Ігналіна

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Ігналіна (неадназначнасьць).

Ігналі́на (па-летувіску: Ignalina, па-польску: Ignalino) — горад у паўночна-ўсходняй Летуве ва Ўцянскім павеце. Горад зьяўляецца адміністрацыйным цэнтрам Ігналінскага раёну. Колькасьць насельніцтва складае каля 6,5 тыс. чалавек. У навакольлі гораду ў 1974 годзе быў утвораны Аўкштоцкі нацыянальны парк плошчай 21 100 га, у якім існуюць шматлікія азёры (каля 100), і старажытныя лясы. Горад адносіцца да этнаграфічнага рэгіёну Аўкштота.

Ігналіна
лет. Ignalina
Герб Ігналіны
Першыя згадкі:	1810
Горад з:	1950
Краіна:	Летува
Павет:	Уцянскі
Плошча:	6,9 км²
Насельніцтва (2018)
колькасьць:	5053 чал.
шчыльнасьць:	732,32 чал./км²
Часавы пас:	UTC+2
летні час:	UTC+3
Геаграфічныя каардынаты:	55°20′24″ пн. ш. 26°9′24″ у. д. / 55.34° пн. ш. 26.15667° у. д. / 55.34; 26.15667Каардынаты: 55°20′24″ пн. ш. 26°9′24″ у. д. / 55.34° пн. ш. 26.15667° у. д. / 55.34; 26.15667
Ігналіна на мапе Летувы Ігналіна
Галерэя здымкаў у Вікісховішчы
http://www.ignalina.lt/

Назва гораду паходзіць ад папулярных у Летуве імёнаў Ігнас і Ліна.

Ігналіна быў заснаваны ў 1810 годзе, пасьля акупацыі мясцовых земляў Расейскай імпэрыяй. Хуткае разьвіцьцё горад атрымаў пасьля таго, як тут прайшла чыгунка Варшава — Санкт-Пецярбург у 1866 годзе. У канцы ХІХ стагодзьдзя горад быў вядомы сваёй прамысловасьцю, але ў нашы дні значна большае разьвіцьцё атрымаў турызм у Нацыянальны парк.

Ад назвы гораду ўзяла назву пабудаваная ў часы СССР Ігналінская атамная станцыя чарнобыльскага тыпу (РБМК-1500). Разам з электрастанцыяй быў пабудаваны горад Вісагіня, у якім жывуць працоўныя электрастанцыі.