Langvedoko-Rusiljono

Langvedoko-Rusiljono (france Languedoc-Roussillon [langdok' rusijõ']; okcitane: Lengadòc-Rosselhon [lengodo-ruselju]) estis administra regiono en suda Francio ĉe la Mediteraneo kaj Pireneoj, natura limo kun Hispanio. Ĝia nomo estas kunigo de du malnovaj regionoj la okcitanlingva Langvedoko, kaj la katalunlingva Rusiljono. Ĝi konsistas el la kvin departementoj Aude, Gard, Hérault, Lozère, Pyrénées-Orientales.

Langvedoko-Rusiljono
france Languedoc-Roussillon, okcitane Lengadòc-Rosselhon
regiono
Fontano fronte de Opero en Montpeliero
Flago
Ŝtato	Francio
Departementoj	5  - Aude  - Gard  - Hérault  - Lozère  - Pyrénées-Orientales
Historia regiono	Langvedoko
Montaro	Pireneoj
Najbaras kun	6  - Sudo-Pireneoj Francio  - Aŭvernjo Francio  - Rodano-Alpoj Francio  - Provenco-Alpoj-Bordo Lazura Francio  - Mediteraneo maro  - Katalunio Hispanio
Gravaj urboj	8  - Alès  - Béziers  - Perpignan  - Narbonne  - Carcassonne  - Nîmes  - Laurac  - Seto
Riveroj	Lez, Mosson
Prefektejo	Montpellier
- mezo	Montpellier
- koordinatoj	43° 36′ 43″ S 03° 52′ 38″ O / 43.61194 °S, 3.87722 °O / -43.61194; 3.87722 (mapo)
Areo	27 376,0 km² (2 737 600 ha)
Loĝantaro	2 548 000 (2007)
Denseco	93,07 loĝ./km²
Horzono	MET (UTC+1)
- somera tempo	MET (UTC+2)
ISO-kodo	FR-K
Vinoj	Langvedoko
Situo enkadre de Francio
Vikimedia Komunejo: Languedoc-Roussillon
Retpaĝo: www.laregion.fr

Ĉefurbo de la regiono estas Montpellier. Inter pliaj aparte gravaj urboj menciindas Alès, Béziers, Perpignan, Narbonne, Carcassonne, Nîmes, Laurac kaj Seto. ISO-kodo de la regiono estas FR-K.

La 1-an de januaro 2016, la regiono ĉesis ekzisti per kunigo kun apuda regiono Sudo-Pireneoj: nova regiono Okcitanio estis kreita.