva/Неретва | |
 Neretva w Mostarje | |
| ćeče přez | Bosnisku-Hercegowinu, Chorwatsku |
| žórło | pola Gacka, Bosniska a Hercegowina (43° 17′ 54″ S, 18° 33′ 51″ W43.29833333333318.564166666667 ) |
| wysokosć | 1095 m |
| wuliw | w Dalmaciskej do Jadranskeho morja (43° 1′ 10″ S, 17° 26′ 41″ W43.01944444444417.444722222222Koordinaty: 43° 1′ 10″ S, 17° 26′ 41″ W ) |
| wysokosć | 0 m |
| rěčina | Buna, Bregava, Rakitnica, Trebižat |
| dołhosć | 225 km |
| přestrjeń rěčiny | 5581 km² |
Rěka so wužórli južnje horin Zelengora w bliskosći narodneho parka Sutjeska a čornohórskeje hranicy na teritoriju gmejny Gacko a běži najprjedy zwjetša do sewjerozapadneho směra. Na woběmaj bokomaj rěki nadeńdu so horiny, kiž su zdźěla wyše hač 2100 metrow. Za městom Konjic nadeńdźe so we wudrjeńcy Neretvy Jablanički spjaty jězor. Blisko Jablanicy wobroći so rěka do juha a docpěje Mostar, stolicu Hercegowiny. Blisko chorwatskeho městačka Ploče wuliwa so z płódnej rěčnej deltu do Jadranskeho morja. Neretva je jenička wulka rěka Bosniskeje a Hercegowiny, kotraž běži bjezposrědnje do morja, mjeztym zo wotběža tamne rěki přez Sawu a Dunaj do Čorneho morja. Wona je zdobom jenička wjetša rěka, kiž předrěwa Dinariske horiny ze sewjera do juha.
Wudrjeńca Neretvy słuži hižo ze starodawna jako wažny wobchadny koridor mjez Jadranskim pobrjohom a Sarajewom.
Wotkaz wobdźěłać
Commons: Neretva – Zběrka wobrazow, widejow a awdiodatajow
