Томаш Сікора
Томаш Сікора (польск.: Tomasz Sikora; 21 снежня 1973, Вадзіслаў Слёнскі, Сілезскае ваяводства) — польскі біятланіст, срэбны прызёр зімовых Алімпійскіх гульняў у Турыне, чэмпіён свету па біятлоне 1995.
 Томаш Сікора | |
|---|---|
 | |
| Агульная інфармацыя | |
| Арыгінальнае імя | польск.: Tomasz Sykora |
| Нарадзіўся | 21 снежня 1973 (50 гадоў) Вадзіслаў Слёнскі, Сілезскае ваяводства, Польшча |
| Грамадзянства |  Польшча |
| Пражыванне | Вадзіслаў Слёнскі, Польшча |
| Рост/Вага | 182 см/76 кг |
| Захапленні | музыка, тэніс |
| Адукацыя | студэнт акадэміі фізічнай культуры |
| Тытулы | |
| Чэмпіён свету | 1 (1995) |
| Кубак свету, спрынтарскія гонкі | 1 |
| Трапнасць стральбы | |
| Паводле даных за | 2007—2008 |
| Агульная трапнасць | 84% |
| Лежачы | 90% |
| Стоячы | 79% |
| Кар’ера (Кубак свету) | |
| Перамог | 5 |
| Асабістых подыумаў | 20 |
 Медыяфайлы на Вікісховішчы | |
Біятлон
правіцьТомаш Сікора пачаў займацца біятлонам у 1989 годзе, а ўжо ў сезоне 1993—1994 выйшаў на ўзровень Кубка свету. У наступным сезоне ён сенсацыйна выйграе індывідуальную гонку Чэмпіянату свету ў Антольц-Антэрсельве. Аднак у далейшым назіраецца спад у выступах Сікоры. На Алімпіядах 1998 і 2002 гадоў Томаш Сікора не змог апраўдаць тых чаканняў, якія ўскладалі на яго польскія трэнеры па біятлоне. Аднак пасля 2003 года ён пачынае ўсё больш і больш паляпшаць свае паказчыкі. У 2004 годзе выйграе сярэбраны медаль чэмпіянату свету ў Оберхофе, а на Зімовых Алімпійскіх гульнях 2006 года становіцца віцэ-чэмпіёнам Алімпійскіх гульняў у мас-старце, саступіўшы толькі трохразоваму алімпійскаму чэмпіёну Міхаэлю Грайсу і пакінуўшы за сабой пяціразовага алімпійскага чэмпіёна Уле-Эйнара Б'ёрндалена. На дадзены момант Томаш Сікора па праву лічыцца лідарам польскай зборнай па біятлоне.
У сезоне 2008/09 стаў другім у агульным заліку, саступіўшы Уле-Эйнару Б'ёрндалену, які заваяваў свой шосты вялікі крыштальны глобус.
Удзельнічаў у Алімпіядзе-2010, але не заняў прызавых месцаў.
Зноскі
Спасылкі
правіць- Профіль на афіцыйным сайце IBU (англ., ням.)
- Профіль на аф. сайце Федэрацыі біятлона Украіны (рус.)