Nicole Kidman
Nicole Mary Kidman (Honolulu (Hawaï), 20 juny 1967) is in Australysk aktrise.
Biografy bewurkje seksje
Kidman wenne yn de VS oant har fjirde jier, doe ferhuze hja mei har âlden nei Austraalje. Doe't hja trije wie, begûn hja mei balletles. Mei 14 jier sette har karriêre útein mei in rol yn de krystfilm Bush Christmas.
Op de set fan Days of Thunder, har earste Amerikaanske film, krige sy in ferhâlding mei Tom Cruise. De twa trouden op 25 desimber 1990. Neidat hja op 8 augustus 2001 wer skieden, krige Kidman in relaasje mei Lenny Kravitz. Har tsjintwurdige leafde is countryzanger Keith Urban mei wa't sy yn juny 2006 troude.
Yn it skoft dat sy mei Cruise troud wie namen sy twa bern oan: Isabella en Connor. De skieding fan 2001 soe te krijen hân hawwe mei skeel oer it grutbringen fan de bern; Kidman woe harren katolyk hawwe en woe net dat hja ûnder de ynfloed fan de Scientologytsjerke kamen, dêr't Cruise by is.
Nicole Kidman en har man Keith Urban krigen op 7 july 2008 in dochter, Sunday Rose Kidman Urban. It famke seach it ljocht yn Nashville, Tennessee.
Kidman wûn in Oscar foar bêste frouljushaadrol yn de ferfilming fan Michael Cunninghams roman The Hours yn 2003. Kidman har fermogen wurdt rûsd op hast 100 miljoen euro. Yn 2006 wie sy de bêst betelle akrise yn de wrâld.
Fierders hat Kidman, tige djoer betelle, reklamewurk dien, ûnder oaren foar Chanel en is hja yn Austraalje ambasatrise foar UNICEF.
