9 × 19 mm Parabellum

An 9 × 19 mm Parabelllum zo ur c'halibr kartouchennoù savet evit ar pistolennoù damaotomatek. Ar c'halibr armoù-dorn implijetañ eo er bed, abalamour dezhañ da vezañ munision standart AFNA.

9 x 19 mm Parabellum
Doare
Kalibr	9 mm
Doare korf an douilhez	kreuzenn (rimless)
Doare skeiñ	e-kreiz
Bro orin	Impalaeriezh Alaman
Muzulioù
Ø bannadell	9,01 mm
Ø kolier	9,65 mm
Ø stagell an douilhez	9,65 mm
Ø korf an douilhez	9,65 mm
Ø strad	9,96 mm
Hirder an douilhez	19,15 mm
Hirder ar gartouchenn	29,7 mm
Perzhioù all
Pouez ar gartouchenn	12 g
Pouez ar vannadell	7,45 g - 8 g
Tizh mont e-maez V0	330 - 400 m/s
Gwask ar gazoù d'ar muiañ	2 350 bar
Energiezh ar vannadell	480 - 550 J
Lezenn
Rummad e Bro-C'hall	B

Implijet e voe da gentañ er bistolenn Parabellum P08 savet gant Georg Luger, a zeuas da vezañ poblek e Stadoù-Unanet Amerika e hanterenn gentañ an XXvet kantved. En Europa e raer gant an anv 9 mm Parabellum pe 9 mm Para ; e Stadoù-Unanet Amerika e vez anvet aliesoc'h 9 mm Luger. Saverien munisionoù eus Europa evel Sellier & Bellot a ra muioc'h-mui gant an anv Luger da glask gounit tachenn war ar marc'had amerikan.