Oktobro de 2014

Jen listo de okazaĵoj en oktobro 2014.

Kenĝi Goto (japana video-ĵurnalisto​) estis kaptita kaj ostaĝigita en Sirio fare de aktivuloj de la Islama Ŝtato (IŜIL)​.

5-a de oktobro

• Neniu kandidato venkis dum prezidenta elektado en Brazilo, do dua elektado okazos je la 26-a.

9-a de oktobro

• Oni aljuĝis al la franca Patrick Modiano la literaturan Nobel-premion.

10-a de oktobro

• Oni aljuĝis al la infanrajtaj aktivuloj pakistana Malala Yousafzai kaj barata Kailash Satyarthi la Nobel-premion de paco 2014.

11-a de oktobro

•  Belgio ekhavis novan registaron: koalicio de dekstraj partioj kun Charles Michel kiel ĉefministro.

12-a de oktobro

• Evo Morales elektiĝis triafoje kiel Prezidento de Bolivio per 61 % el la voĉdonoj.

14-a de oktobro

• En Nepalo, neatendita neĝoŝtormo kaj lavangoj mortigis almenaŭ 39 homojn sur la Anapurna ĉirkaŭirejo.

15-a de oktobro

• La ŝijaisma kleriko Nimr al-Nimr mortkondamniĝis en Sauda Arabio pro ribelado.

21-a de oktobro

• Oscar Pistorius estis kondamnita al kvin jaroj de enkarcerigo.
• Eksĉefministro de Aŭstralio, Gough Whitlam, mortis je la aĝo de 98 jaroj.

26-a de oktobro

• Balotado okazis en Tunizio laŭ la nova bazleĝo; la sekularistoj venkis.
• Ian Khama reelektiĝis kiel Prezidento de Bocvano.

27-a de oktobro

• Dilma Rousseff reelektiĝis kiel Prezidento de Brazilo.
• Balotado okazis en Urugvajo, sed neniu kandidato venkis, do dua okazos je la 30-a de novembro.

28-a de oktobro

• Manifestacioj en Burkino protestis kontraŭ la proponata oficperiodoplilongigo de Blaise Compaoré.

31-a de oktobro

• La burkina prezidento Blaise Compaoré demisiis post 27 jaroj.