Піфон

Піфон або Пітон (стар.-грэч.: Πύθων) — у старажытнагрэчаскай міфалогіі пачварная змяя, ахоўнік Парнаса.

Піфон
Апалон забівае Піфона
пачвара, ахоўнік Парнаса
Міфалогія	Старажытнагрэчаская
Маці	Гея
Медыяфайлы на Вікісховішчы

Паводле міфаў, Піфон быў створаны Геяй са слізі, якая захавалася ад першабытнага патопу для аховы гары Парнас, дзе знаходзілася дэльфійскае свяцілішча, і якая лічылася цэнтрам сусвету. У грэчаскім мастацтве маляваўся ў выглядзе змяі, яшчаркі або жанчыны.

Апалон забіў Піфона сваімі стрэламі і ператварыў Дэльфы ў цэнтр свайго культу. Угневаная Гея збіралася пакараць Апалона сталым выгнаннем з Алімпа, але ў выніку ён правёў у выгнанні толькі некалькі гадоў. У гонар перамогі Апалона ў Дэльфах праводзіліся рэлігійныя Піфійскія гульні. Жрыца-прадракальнік з храма Апалона звалася піфіяй.