Банишевский, Анатолий Андреевич
Анато́лий Андре́евич Банише́вский (азерб. Anatoli Andreyeviç Banişevski; 1946 шеран 23 февраль[2], Бакох — 1997 шеран 10 декабрь, Бакох) — советийн футболист, тӀелатархо, тренер. Бакохан «Нефтчин» капитан, ССРС гулйина командин ловзархо. Дуьненайукъара классан ССРС спортан говзанча (1990). ССРС спортан хьакъ долу говзанча (1991). Сийн орденан кавалер (1996).[3]
 Банишевский Анатолий | |||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
.png) Банишевский Анатолий 1967 шеран ноябрехь | |||||||||||||||||||||||||||||||
| Йукъара хаамаш | |||||||||||||||||||||||||||||||
| Йуьззина цӀе | Банишевский Анатолий Андреевич | ||||||||||||||||||||||||||||||
| Харц цӀе | Баня[1] | ||||||||||||||||||||||||||||||
| Вина терахь | 1946 шеран 23 февраль[2] | ||||||||||||||||||||||||||||||
| Вина меттиг | |||||||||||||||||||||||||||||||
| Кхелхина терахь | 1997 шеран 10 декабрь (51 шо) | ||||||||||||||||||||||||||||||
| Кхелхина меттиг | |||||||||||||||||||||||||||||||
| Гражданалла | |||||||||||||||||||||||||||||||
| Локхалла | 174 см | ||||||||||||||||||||||||||||||
| Позици | тӀелатархо | ||||||||||||||||||||||||||||||
| |||||||||||||||||||||||||||||||
| СовгӀаташ а, мидалш а | |||||||||||||||||||||||||||||||
| |||||||||||||||||||||||||||||||
| |||||||||||||||||||||||||||||||
 Медиафайлаш Викилармехь | |||||||||||||||||||||||||||||||
Биографи нисйе бӀаьра
Банишевский вина, кхиина Бакохахь молоканийн доьзалехь[4]. Шен дерриг дахар чекхдаьккхина оцу гӀалахь. Меттигерчу «Нефтчи» клубе кхечира 16 шо долуш, сихха йукъакхечира коьрта хӀоттаман. Къона Банишевскин ловзар гинарш цецбовлура, къобал йора цуьнан похӀма. ГӀараевлла мехкан клубаш кхидайора цунна москохан а, киевн а дахар, амма иза кхин дӀа ловзура шен даймахкахь, шен атакера кхин гӀараваьллачу форвардца Маркаров Эдуардца. 19 шо долуш Морозов Николайс кхайкхира цуьнга мехкан гулйинчу хьалхара команде, цигахь Анатолис хаза дебют йира — 7 гол бархӀ матчехь. Царех цхьаъ, коьртаца 25—40 метр генара (хьосташкахь цхьаьна кепара ца дуьйцу) Мараканин тӀехь сийлахь бразилхошна тоьхна гол, дуьненан футболан исбаьхьаллин хазна хилира.
Банишевскийн уггаре аьтто болу шо хилира 1966 шо, оцу хенахь иза левзира дуьненан чемпионатехь, мехкан гулйина команда кхечира ахфинале, 4-гӀа меттиг йаьккхира. Оццу шарахь «Нефтчис» ехира ССРС чемпионатан борзанан мидалш.
1972 шеран Европин чемпионат чекхйаьлча, цигахь ССРС гулйина командо шолгӀа меттиг йаьккхира, иэшаран коьрта бехкениг вина, хьаькамийн къинхетамера велира, гулйина команде ца кхойкхуш севцира. Банишевскийн бохаме деира иза, цунна футбол йита а дагадеира, цхьаьна хенахь ца ловзуш а Ӏийра. Амма тӀаьхьа йухавеина чекхйаьккхира ловзархочун карьера шен «Нефтчин» йукъахь.
Цхьана хенахь, карьера чекхйаьккхинчул тӀаьхьа, «Нефтчин» йукъахь тренер болх бира, Буркина-Фасохь кегийрхойн тренер хилира. Амма иза иэшо волийра гучуевллачу цамгарша — панкреатито а, шекаран диабето а — тренерийн болх бита бийзира. Банишевский кхелхира 1997 шеран 10 декабрехь. ДӀавоьллина Бакохахь сийлахь дӀабохкаран шолгӀа Аллейхь (Аллей йу Ясамалан кешнашкахь).
Цуьнан цӀарах Масаллыхь стадион йиллина. 2003 шарахахь УЕФАн 50 шеран юбилей йолуш, цунна йукъабогӀу футболан кхолламаш цӀераш ехира тӀаьхьарчу 50 шеран уггаре дика ловзархочун. Азербайджанан футболан федерацис уггаре диканиг гайтира Банишевский Анатолий. 2010 шеран 23 февралехь Бакохахь даздира легенда хилла футболистан 64 шо кхачар.[5] «Центр Пропаганды» арахецараллехь (Москох, 2008) араделира жайна «ЦӀогадолу седин тач. Банишевский Анатолийн дахаран агӀонаш» (автор Азер Джангиров).
Банишевскийн йоьӀан кӀант Бабаев Ӏела 2011 шарахь дуьйна ловза волавелла, мацах цкъа шен ненада левзина йолу, «Нефтчин» жимхийн командин йукъахь[6].
ССРС гулйина командехь ловзар нисйе бӀаьра
ССРС гулйина командехь левзина 50 матчехь, чутоьхна 19 гол.
Хьалхара матч — Бразилин гулйина командин дуьхьала – 0:3 (1965). ТӀаьххьара матч — ФРГ гулйина командин дуьхьала – 0:3 (1972).
Цхьана матчехь уггаре дукха тоьхна буьрканаш — 3 гол Желтойчоьнан гулйина командин кевнашна чу – 4:1 (1965)[7]
Ловзаран статистика нисйе бӀаьра
Хьост.[8]
| Клуб | Шо | Лига | Чемп.[9] | Кад[10] | Дубль[11] | Йерриг | ||||
|---|---|---|---|---|---|---|---|---|---|---|
| Ловзар | Гол | Ловзар | Гол | Ловзар | Гол | Ловзар | Гол | |||
| Нефтчи Бакох | 1963 | Лакхара Лига | 0 | 0 | 0 | 0 | ? | 3 | ? | 3 |
| 1964 | Лакхара Лига | 20 | 3 | 1 | 1 | 0 | 0 | 21 | 4 | |
| 1965 | Лакхара Лига | 27 | 8 | 1 | 0 | 0 | 0 | 28 | 8 | |
| 1966 | Лакхара Лига | 14 | 12 | 0 | 0 | 0 | 0 | 14 | 12 | |
| 1967 | Лакхара Лига | 21 | 13 | 4 | 0 | 0 | 0 | 25 | 13 | |
| 1968 | Лакхара Лига | 18 | 8 | 3 | 3 | 0 | 0 | 21 | 11 | |
| 1969 | Лакхара Лига | 7 | 1 | 0 | 0 | 0 | 0 | 7 | 1 | |
| 1970 | Лакхара Лига | 24 | 6 | 4 | 2 | 0 | 0 | 28 | 8 | |
| 1971 | Лакхара Лига | 28 | 10 | 5 | 5 | 0 | 0 | 33 | 15 | |
| 1972 | Лакхара Лига | 26 | 10 | 2 | 1 | 0 | 0 | 28 | 11 | |
| 1973 | Хьалхара Лига | 30 | 22 | 3 | 0 | 0 | 0 | 33 | 22 | |
| 1974 | Хьалхара Лига | 0 | 0 | 0 | 0 | 0 | 0 | 0 | 0 | |
| 1975 | Хьалхара Лига | 17 | 6 | 0 | 0 | 0 | 0 | 17 | 6 | |
| 1976 | Хьалхара Лига | 29 | 12 | 2 | 0 | 0 | 0 | 31 | 12 | |
| 1977 | Лакхара Лига | 9 | 3 | 0 | 0 | 0 | 0 | 9 | 3 | |
| 1978 | Лакхара Лига | 18 | 7 | 5 | 3 | 0 | 0 | 23 | 10 | |
| Дерриг | 288 | 121 | 30 | 15 | ? | 3 | 318 | 139 | ||
Кхиамаш нисйе бӀаьра
- Клубан
- ССРС чемпионатан Лакхара лигин борзанан совгӀатхо: 1966
- ССРС чемпионатан Хьалхара лигин детин совгӀатхо: 1976
- Гулйина командин йукъахь
- Дуьненан чемпионатан ахфиналист: 1966.
- Европин чемпионатан ахфиналист: 1968.
- Европин чемпионатан детин совгӀатхо: 1972
- Долара
- «Шеран уггаре дика дебютанташ» совгӀат долчарех цхьаъ: 1964
- ССРС шеран 33 уггаре дика футболистийн испискашна йукъахь: № 2 — 1965, 1966; 1967[12]
- Федотов Григорийн цӀарах бомбардирийн клубан декъахо (115 буьрка)
- Нетто Игоран клубан декъахо (50 матч )
- 1954—2003 шерийн муьрера Азербайджанан уггаре дика футболист (UEFA 50 шо кхачарна лерина юбилейн совгӀат)
Сийлахь цӀераш а, орденаш а нисйе бӀаьра
Билгалдахарш нисйе бӀаьра
- ↑ Сам Пеле завороженно смотрел на «Баню...»
- ↑ 1 2 Anatoliy Banishevskiy // FBref.com(бил-боцу.)
- ↑ Текст Указа Президента Азербайджанской Республики Гейдара Алиева о награждении Анатолия Банишевского орденом «Слава». ТӀекхочу дата: 2013 шеран 30 июль. Кху чуьра архивйина оригиналан 2015 шеран 23 октябрехь Архивйина 2015-10-23 — Wayback Machine
- ↑ Беседа с Казбеком Туаевым. Svoboda.org.
- ↑ В Бакох будет почтена память Анатолия Банишевского.Newsazerbaijan.ru
- ↑ Внук Банишевского в Нефтчи
- ↑ Футболисты мира. Анатолий Банишевский. Архивйина 2020-11-24 — Wayback MachineFootballplayers.ru
- ↑ Банишевский Анатолий Андреевич. Footballfacts.ru.
- ↑ ССРС чемпионат
- ↑ ССРС кад
- ↑ Бакохан Нефтчин дублан хӀоттам
- ↑ 1967 шарахь исписка хӀоттийна зӀенашца а, абатан низамехь а (лоьмарш йоцуш).
Хьажоргаш нисйе бӀаьра
- Профиль на сайте «Сборная России по футболу» Архивйина 2021-02-03 — Wayback Machine
- Имя Анатолия Банишевского золотыми буквами вписано в историю азербайджанского футбола
- Любимец Азербайджана
- Один год — и вся жизнь… Статья Светланы Авдеевой
- Фото могилы
- Страница Анатолия Банишевского на сайте «Спортивный некрополь»
- Фуад Мамедов-Пашабейли. Три встречи с легендарным Толиком
- Футболан общественность посетила могилу Анатолия Банишевского. Фото Архивйина 2020-01-16 — Wayback Machine
- Вечная память! 74 года со дня рождения легенды азербайджанского футбола Анатолия Банишевского! - Фото - Видео