Балтача, Сергей Павлович
Балтача́ Сергей Павлович (вина 1958 шеран 17 февралехь, Ждановхь, Сталинан область, УССР, ССРС) — советийн а, украинийн а футболист, турсло а, ахтурсло а. ССРС спортан говзанча (1977), ССРС дуьненайукъара классан спортан говзанча (1980), ССРС спортан хьакъ долу говзанча (1986).
 Балтача Сергей | |||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Йуьззина цӀе | Балтача Сергей Павлович | ||||||||||||||||||||||||||||||||||||||||||||||||
| Вина терахь | 1958 шеран 17 февраль (66 шо) | ||||||||||||||||||||||||||||||||||||||||||||||||
| Вина меттиг | Жданов, Сталинан область, Украинийн ССР, ССРС | ||||||||||||||||||||||||||||||||||||||||||||||||
| Гражданалла |  ССРС Украина | ||||||||||||||||||||||||||||||||||||||||||||||||
| Локхалла | 183 см | ||||||||||||||||||||||||||||||||||||||||||||||||
| Йозалла | 74 кг | ||||||||||||||||||||||||||||||||||||||||||||||||
| Позици | юккъера турсло | ||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||
| СовгӀаташ а, мидалш а | |||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||
Биографи бӀаьра нисйан
Вина 1958 шеран 17 февралехь Ждановхь (хӀинца Донецкан область, Украина). Ждановн берийн «Азовсталь» командин а, харьковн спортинтернатан а кхиорхо. Киевн «Динамо» йукъахь ловзуш, доьазза йаьккхина ССРС чемпионат а, доьазза ССРС Кад а. Балтача Сергейс кхин а баьккхина УЕФАн Кад баьккхинчеран Кад (1986).
ССРС гулйина командехь левзина 45 матч, чутоьхна 2 гол. ССРС олимпий гулйина командехь левзина 2 матч. Кхин а левзина ССРС гулйина командехь цкъа официалан йоцучу матчехь (ССРС — Дуьненан седарчий — 3:3, 1989 шеран 28 июнехь), оцу матчехь гол туьйхира.
1988 шо чекхдолуш, советийн футболистех уггаре хьалхарчаьрца дӀавахара ловза дозанал арахьа, Йоккхачу Британи. Ткъа эзар стерлингийн фунт делира цунах ингалсан футболан клубо «Ипсвич Тауно».
1989 шеран январехь дебют хилира керлачу клубехь цӀерачу ловзарехь «Суонси Ситин» дуьхьала, гӀо дира шен командин 5:1 чоьтаца толам баккха.
1989—1990 шерашкахь 8-зза левзира «Ипсвич Таун» йукъахь, царех 3 бен коьртачу хӀоттамехь ца левзира. 1990 шеран июлехь мехаза кхечира шотландин футболан «Сент-Джонстон» клубана, цунна йукъахь аьттонца левзира 3 шарахь. 1993—1994 шерашкахь левзира «Инвернесс Каледониан Тисл» командехь. Цунна йукъахь левзира ловзу тренер а волуш.
Цул тӀаьхьа, 1995—1998 шерашкахь, коьрта тренеран ассистент болх бира Украинехь «ЦСКА-Борисфен» йукъахь годах. ТӀаккха Шотланде йухавирзина коьрта тренеран ассистент хилира «Сент-Мирренехь» (1998—1999), тӀаккха тренер хилира Шотландин футболан ассоциацин (1999—2001).
2001 шарахь дуьйна — Ингалсехь «Чарльтон Атлетик» клубан жимахойн академин тренер. Цхьаьна хенахь болх бира «Челсехь», ткъа 2012 шарахь йуха а «Чарльтон Атлетике веира».
