A tempada 1989/90 da Primeira división española de fútbol, que foi a 59ª edición do campionato, comezou o 2 de setembro de 1989 e rematou o 6 de maio de 1990.O Real Madrid proclamouse campión, igualando a súa propia marca de cinco títulos consecutivos. Así mesmo, bateu a marca de goles nunha soa tempada con 107 tantos, máis dunha terceira parte dos cales (38) foron materializados por Hugo Sánchez, quen igualou así a marca de goles nunha tempada.
Por quinta vez na súa carreira, Hugo Sánchez conseguiu o trofeo ao máximo goleador da Primeira División de España, situándose, por detrás de Telmo Zarra, como o segundo futbolista que máis veces logrou esta distinción. Os seus 38 tantos igualaron a marca de goles nunha soa campaña, establecido tamén por Zarra a tempada 1950/51, obtendo ademais a Bota de Ouro como máximo goleador de todas as ligas europeas.
O trofeo ao porteiro menos goleado do campionato decidiuse na última xornada, cun enfrontamento directo entre os equipos dos dous aspirantes, o Sporting de Gijón de Ablanedo II e o Atlético de Madrid de Abel Resino. O porteiro dos madrileños encaixou dous goles, mentres que o internacional asturiano se retirou invicto no minuto 62, asegurándose así o Trofeo Zamora por terceira vez na súa carreira.
Para optar a este premio do Diario Marca foi necesario disputar 60 minutos en, como mínimo, 28 partidos.
.jpg)
.svg){kind=small}
