Fleş (I mövsüm)
ABŞ superqəhrəman teleserialı olan "Fleş"in birinci mövsümünün premyerası 7 oktyabr 2014-cü ildə The CW telekanalında baş tutmuş, 23 seriyalı mövsümün final seriyası isə 19 may 2015-ci ildə yayımlanmışdır. Serial, superinsan sürətinə malik olan və cinayətkarlıqla mübarizə aparan DC Comics kostyumlu superqəhrəmanı Barri Allen / Fleşə həsr edilmişdir. Serialda hadisələr, “Ox” teleserialı ilə eyni uydurma kainatda baş verir. Serialın istehsalı ilə “Berlanti Productions”, “Warner Bros. Television” və “DC Entertainment” məşğul olmuşlar. Birinci mövsümün şouranneri Endryu Kreysberqdir.
 I Mövsüm | |
|---|---|
.jpg) DVD üz şəkli | |
| Ölkə |  ABŞ |
| Seriya sayı | 23 |
| Ekranlaşdırma | |
| Orijinal kanal | The CW |
| Orijinal efir | 7 oktyabr 2014 – 19 may 2015 |
| Mövsüm xronologiyası | |
← Əvvəlki - Sonrakı → II mövsüm | |
| Fleş teleserialının seriyaları | |
Serialda Qrant Qastin tərəfindən canlandırılan Allen superinsan sürəti qazandıqdan sonra cinayətkarlığa, həmçinin superinsan bacarığını cinayət məqsədi ilə istifadə edən digər insanlara qarşı mübarizə aparır. Əsas aktyor heyətinə Qastinlə yanaşı Kendis Petton, Daniella Panabeyker, Rik Kosnett, Karlos Valdes, Tom Kavanaq və Cessi L. Martin daxildir. Mövsümün əsas çəkilişləri Vankuver, Britaniya Kolumbiyası, Kanadada aparılmışdır.
Serialın pilot seriyası 4.8 milyon nəfər tərəfindən izlənərək 1.9 18–49 demoqrafik reytinqi qazanmış və beləcə “Fleş” 2009-cu ildə “Vampirin gündəlikləri” serialının göstərdiyi nəticədən bəri The CW telekanalında ən yaxşı nəticəni göstərmişdir. O, həm də “90210” serialından sonra telekanalın 18–49 yaşlılar arasında ikinci ən çox izlənən premyerası olmuşdur. Mövsüm 118-ci yerlə qərarlaşaraq, hər seriyayda ortalama 4.62 milyon izləyici zayı ilə serialı The CW telekanalının 18-49 yaşlılar arasında ən çox ən çox izlənən serialı, həmçinin 18+ kişilər arasında ən çox izlənən kabel televiziyası serialına çevirmişdir. “Fleş”in birinci mövsümü tənqidçilər tərəfindən əsasən müsbət qarşılanmışdır. Serialın ikinci mövsümünün çəkiləcəyi telekanal tərəfindən 11 yanvar 2015-ci ildə elan edilmişdir.[1]
Məzmunu
redaktə
Xəbərdarlıq: Yazının davamı əsərin məzmunu haqqında məlumat ehtiva edir.
.svg){kind=small}
S.T.A.R. Labs-da zərrəcik sürətləndiricisinin partlaması zamanı əmələ gələn şimşək Sentral-siti Polis Departamentinin məhkəmə tibb eksperti Barri Alleni vurur. Doqquz aylıq komadan sonra həmin laboratoriyada gözünü açan Barri öyrənir ki, kumiri olan doktor Harrison Uells və onun köməkçiləri doktor Keytlin Snou və Sisko Ramon bütün bu müddət ərzində ona qulluq ediblər. Tezliklə Barri öyrənir ki, onda superinsan sürəti ilə qaçmaq bacarığı peyda olub, həmçinin zərrəcik sürətləndiricisinin partlaması şəhərdə çoxlu sayda metainsanların ayaranmasına gətirib çıxarıb. Sisko Barrinin sürətinə tab gətirə biləcək kostyum hazırlayır. Barri illər öncə anasını qətlə yetirmiş şəxsi tapmağa and içir və həmin qatilin supersürətə malik metainsan olduğunu düşünür. Starlinq-sitiyə gələn Barri bütün bunları Oliver Kuinə danışır. Ox, Barriyə Sentral-sitinin qoruyucu mələyi və əsl qəhrəman olmağı məsləhət görür.
İlk seriyadan başlayaraq doktor Harrison Uellsin hansısa şəxsi maraqları olduğu göstərilir. Birinci seriyada məlum olur ki, o, özünü əlil kimi göstərsə də, əslində yeriyə bilir. Məlum olur ki, Uells zərrəcik sürətləndiricisinin partlaması təhlükəsindən xəbərdar olub və gizli kamera vasitəsiylə Barrini şimşək vurmasını müşahidə edib. Bir müddət sonra Barrinin anasını öldürmüş Əksinə Fleş yenidən şəhərdə peyda olur və detektiv Co Vestə xəbərdarlıq edərək bildirir ki, onun haqqında araşdırmaları davam etdirsə Ayrisi öldürəcək. Məlum olur ki, doktor Uellsin S.T.A.R. Labs-da gizli otağı var. Bir müddət sonra alimin həmin otaqda Əksinə Fleş kostyumunu gozlətdiyi və Fleşin gələcəkdən gəlmiş düşməni olduğu ortaya çıxır.
Əksinə Fleşlə yanaşı birinci mövsümdə Barri Kapitan Soyuq, General Veyd Eylind, Qorilla Qrodd, Plastik, Kələkbaz, Qızıl Qlayder, Hava tilsimkarı, İstilik dalğası kimi kanonik düşmənləri ilə də qarşılaşmalı olur.
Xəbərdarlığın sonu.Rollarda
redaktəƏsas heyətredaktə
| İkinci heyətredaktə
|
Qonaq ulduzlar
redaktə- Stiven Amell - Oliver Kuin/ Ox[17]
- Pol Entoni - Roy Bivolo[18]
- Morena Bakkarin - Gideonun səsi[19]
- Pol Blektron - Kventin Lens[20]
- Bre Bler - Tess Morqan[21]
- Entoni Karriqan - Kayli Nimbus / Mist[22]
- Keti Kessidi Lorel Lens / Qara bülbül[20]
- Vito D'Ambrosio - Mer Entoni Bellous[23]
- Qreq Finli - Toni Vudvard / Metal adam[24]
- Kell Fri - Bett Sans Susi/ Plastik[25]
- Nikolas Qonzalez - Dante Ramon[26]
- Devon Qreye - Aksel Uolker / Kələkbaz[27]
- Mark Hemill - Ceyms Cessi / Kələkbaz[28]
- İzabella Hofmann - Klarissa Şteyn[29]
- Anna Hopkins - Samanta Kleyton[30]
- Duq Cons - Ceyk Simmons / Desbolt[31]
- Emili Kinni - Bri Larvan [32]
- Robert Knepper - Uilyam Tokmen / Saatların kralı[33]
- Mett Letşer - Eobard Toun[34]
- Peyton List - Lisa Snart / Qızıl Glider[35]
- Liam MakIntayr - Mark Mardon / Hava tilsimkarı[36]
- Endi Mientus - Hartli Ratevey [37]
- Martin Novotni - Hannibal Beyts / Evrimen[20]
- Britni Oldford - Şona Baez / Pik-a-Bu[38]
- Amanda Peys - Tina MakGi[39]
- Dominik Pursell - Mik Rori / İstilik dalğası[40]
- Devid Ramsi - Con Diqql / Spartalı[41]
- Siara Rene - Kendra Sanders[42]
- Maykl Reventar - Faruq Gibran/Blekout]][43]
- Emili Bett Rikards - Felisiti Smok[44]
- Luk Roderiq - Ceyson Ruş[45]
- Çed Ruk - Klayd Mardon[46]
- Brendon Rut - Rey Palmer / Atom[47]
- Uilyam Sadler - Saymon Steqq[48]
- Maykl Kristofer Smitt - Danton Blek / Multipleks[49]
- Devid Sobolov - Qorilla Qroddun səsi[50]
Seriyalar
redaktə| Serialda No. | Mövsümdə No. | Başlıq | Rejissor | Ssenari müəllifi | Orijinal efir vaxtı | İstehsal kodu | ABŞ izləyiciləri (milyon) |
|---|---|---|---|---|---|---|---|
| 1 | 1 | Pilot | Devid Natter | Hekayə: Qreq Berlanti & Endryu Kreysberq & Ceff Cons Ssenari: Endryu Kreysberq & Ceff Cons | 7 oktyabr 2014 | 296648 | 4.83[51] |
S.T.A.R. Labs-da zərrəcik sürətləndiricisinin partlaması zamanı əmələ gələn şimşək Sentral-siti Polis Departamentinin məhkəmə tibb eksperti Barri Alleni vurur. Doqquz aylıq komadan sonra həmin laboratoriyada gözünü açan Barri öyrənir ki, kumiri olan doktor Harrison Uells və onun köməkçiləri doktor Keytlin Snou və Sisko Ramon bütün bu müddət ərzində ona qulluq ediblər. Tezliklə Barri öyrənir ki, onda superinsan sürəti ilə qaçmaq bacarığı peyda olub, həmçinin zərrəcik sürətləndiricisinin partlaması şəhərdə çoxlu sayda metainsanların ayaranmasına gətirib çıxarıb. Onlardan biri olan Klayd Maron havanı idarə edə bilmək bacarığını istifadə edərək banklarda qarət törədir. Klaydın qarşısın ala bilmək üçün Sisko Barrinin sürətinə tab gətirə biləcək kostyum hazırlayır. Barri Mardonu tapır və detektiv Co Vestin köməkliyi ilə qarşısını alır. Barri illə öncə anasını qətlə yetirmiş şəxsi tapmağa and içir və həmin qatilin supersürətə malik metainsan olduğunu düşünür. Starlinq-sitiyə gələn Barri bütün bunları Oliver Kuinə danışır. Ox, Barriyə Sentral-sitinin qoruyucu mələyi və əsl qəhrəman olmağı məsləhət görür. Seriyanın sonunda məlum olur ki, doktor Uells əlil deyil, gələcəkdən olan və Fleşin yoxa çıxmasını xəbər verən qəzet haqqında məlumatlıdır. | |||||||
| 2 | 2 | Dünyanın ən sürətli insanı | Devid Natter | Hekayə: Qreq Berlanti & Endryu Kreysberq Ssenari: Endryu Kreysberq & Ceff Cons | 14 oktyabr 2014 | 3J5352 | 4.27[52] |
| Siskonun köməyi ilə Barri sürətini kiçik cinayətkarların qarşısının alınması və vətəndaşlara kömək edilməsi üçün istifadə edir. İmkanlarını istifadə etdikcə Barri başa düşür ki, onların yan effektləri də var; o, tez-tez huşunu itirir. Keytlin və Sisko müəyyən edirlər ki, Barrinin belə vəziyyətinin səbəbi qlükoza çatışmazlığıdır; belə ki, yüksək metabolizminə görə ona adi insandan daha çox qidalanma tələb olunur. Məlum olur ki, törədilən soyğun işinin arxasında öz kopyalarını yarada bilən və keçmiş rəhbəri Saymon Steqqi öldürməyə çalışan metainsan Danton Blek durur. Steqq vaxtilə Blekin klonlaşdırma sahəsində tədqiqatlarını oğurlamış və buna görə də ikinci öz həyat yoldaşını xilas edə bilməmişdi. Co Barrini həvəsləndirir və o, Steqqi Blekin hücumundan xilas edir. Lakin, cinayətkar ələ keçməmək üçün özünü öldürür. Barri və Co, birlikdə onun anasının qatilini axtarmağa qərar verirlər. | |||||||
| 3 | 3 | Əlindən qaçmaq mümkün olmayan | Cessi Varn | Elison Şapker & Qrenni Gadfri | 21 oktyabr 2014 | 3J5353 | 3.59[53] |
| Mafiya üzvlərinin kütləvi şəkildə qətlə yetirilməsindən sonra Barri qatilin zəhərli qazları idarə edə bilən metainsan olduğunu düşünür. Barri və Co tədqiqatla məşğul olduğu müddətdə doktor Uells və komandası zərrəzik sürətləndiricisini metainsanları saxlaya biləcək həbsxanaya çevirirlər. Keytlinin sürətləndiriciyə düşməsi, onda laboratoriyanı xilas etmək üçün özünü qurban vermiş nişanlısı haqqında xatirələr canlandırır. Növbəti qətldən sonra Barri qatil Kayl Nimbusu tapsa da, onu tta bilmmir və öyrənir ki, Nimbus özü zəhərli qaza çevrilə bilir. Növbəti hədəfin Co olduğunnu öyrənən Barri onu xilas edir və Nimbusu tuta bilir. Uells sürətləndiricinin partladığı günü, xüsusilə gizli kamera vasitəsiylə Barrini şimşək vurmasını izləməsini xatırlayır. | |||||||
| 4 | 4 | Tamamilə məşğul | Qlen Uinter | Ceff Cons & Kai Yu Vu | 28 oktyabr 2014 | 3J5354 | 3.53[54] |
| Doktor Uells Barrini eyni anda bir neçə hərəkətə məcbur etməklə onun bacarıqlarını təkmilləşdirir. Test zamanı cinayətkarlar qiymətli brilliant aparılan zirehli maşını ələ keçirməyə çalışırlar. Barri cinayətin qarşısını alsa da, cinayətkarlar qaça birlirlər. Foto əsasında Barri dəstə başçısının Leonard Snart olmasını müəyyənləşdirir. Barriyə baş çəkmək üçün Felisiti Smok Sentral-sitiyə gəlir. Məlum olur ki, Barri və Oliverin söhbətini dinləyən Felisiti, onun yeni bacarığı haqqında artıq məlumatlıdır. Barri Felisitini S.T.A.R. Labsdan olan dostları ilə tanış edir. Snart Fleşlə mübarizə aparmaq üçün S.T.A.R. Labsdan oğurlanmış silahlar, o cümlədən kriogen tapançadan istifadə edir. Sisko etiraf edir ki, Barrinin oyananda necə biri olacağına əmin olmadığından onunla mübarizə üçün silah hazırlamışdır. Felisiti Fleş komandasına Snartı tapmağa kömək edir. Snart Barrini tələyə salsa da, Sisko Keytlin və Felisiti vaxtında gəlib onu xilas edirlər. Snart brilliant və krio-silahı götürüb qaçır. Daha sonra köhnə dostu Miklə danışan Snatr ona Fleşlə birlikdə mübarizə aparmağı təklif edir və S.T.A.R. Labsdan oğurlanmış alov atəşi açan silahı verir. | |||||||
| 5 | 5 | Plastik | Dermott Douns | Aaron Helbinq & Todd Helbinq & Bruk Eykmeyer | 11 noyabr 2014 | 3J5355 | 3.46[55] |
| Şəhərdə bir toxunuşu ilə hər şeyi partlayıcıya çevirə bilən yeni metainsan peyda olur. Barri öyrənir ki, həmin metainsan Bet Sans Sousidir. Sürətləndiricinin partlaması zamanı əvvəl hərbçi və partlayıcılar üzrə mütəxəssis olmuş Sousi zərrəciklər səviyyəsində şrapnellə birləşmişdi. General Ueyd Eylinqin Beti ələ keçirməyə çalışdığını öyrənən Barri onu laboratoriyaya gətirir. Doktor Uells gizli şəkildə Beti general Eylinqi öldürməyə razı salır. Onun harda olduğunu öyrənən Barri köməyə qaçır və Eylinqə toxunmasının qarşısını alır. Bu zaman Eylinq Betə atəş açır. Ölümdən sonra Betin cəsədi partlamağa hazırlaşır. Şəhəri xilas etmək üçün Barri cəsədi uzaqlaşdıraraq dənizə atır. Uellsin yanına gələn general Eylinq, ondan metainsanların tapılması və araşdırılması üzərində birlikdə çalışmağı tələb edir. Uells imtina edir və beş il əvvəl olmuş hadisəni xatırlayır; o zaman Uells Qorilla Qrodda qarşı şəxsi planını həyata keçirməyə çalışdığından Uells generalla əməkdaşlığa xitam vermişdi. | |||||||
| 6 | 6 | Fleşin doğulması | Millisent Şelton | Ceymi Paqlia & Kris Rafferti | 18 noyabr 2014 | 3J5356 | 3.73[56] |
| Qığılcım (mətbuat Fleşi belə adlandırır) Ayrisi ziyarət edərək, daha onun haqqında yazmamağı xahiş edir. Ayrislə sözünü qurtarmamış Barriyə növbəti qarətçini dayandırmaq üçün çağırış gəlir. Lakin, cinayətkarı vurarkən Barrinin qolu sınır. Məlum olur ki, cinayətkar dəmirə dönə bilən metainsan Toni Vudvorddur. Vudvord məktəb illərində Alleni ələ salırdı. Komanda cinayətkarın sığınacağını tapır və plansız ona hücum edən Barri yenidən uduzaraq ölümlə üz-üzə qalır. Laboratoriyaya qayıtdıqda Sisko ona deyir ki, əgər düzgün bucaq altında saatda 800 mil sürətlə ona zərbə vurulsa ziyan yetirmək mümkündür. Toni Ayrisi qaçıraraq onun haqqında yamağı tələb edir. Barri hadisə yerinə gələrək supersəs sürəti ilə zərbə endirir. Bundan sonra onu laboratoriyada həbs edirlər. Ayris isə qəhrəmanını Fleş adlandrır. Bu zaman Barrinin anasının qatili Conun yanına gələrək araşdırmanı davam edəcəyi şəkildə qızı Ayrisi öldürməklə hədələyir. | |||||||
| 7 | 7 | Qidalanmada problemlər | Larri Şou | Elison Şapker & Qrenni Qadfri | 25 noyabr 2014 | 3J5357 | 3.47[57] |
| Gizli otağa gələn doktor Uells Barrinin bacarıqlarının inkişaf etməsi haqqında qeyd edir və kompüter vasitəsiylə gələcəkdə baş verəcək hadisələri yoxlayır. Cinayət yerinə gələn Barri elektrik enerjisindan yanaraq tanınmaz hala düşmüş cəsədlə qarşılaşır. Yaxınlıqda müvafiq enerji mənbəyi olmadığına görə, Barri hadisənin metainsan tərəfindən törədilməsinə qərar verir. Qurbanın kimliyinin müəyyənləşdirilməsi zamanı komanda şəhərdə enerji sızması olduğunu müşahidə edir. Barri hadisə yerinə gəldikdə enerji udmaq bacarığına malik metainsan Faruq Cəbran ona hücum edir və enerjisini çəkir. Doktor Uells komyuterdə gələcəyin məlumatını yoxlayaraq müəyyənləşdirir ki, Fleş və ya Barri haqqında heç bir məlumat yoxdur. Buna görə də elektrik enerjisi ilə onun bədəninə təsir etməyə qərar verir. Komanda Barriyə kömək etməyə çalışdığı müddətdə Faruq laboratoriyaya girir. Onun qarşısını almaq üçün Uells Toni Vudvordu azad edir. Enerji kömək etməsə də, Uells başa düşür ki, Barrinin problemi fisiologiyası ilə yox, psixikası ilə əlaqəlidir. Tonini öldürən Faruq komandaya yaxınlaşır və doktor Uellsin həyatı təhlükə qarşısında qalır. Bu zaman qorxusuna üstün gələn Barri onun qarşısını alır. Daha sonra Uells Faruqun qanndan nümunə götürərk onun Fleşin enerjisini necə çəkdiyini aydınlaşdırmağa çalışır. | |||||||
| 8 | 8 | Fleş Oxa qarşı | Qlen Uinter | Hekayə: Qreq Berlanti & Endryu Kreysberq Ssenari: Ben Sokolovski & Bruk Eykmeyer | 2 dekabr 2014 | 3J5358 | 4.34[58] |
| Bir baxışı ilə insanları bir-birinə qarşı döyüşməəyə məcbur edən metainsan Sentral-sitinin banklarını qarət edir. Fleş onun qarşısını almağa çalışdığı müddətdə Ayris və Eddi Fleşin mənəvi prinsipləri haqqında mübahisə edirlər; Fleşi cəmiyyət üçün təhlükəli hesab edən Eddi polis rəhbərliyini də buna inandırmağa çalışır. Bu arada şəhərə gələn Felisiti, Diql və Oliver xüsusi materialdan hazırlanmış bumeranqlardan istifadə edən canini axtarır. Oliver düşünür ki, Barri faydadan çox ziyan vurur və buna görə də onu öyrətməyə çalışır. Lakin, metainsanın Fleşi qəddarlaşdırmasından sonra vəziyyət daha da qəlizləşir, Fleş Ayris və Eddiyə hücum edir. Oliver qəddar Fleşlə döyüşməli olur və doktor Uells və detektiv Vestin köməkliyi ilə qalib gəlir. Bundan sonra Fleş və Ox birlikdə metainsanı tutaraq həbsə atırlar. Bir qədər sonra şəhərdə yeni metainsan – alov yandıran və idarə edən Alov qasırğası peyda olur. Məlum olur ki, bu Keytlinin ölmüş hesab edilən nişanlısıdır. | |||||||
| 9 | 9 | Sarı kostyumlu adam | Ralf Hemeker | Todd Helbinq & Aaron Helbinq | 9 dekabr 2014 | 3J5359 | 4.66[59] |
| Milad bayramı qabağı Barri yenidən anasının qatili olan Sarı kostyumlu adamla qarşılaşır. Cani, taxion sürətləndiricisini oğurlamaq üçün, əvvəl S.T.A.R. Labsın rəqibi olmuş Merkuri şirkətinin laboratoriyasına hücum edir. Eddi hücumun səbəbkarının Fleş olduğunu düşünür. Keytlin keçmiş nişanlısı – Alov qasırğası ilə görüşsə də, o, sanki Keytlini tanımır. Keytlin Sisko xaric bu xəbəri hamıdan gizlədir və ona kömək üün yollar axtarmağa başlayır. Barri öyrənir ki, Milad münasibətilə Eddi Ayrisə evinin açarını hədiyyə edib və onlar birlikdə yaşamağı qərarlaşdırıblar. Buna baxmayaraq, öz hissləri haqqında etiraf edir. Komanda Merkuri rəhbərliyindən tixon sürətləndiricisini ala bilir və onu, yaşıl kostyumlu adamı tutmaq üçün istifadə edir. Sisko Vestə bildirir ki, Barrinin anasının qətli zamanı hadisə yerində Sarı kostyumlu adamla yanaşı Fleş də olub. Vest Eddiyə metainsanlar haqqında məlumat verir. Final səhnəsində gizli otağında daha bir qapı açan doktor Uells tixon sürətləndiricisini burda saxlanan sarı kostyuma birləşdirir. | |||||||
| 10 | 10 | Əclafların qisası | Nik Kopus | Kai Yu Vu & Ceff Cons | 20 yanvar 2015 | 3J5360 | 3.87[60] |
| Əksinə Fleşlə (Sarı kostyumlu adam) görüşdən sonra, Barri, sürətini daha da artırmaq üçün məşq edir. Kapitan soyuq kimi tanınan Leonard Snart və onun köməkçisi İstilik dalğası şəhərə qayıdır. Onlar Fleşin diqqətini cəlb etmək üçün bir neçə soyğun törədirlər, lakin, Fleş ətrafdakı insanların zərər çəkməsindən çəkinir. Komanda polis işçiləri üçün isti və soyuğa davamlı yeni qoruyucular hazırlayırlar. Fleşi şəhər əfsanəsindən fəaliyyət göstərən əsl qəhrəmana çevirmək üçün canilər Keytlin Snounu qaçırırlar. Fleş tanınır, lakin, Kapitan soyuq və İstilik dalğası tutulur. Araşdırmaları nəticəsində Keytlin Snou yoxa çıxmış professor Martin Şteyn haqqında məlumat toplayır. Final səhnədə tutulmuş canilər həbsxana maşınından çıxırlar və Kapitan soyuq bacısı Liza Snartla görüşür. | |||||||
| 11 | 11 | Səs və qəzəb | Con F. Şoualter | Elison Şapker & Bruk Eykmeyer | 27 yanvar 2015 | 3J5361 | 4.08[61] |
| Harrison Uellsə naməlum şəxs hücum edir. Sınmış şüşə tavanın qırıqlarından həkimi Fleş xilas edir. Barri və detektic Vest müəyyən edirlər ki, şüşənin sınmasına səbəb səs dalğaları olmuşdur, Uells isə etiraf edir ki, hücum edənin kimliyini bilir və o, doktorun keçmiş sevimli tələbəsi Hartli Retueydir. Fleşbeklərdə iki il əvvəl baş vermiş hadisələr göstərilir; bu zaman Sisko yenicə işə gəlir və Hartli ilə tanış olur. Fleş özünü Tüəkçi adlandıran Hartlini tuta bilir. Lakin, Hartli laboratoriyada yaradılmış həbsxanadan qaça bilir. O, doktor Uellsi sürətləndiricidə partlayış ehtimalının olması haqqında xəbərdar edir. Komanda yenidən Hartlini tutur, lakin o, Ronni Reymondu xilas etməyin yolunu bildiyii deyərək azadlığa çıxacağına ümid edir. Final səhnədə doktor Uells tez-tez nəzarətdən çıxan gücü üzərində nəzarəti bərpa etmək üçün tixon sürətləndiricisini istifadə edir. | |||||||
| 12 | 12 | Sənə görə ağlımı itirirəm | Rob Hardi | Aaron Helbinq & Todd Helbinq | 3 fevral 2015 | 3J5362 | 3.60[62] |
| Ronni Reymondun axtarışı məsələsinə görə Keytlin və Sisko arasında anlaşılmazlıq baş verir. Şonun teleportasiya bacarığına malik sevgilisi onu Ayron-Haytsdan qaçırır. Fleşin atası cinayətkarların mümkün yeri haqqında ipucu verir, Kley yaralanır, Markus isə həbs olunur. Fleş cütlüyün izinə düşür, nəticədə Şon ələ keçir, Kley isə qaçmağa müvəffəq olur. Sisko Ronni Reymond və Martin Şteynin başına nə gəldiyini anlamağa çalışır və Hartli ilə danışır. Nəticədə Hartli azadlığa çıxmağa müvəffəq olur. Final səhnədə iki fəhlə kanalizasiyadakı problemi aradan qaldırmaq üçün yeraltına düşür və orda Qorilla Qrodd tərəfindən hücuma məruz qalırlar. | |||||||
| 13 | 13 | Nüvə adam | Qlen Uinter | Endryu Kreysberq & Katerin Valçak | 10 fevral 2015 | 3J5363 | 3.66[63] |
| Komanda iki yerə ayrılaraq fəaliyyət göstərir. Barri, Keytlin və Uells Alov qasırğasının yenidən Ronni və Şteynə bölməyin yollarını axtarırlar. Sisko isə detektiv Vestlə birlikdə Allenlərin köhnə evinə gələrək Nora Allenin qətlini araşdırırlar. Barri Linda Parkla görüşə getsə də,, onun ikili həyatı şəxsi münasibətlərinə mane olur. Final səhnədə Alov qasırğasının partlamasından sonra hərbçilərə onun tapılması və ələ keçirilməsi tapşırığı verilir. | |||||||
| 14 | 14 | Mühasirə | Stiv Surjik | Keto Şimizu & Ben Sokolovski | 17 fevral 2015 | 3J5364 | 4.01[64] |
| Fleş Keytlini partlayışdan xilas edir. Məlum olur ki, Ronni və Şteynin ayrılması planı uğurla nəticələnib. Alov qasırğasını yaradan hər iki şəxs öz həyatına qayıdır. Tezliklə məlum olur ki, onların uzun müddət bir bədəndə yaşaması birinin digərinin hisslərini hiss etməsinə gətirib çıxarır. Bu arada general Eylinqin rəhbərlik etdiyi hərbçilər qrupu Ronni və Şteyni ələ keçirməyə çalışır. Co Vest Barriyə deyir ki, gələcəkdə Fleş zamanda səyahət edəcək, Barri bunun necə mümkün olmasını müəyyənləşdirməyə çalışır. Ronni və Şteyn insanları Eylinqdən xilas etmək üçün bir yerdə fəaliyyət göstərməyə çalışırlar. Final səhnədə Əksinə Fleş Eylinqi qaçıraraq kanalizasiyaya gətirir, ilk dəfə maskasını çıxarır, general ağıllı Qorilla Qroddla tanış olur. | |||||||
| 15 | 15 | Zamandan kənarda | Tor Freydental | Todd Helbinq & Aaron Helbinq | 17 mart 2015 | 3J5365 | 3.69[65] |
| Havanı idarə etmək bacarığına malik olan Mark Mardon Sentral-sitiyə qayıdır və qardaşı Klaydın qisasını almaq üçün Conu hədəf seçir. Sisko Conun Uells haqqında fikirlərinə inanmağa başlayır və laboratoriyada Əksinə Fleşin tutulması üçün yaradılmış güc sahəsini yoxlamağa çalışır. Sisko öyrənir ki, Əksinə Fleş heç vaxt orda olmayıb və onların gördükləri yalnız holoqramma idi. Oraya gələn doktor Uells əslində gələcəkdən gəlmi Eobard Toun olduğunu, keçmişə gedərək Barrini öldürmək istəsə də, onun anasını öldürdüyünü deyir. O, həm də Barrinin sürətinin inkişaf etdirilməsində maraqlı olduğunu və vaxtı gələndə onun gücünü istifadə edərək öz zamanına qayıdacağını deyir. Bundan sonra o, sirrini saxlamaq üçün Siskonu öldürür. Mark Conu qaçırır və bağlayaraq şəhərin sunami altında qalmasını izləməyə məcbur edir. Şəhəri xilas etmək üçün Barri, sirrini Ayris qarşısında açmalı olur. Sunamiyə qarşı baryer yaratmaq üçün Barri sahil boyunca irəli və geriyə qaçır. Bu zaman onun sürəti zamanda əyilmə yaradır və Barri keçmişə - Markın Sentral-sitiyə gəldiyi günə qayıdır. | |||||||
| 16 | 16 | Əclafların zamanı | Con Berinq | Hekayə: Qrenni Qadfri Ssenari: Kai Yu Vu & Bruk Eykmeyer | 24 mart 2015 | 3J5366 | 3.33[66] |
| Fleş zamanda səhayət edərək bir gün geriyə qayıdır. Əvvəl bunun mümkün olduğuna inanmayan Barri, sonradan, doktor Uellsin xəbərdarlığına baxmayaraq xatırladığı hadisələri dəyişməyə qərar verir. O, Mark Mardonu tapır və həbsə atır. Hadisələr dəyişir: Ayris etirafını unudur, Linda Barridən ayrılır, Sisko Keytlinlə birgə qardaşının ad gününə gedir, Mardonun yerinə Sentral-sitiyə Leonar və Liza Snartlar, həmçinin Mik qayıdır. Onlar Sisko və qardaşını qaçıraraq birincini silah yaratmağa məcbur edirlər. Fleş Əclaflarla anlaşmaya getməli olur onlar insanları öldürməməyə və incitməməyə, Fleş isə həbs etməməyə söz verir. Sonda Əksinə Fleş Saymon Steqin yoxa çıxmasını araşdıran jurnalisti öldürür. | |||||||
| 17 | 17 | Kələkbaz | Ralf Hemeker | Endryu Kreyberq | 31 mart 2015 | 3J5367 | 3.67[67] |
| Co və Barri doktor Uellsi müzakirə edirlər. Bu arada özünü Kələkbaz adlandıran cani şəhərə bombalar ataraq qarışıqlıq yaradır. Co və Barri iyirmi il əvvəl Kələkbaz adı ilə cinayətlər törədən, müasir dövrdə isə həbsxanada olan Ceyms Cessinin yanına gəlirlər. O, adının başqa biri tərəfindən istifadə edilməsinə hiddətlənir və sığınacağının harda olduğunu deyir. Təqlidçi video yükləyərək Sentral-sitidə bomba yerləşdirməsini xəbər verir. Fleş göstərilmiş koordinantlarda bomba axtarmaqla məşğul olduğu müddətdə təqlidçi əsl Kələkbazı azad edir və Fleşin atasını əsir alır. Məlum olur ki, təqlidçi əsl Kələkbazın oğludur. Kələkbazlar merin xeyriyyə gecəsində qonaqları əsir alaraq onlara zəhər içirirlər. Hadisə yerinə gələn Fleşin əlinə isə bomba bağlayırlar. Doktor Uells Barriyə bombadan xilas olmaq üçün sürətini istifadə etməyi məsləhət görür. Alimin sürət haqqında həddən artıq məlumatlı olması Barrinin şübhələrini təsdiqləyir. Fleş əsirlərə antidot vurur, atasını azad edir və ona kimliyini danışır. Fleşbeklərdə Eobard Tounun Harrison Uells və onun sevgilisini öldürərək şəxsiyyətini mənimsəməsi göstərilir. | |||||||
| 18 | 18 | Ulduzlar komandası | Kevin Tançeroen | Qrenni Qadfri & Kai Yu Vu | 14 aprel 2015 | 3J5368 | 3.67[68] |
| Fleş, Eddi və Co reydlər keçirərək cinyətkarları tuturlar. İşlərinin yüngüllənməsi Eddinin xoşuna gəlsə də, Fleşin sirrinin açılması onu Ayrisdən uzaqlaşdırır və Ayris bunu hiss edir. Bu arada kimsə arılar vasitəsiylə tanınmış alimləri öldürməyə başlayır və bütün ipucları Mercury Labsa aparır. Sentral-sitiyə Rey Palmer və Felisiti Smok qonaq gəlir; Rey Atom kostyumunun təkmilləşdirilməsində Fleş komandasının kömək edə biləcəyini düşünür. Onlar birlikdə arıları istifadə edən Bri Larvanı tapırlar. Bu arada Siskonun gözünə doktor Uellsin etiraf edərək onu öldürməsi səhnəsi gəlir. Final səhnəsində Co, Barri, Keytlin və Sisko Barrinin laboratoriyasında görüşərək doktor Uellsin Əksinə Fleş olması haqqında ehtimallarını bölüşürlər. | |||||||
| 19 | 19 | Harrison Uells kimdi? | Vendi Stanzler | Rey Utarnaçitt & Kortni Norris | 21 aprel 2015 | 3J5369 | 3.75[69] |
| Şəhərdə istənilən adamın cildinə girə bilən metainsan Hannibal Beyts peyda olur. Co və Sisko Starlinq-sitidə uzun illər əvvəl baş vermiş və Harrison Uellsi dəyişdirən avtomobil qəzasının yerinə gedirlər. Burda onlara Lorell və Kventin Lenslər kömək edirlər. Lorellin xahişi ilə Sisko Saranın səs aparatını təkmilləşdirərək Lorellə uyğunlaşdırır. Onlar əsl Uellsin cəsədinin qalıqlarını aşkarlayaraq Sentral-sitiyə gətirirlər. Barri və Eddinin Hannibalı həbs etmək cəhdi onunla yekunlaşır ki, Hannibal, ikincinin cildini alaraq iki polis əməkdaşını güllələyir. Nəticədə Eddinin özünü həbs edirlər. Barri Beytsin özüünü tuta bilir, bundan sonra Eddi azadlığa buraxılır. Barri, Keytlin və Sisko Toun-Uellsin gizli otağını tapırlar; burda onlar Əksinə Fleşin kostyumunu üzə çıxararaq şübhələrinə tam əmin olur, həmçinin 25 aprel 2024-cü il tarixli qəzetdə Fleşin yoxa çıxması haqqında elanı görürlər. | |||||||
| 20 | 20 | Tələ | Stiv Şill | Elison Şapker & Bruk Eykmeyer | 28 aprel 2015 | 3J5370 | 3.93[70] |
| Uellsin gəlməsini öyrənən üçlük təcili otaqdan qaçır. Eddi Codan evlilik üçün xeyir-dua istəsə də, Co razılaşmır. Co Barriyə deyir ki, Ayris Eddiyə ərə getsə sonradan Barrini sevdiyini başa düşəcək və bədbəxt olacaq. Barri, Sisko və Keytlin Siskonun yuxularını öyrənməyə çalışırlar. Lakin, Sisko özünü pis hiss edir və onlar Uells üçün tələ qurmağa qərar verirlər. Tələ işləmir və Co Uellsə güllə atəşi açır. Məlum olur ki, Uells özünü Hanniballa əvəz edib. Əksinə Fleş Eddini qaçırır. Fleş Ayrisə söz verir ki, onu tapacaq, onun yanından ayrıldığı zaman Ayris əlində ekeltrik cərəyanı hiss edir. Bu zaman qız, Barrinin komada olduğu zaman da oxşar hiss yaşadığını xatırlayır və Barrinin Fleş olmasını başa düşür. Final səhnədə Uells Eddiyə onun nəslinin davamçısı olduğunu deyir. | |||||||
| 21 | 21 | Qrodd sağdır | Dermott Douns | Qrenni Qadfri & Kai Yu Vu | 5 may 2015 | 3J5371 | 3.62[71] |
| Fleş komandası Əksinə Fleşin qaçırdığı Eddini tapmağa çalışır. Ayris Barrinin yanına gələrək, onun gizli kimliyindən xəbərdar olmasını deyir. Bu arada şəhərin müxtəlif obyektlərinə maskalı cinayətkar hücum edir. Fleş onu tutub maskasını çıxardıqda general Eylinqi görür. Eylinq özünü idarə etmir və Keytlin başa düşür ki, onun zəkası Qorilla Qroddun təsiri altıındadır. Fleş Qrodd və ya onun təsiri altında olan adamlarıa yaxınlaşdıqda zəiflik və güclü ağrılar hiss edir. Fleş komandası Qroddun təsirinin qarşısını almaq üçün üsullar axtarır. Sonda məlum olur ki, Qroddu komandanın diqqətini yayındırmaq üçün istifadə edən Toun Əksinə Fleşi öz zamanına qaytarmalı olan böyük zaman tuneli üçün güclü enerji bazası yaratmışdır. | |||||||
| 22 | 22 | Əclaflıq atmosferi | Duq Aarniokoski | Aaron Helbinq & Todd Helbinq | 12 may 2015 | 3J5372 | 3.65[72] |
| Sisko müəyyən edir ki, Uells daima özünü əlil arabasına birləşdirilmiş batareyalar vasitəsiylə enerjiylə təmin edirdi və buna görə də Barridən daha sürətli idi. Hissəcik sürətləndiricisi aktivləşir və komanda başa düşür ki, bütün bu müddət ərzində Uells tuneldə işləmişdir. Onlar əlləri və ağzı bağlanmış Eddini ataparaq azad edirlər. Cani özü isə qaçmağa müvəffəq olur. Uellsin gələcəkdə Barri və Aylsin evlənəcəyi haqqında məlumatından sonra Eddi özünü yaxşı hiss etmir. Tuneldə həbs edilmiş bütün metainsanların həyatının təhlükədə olduğunu başa düşən Barri onların Lyan adasında yerləşən və A.R.G.U.S.-a məxsus olan həbsxanaya köçürülməsinə çalışır. Snart və bacısı bu işdə ona kömək etməyə razılaşsalar da, sonradan cinayətkarların qaçmasına səbəb olurlar. Barri növbəti dəfə Uellslə qarşılaşır. Bu dəfə ona Alov qasırğası da kömək edir və onlar canini zərərsizləşdirə bilirlər. | |||||||
| 23 | 23 | Kifayət qədər sürətli | Dermott Douns | Hekayə: Qreq Berlanti & Endryu Kreysberq Ssenari: Qabriell Stenton & Endryu Kreysberq | 19 may 2015 | 3J5373 | 3.87[73] |
| Barri Uellsin yanına gəlir və ikinci ona gələcəkdəki düşmən münasibətlərindən danışır. Uells həm də nəyə görə Barrinin anasını öldürdüyünü və Fleşi yaratmağa məcbur olduğunu izah edir. Uells Barriyə anlaşma təklif edir: Barri hissəcik sürətləndiricisini istifadə edərək zaman dəliyi açaraq keçmişə qayıdacaq və anasını xilas edəcək, Uells isə həmin dəliyi öz zamanına qayıtmaq üçün istifadə edəcək. Co və Ayrisin dəstəyi ilə Barri razılaşır. Co, izah edir ki, Barri səs sürətindən iki dəfə çox sürət toplamalıdır. Hissəciklə toqquşma zamanı Barri zamanda dəlik açır və keçmişə qayıdır. Anası ilə görüşən Barri keçmişi dəyişmədən geri dönür və Uellsin də qayıtmasının qarşısını alır. Bu zaman Uells Barrinin bütün yaxınlarını öldürəcəyi ilə hədələyir. Gözlənilmədən Eddi özünü öldürür və onun şəxərəsindən olan Uells yoxa çıxır. Bundan sonra səmada qara dəlik yaranır və şəhəri udmağa başlayır. Hadisənin qarşısını almağa çalışan Barri göydələnə qaçır. | |||||||
İstehsal
redaktəİnkişaf
redaktə30 iyul 2013-cü ildə “Ox” yaradıcıları Qreq Berlanti və Endryu Kreysberq, “Ox”un pilot seriyasının rejissoru Devid Natter və DC Comicsin Baş kommersiya məmuru Ceff Consun The CW telekanalı üçün DC Comicsin Fleş adlı personajı haqqında serial hazırlaması və serialın Barri Allenin mənşəyi və həyatına həsr olunacağı haqqında məlumat yayılmışdır.[74] Elanın yayılmasından sonra Kreysberq bildirir ki, Allen ilk öncə “Ox”un ikinci mövsümünün üç seriyasında – hər üç seriya Berlanti, Kreysberq və və Cons tərəfindən yazılmışdır - ikinci plan aktyoru kimi təqdim ediləcək və üçüncü seriya yeni serial üçün bekdor-pilot rolunu oynayacaq. Kreysberq əlavə edir ki, Allen məhkəmə tibbi ekspertiza mütəxəssisi olacaq, personajın supergüc qazanması elmi əsaslandırılacaq, personajın reaksiyası isə təbii olacaq. Cons bildirir ki, personaj həm kostyum həm də loqosuna görə komikslərdəki adaşı ilə oxşar olacaq. Kreysberq əlavə edir: “Heç bir qəribə kostyum və ya kod adı olmayacaq, o, Fleşdi.” Fleşin sürət işığının təsvir edilməsi yollarını axtaran Cons deyir ki, o, “ətrafdakı sabit dumanlanma” kimi görünməyəcək.[75]
Nəticədə Barri “Ox” serialında cəmi iki seriyada görünmüş, bekdor-pilot isə təxirə salınaraq, onun materialları əsasında normal pilot seriyası çəkilmişdir. Bu qərar, yaradıcı heyətə daha geniş imkan verərək Barrinin hekayəsini daha ətraflı danışmağaşərait yaratmışdır. Pilot seriyası rəsmi olaraq 29 yanvar 2014-cü ildə sifariş edilmiş, ssenari Berlanti, Kreysberq və Cons yazmış, rejissorluğunu isə Natter etmişdir.[76][77] 8 may 2014-cü ildə “Fleş” serialının on üç seriyasının çəkilməsi sifariş edilmişdir.[78] Daha üç ssenari sentyabrda sifariş edilmiş[79], onların bəyənilməsindən sonra isə daha 10 seriya safariş edilmişdir.[80]
2014-cü ilin iyulunda Cons serialı “bütün zamanların ən uğurlu DC Comics uyğunlaşdırması” kimi təsvir edərək deyir ki, “Biz personajın mifologiyası ilə bağlı hər şeyi istifadə edərək, S.T.A.R. Labsın iştirakı ilə mənşə hekayəsi yaratmışıq.”[81] 2014-cü ildə Cons DC-nin serial və kino kainatlarına münasibətdə Marveldən fərqli mövqe tutaraq onları ayıracaq, beləliklə də, bir-birində ayrı multikainatlar formalaşdırılaraq hər “hər kəsin ən yaxşı hekayələri ən yaxşı formada təqdim etməsinə” imkan yaradılacaq.[82]
Aktyor seçimi
redaktə
13 sentyabr 2013-cü ildə Qrant Qastinin Barri Allen / Fleş rolunu canlandıracağı elan edilir.[2] Aktyor seçimi zamanı Qastinlə yanaşı sonradan Hartli Retevey rolunu canlandıran Endi Mientus da sınaqdan keçirilmişdi.[83] Hələ dinləmələr zamanı Qastin personajı öyrənməyə və mümkün qədər çox komiks oxumağa başlamışdır. Personajla bağlı bütün komiksləri oxumağa vaxt çatdırmayacağını anlayan Qastin daha çox The New 52 seriyası üzərində diqqətini cəmləşdirmiş, həmçinin həmin seriyadan olan komikslərin “görünüş və hiss” baxımından seriala daha yaxın olduğunu düşünmüşdür.[84] 2014-cü ilin oktyabrında Cessi L. Martin detektiv Co Vest rolu üçün seçilmiş[7], Rik Kosnettin Eddi Toun, Daniella Panabekerin isə Keytlin Snounu canlandıracağı bildirilmişdir.[4] 2014-cü ilin fevralında Kendis Petton Ayris Vest[3], Karlos Valdes isə Sisko Ramon[5] rolları üçün seçilmişdir. Pettonun seçimi komiks fanatları arasında ciddi narazılıqlara səbəb olmuşdur ki, bunun da səbəbi komiks kitablarında Ayrisin tipik ağdərili qız olması, aktrisanın isə qaradərili olmasıdır.[85] 2014-cü ilin fevralında “The Hollywood Reporter” xəbər verir ki, qalan iki əsas rol Harrison Uells və Hartli Ratevey üçün yazılmalıdır.[86] 10 fevral 2014-cü ildə Tom Kavanaq Harrison Uells rolu üçün seçilmiş və onun personajı “fiziklər arasında rok-ulduzu və Sentral-sitinin S.T.A.R. Labsının maddi və beyin mərkəzi” kimi təsvir edilir.[6] Sonradan elan edilir ki, Harrison Uells əslində Eobard Toundur və Tounun öz simasını Mett Letşer canlandıracaq.[34]
1990-cı illərdə yayımlanmış “Fleş” serialında rol almış bəzi aktyorlar bu serialda da rol almışlar. Həmin serialda Barri Allen / Fleş rolunu canlandırmış Con Uizli Şipp bu serialda Barrinin atası Dr. Henri Alleni canlandırmışdır.[16] Amanda Peys idə doktor Tina MakGini canlandırmışdır[39]. “Kələkbaz” adlı seriyada Mark Hemmil Ceyms Cessi / Kələkbaz, Vito D’Ambrosio isə mer Entoni Bellousu (həmin personaj 90-cı illərin serialında polis zabiti olmuşdur) canlandırmışdır. Hemmilin 1990-cı illərdə canlandırdığı “Kələkbaz” obrazı isə polis elanında istifadə edilmişdir.[23][28]
Dizayn
redaktəFleş kostyumu Kollin Atvud tərəfindən dizayn edilmişdir.[87] Barrinin komikslərdəki kostyum dizaynının istifadə edilməsiinə baxmayaraq, dizayner əvvəlki Fleş canlandırmaları ilə müqayisədə daha “funksional və keyfiyyətli” kostyum hazırlamışdır.[88]
Çəkilişlər
redaktəPilot seriyanın istehsalına 2014-cü ilin martında başlanılmış, əsas çəkilişlər Vankuver, Britaniya Kolumbiyasında[89], əlavə çəkilişlər isə Portlend, Oreqonda baş tutmuşdur.[90] Serialda döyüş səhnələrinin çəkilişini “Ox” serialının oxşar səhnələrinin çəkilişləri ilə müqayisə edən Qastin deyir ki, “[Ox]un çəkilişləri zamanı hərəkətlərin ardıcıllığı sizin ekranda gördüyünüz şəkildə davam edir və onlar həqiqətən də bütün hərəkətləri həyata keçirirlər. Biz isə çoxlu sayda boş ərazi çəkilişlər həyata keçiririk və daha sonra kadrda bizi həmin əraziyə yerləşdirirlər. Mən çoxlu döyüşürəm. Lakin, heç də həmişə bunu tam sürətlə etmək lazım olmur. Bəzən çəkiliş vaxtı ətrafda hər kəs donur və yalnız mən hərəkət edirəm. Bizim etdiyimiz bütün bu hərəkətlər çox yorucudur.”[91]
Mövsümün qalan hissələrinin çəkilişləri 11 iyul 2014-cü ildə başlamış[92] və 14 aprel 2015-ci ildə tamamlanmışdır.[93]
| The Flash - Original Television Soundtrack: Season 1 | ||||
|---|---|---|---|---|
 | ||||
| Növü | film musiqisi | |||
| Yayımlanma tarixi | 16 oktyabr 2015 | |||
| Leybl | WaterTower Music | |||
| Bleyk Nili albomlarının xronologiyası | ||||
| ||||
Musiqi
redaktə“Ox” serialının musiqilərini yazan bəstəkar Bleyk Nili “Fleş”in də əsas bəstəkarı olmuş və ilk dəfə işə 2014-cü ilin aprelində “Pilot” seriyası üzərində işləmək üçün cəlb edilmişdir.[94][95] Bəstəkar daha əvvəl “Ox”un “Alim” və “Üç ruh” adlı seriyalarında görünmüş Barri Allen üçün musiqi mövzusu yazmışdı. "The Scientist" adlandırılan həmin musiqi “Ox”un ikinci mövsümünün musiqi albomuna daxil edilmişdir. Bleyk Nili deyir ki, “O, “Ox”un musiqissindən fərqlənsə də ümumi stil və səslənmə tərzinə görə Ox kainatının tərkibinə daxil olduğu hiss olunur.” [96]
18 dekabr 2018-ci ildə “WaterTower Music” leyblı Fleş Oxa qarşı crossover musiqisini satışa çıxarır.[97] “Fleş”in birinci mövsümünün iki diskli film musiqisi 16 oktyabr 2015-ci “La La Land Records” leyblı tərəfindən çıxarılmışdır.[98] Bütün musiqilər Bleyk Nili tərəfindən yazılmışdır.[99][100]
| Disk 1 | |||||||||
|---|---|---|---|---|---|---|---|---|---|
| № | Başlıq | Müddət | |||||||
| 1. | The Fastest Man Alive / Always Late | 3:05 | |||||||
| 2. | Best Friends Since Childhood | 2:37 | |||||||
| 3. | Metahumans | 2:35 | |||||||
| 4. | Dr. Wells Has Secrets | 3:03 | |||||||
| 5. | I Have to Try | 4:56 | |||||||
| 6. | Proud of You | 2:23 | |||||||
| 7. | A Lot Happened That Night | 2:28 | |||||||
| 8. | Mad Skills | 1:18 | |||||||
| 9. | Eddie and Iris | 1:21 | |||||||
| 10. | Birth of The Flash | 3:06 | |||||||
| 11. | Things You Can’t Outrun | 2:25 | |||||||
| 12. | Captain Cold | 1:41 | |||||||
| 13. | We Were All Struck by That Lightning | 1:15 | |||||||
| 14. | Going Rogue | 2:03 | |||||||
| 15. | No Time | 2:23 | |||||||
| 16. | Grodd Lives | 1:36 | |||||||
| 17. | Impossible Thing | 3:05 | |||||||
| 18. | Supersonic | 2:03 | |||||||
| 19. | Catch Me If You Can | 2:33 | |||||||
| 20. | Martin Stein and Firestorm | 3:22 | |||||||
| 21. | Fate of My Dad | 2:08 | |||||||
| 22. | The Nuclear Man | 3:16 | |||||||
| 23. | Dead to Me | 3:20 | |||||||
| 24. | Reveal to Iris / Running Back in Time | 3:13 | |||||||
| 25. | He’s a Hero | 2:35 | |||||||
| 26. | Tricksters | 2:52 | |||||||
| 27. | Called Some Friends for Help | 4:15 | |||||||
| 28. | Second Chance | 3:04 | |||||||
| 29. | Closing the Wormhole | 4:43 | |||||||
| 1:18:13 | |||||||||
| Disk 2 | |||||||||
|---|---|---|---|---|---|---|---|---|---|
| № | Başlıq | Müddət | |||||||
| 1. | Saga Sell | 0:36 | |||||||
| 2. | Rainbow Raider Strikes | 2:24 | |||||||
| 3. | What I Can See | 0:43 | |||||||
| 4. | Forming a Task Force | 1:27 | |||||||
| 5. | Don't Get Involved | 0:41 | |||||||
| 6. | Team Arrow in Central City | 2:32 | |||||||
| 7. | Give You a Lift | 0:58 | |||||||
| 8. | Training Barry | 2:24 | |||||||
| 9. | What's Up, Doc? | 2:21 | |||||||
| 10. | Barry Gets Whammied | 3:05 | |||||||
| 11. | Flash Taunts Eddie | 1:03 | |||||||
| 12. | The Flash vs. Arrow | 5:06 | |||||||
| 13. | S.T.A.R. Labs Thanks Oliver | 1:52 | |||||||
| 14. | A Girl Oliver Once Knew | 1:08 | |||||||
| 15. | Firestorm Appears | 0:52 | |||||||
| 16. | The Man in the Yellow Suit | 2:15 | |||||||
| 17. | What You Can Do | 1:20 | |||||||
| 18. | Use of Powers | 1:58 | |||||||
| 19. | Saving Innocent People | 3:01 | |||||||
| 20. | What Barry Saw | 2:26 | |||||||
| 21. | Eobard Desiccates Wells | 1:53 | |||||||
| 22. | I Love You, Iris | 1:34 | |||||||
| 23. | Cold Wants to Know His Name | 1:22 | |||||||
| 24. | Lucid Dreaming | 2:59 | |||||||
| 25. | Grodd Mind Control | 1:41 | |||||||
| 26. | Taken Enough | 2:16 | |||||||
| 27. | Luring the Admission From Wells | 3:21 | |||||||
| 28. | Eobard Confesses | 1:44 | |||||||
| 29. | Super Collider | 3:29 | |||||||
| 30. | A New Name | 1:01 | |||||||
| 59:12 | |||||||||
Krossoverlər
redaktə2014-cü ilin martında Qastinin əvvəlcədən planlaşdırıldığı kimi “Ox”un üç yox iki seriyasında görünəcəyi bildirilir. Buna baxmayaraq Panabeker və Valdes “Ox”un “Kapüşon altındakı adam adlı seriyasında rol alaraq Keytlin Snou və Sisko Ramon obrazlarında görünmüşlər. “Ox”un icraçı prodüseri Mark Quqqenheym bildirir ki, “Bu, təbii olaraq baş verən bir hal idi, çünki, “Üç ruh” seriyasının sonunda Barrinin komada olması göstərilir və bu ona, üçüncü seriyada rol almağa imkan vermir. Keytlin Snou və Sisko Ramonun “Ox”da yer alması ideyası isə bizə maraqlı göründü; çünki, bu hal, bizə, Qrant Qastinə əlavə pul ödəmədən, əvvəlcədən planlaşdırıldığı kimi “Fleş” dünyasını “Ox” dünyasına inteqrasiya etməyə imkan verirdi.[101] " “Ox”un üçüncü mövsümünün “Sakitlik” adlı birinci seriyasında Qastin kiçik kameo rolu oynamışdır.[102] Həmin mövsümün “Sınmış ox” adlı seriyasında Valdes[103], “Mənim adım Oliver Kuindir” adlı sonuncu seriyasında isə yenidən Qastin görünmüşdür.[104] “Fleş”in “Pilot” seriyasında Stiven Amell Oliver Kuin / Ox rolu ilə görünmüşdür.[17] Kreysberq elan edir ki, Emili Bett Rikards Felisiti rolunu “Fleş”in dördüncü seriyasında da canlandıracaq.[105] Daha əvvəl “Ox” serialında Uilyam Tokmen / Saatların kralını canlandırmış Rober Knepper “Fleş”də də həmin rolunu təkrar etmişdir.[106] Royal-Flaş-Qenq cinayətkar dəstəsinin əvvəl “Ox”da təqdim edilmiş üzvləri “Fleş”in on birinci seriyasında kameo rolu ilə görülmüşlər.[107] “Fleş”in “Bütün ulduzlar bir arada” adlı on səkkizinci seriyasında Emili Bett Rikards və Brendon Rut Felisiti Smok və Rey Palmer rollarını canlandırmışlar.[108][109] “Harrison Uells kimdir?” seriyasında Keti Kessidi və Pol Blektron Lorel Lens / Qara bülbül və detektiv Kventin lens rollarını[20][110][111], Amell və Duq Cons isə Kuin və Ceyk Simmons / Desbolt rolları ilə iyirmi ikinci seriyada görünmüşlər.[31][111]
Fleş Oxa qarşı
redaktə
18 iyul 2014-cü ildə Kreysberq bildirir ki, crossover hadisəsi “Fleş”in birinci, “Ox”un isə üçüncü mövsümünün səkkizinci seriyaları arasında baş tutacaq.[112] 2015-ci il yanvarın əvvəlində birinci krossoverin böyük uğurundan sonra The CW prezidenti Mark Pedoviç Ox/Fleş krossoverinin hər mövsümdə təkrarlanacağını elan edir.[113]
Çıxarılması
redaktəYayımlanması
redaktə“Fleş” ilk dəfə 2014 San-Diyeqo Komik Kon Festivalında Warner Bros. Television və DC Entertainment panellərində təqdim edilmişdir.[114] Serialın rəsmi premyerası 2014-2015 televiziya mövsümü zamanı 7 oktyabr 2014-cü ildə The CW telekanalında baş tutmuş[115], paralel olaraq həmin gecə Kanadada da yayımlanmışdır.[116] Pilot seriyasını izləmiş izləyicilər üçün seriyalın ikinci seriyası Nyu-York Komik Kon Festivalında 9 oktyabr 2014-cü ildə təqdim edilmişdir.[117] Serial 28 oktyabr 2014-cü ildə BK və İrlandiyada[118], 3 dekabr 2014-cü ildə isə Avstraliyada təqdim edilmişdir.[119]
Marketinq
redaktə2015-ci ilin aprelində “Ox”un üçüncü, “Fleş”in isə birinci mövsümünün yekunlşmasını qeyd etmək üçün The CW telekanalı "Superhero Fight Club" adlı təbliğat videosu yayımlamışdır.[120] Qısa videoda “Ox” və “Fleş”də canilərlə döyüş səhnələri toplanmışdır. Videoda Ox, Fleş, Arsenal, Qara bülbül, Merlin Kapitan Soyuq, İstilik dalğası, Alov qasırğası, Ras al-Qul, Əksinə Fleş və Atom rol almışlar.[121]
Reytinqlər
redaktə“Fleş”in birinci seriyası 18-49 yaşlılar arasında 4.8 milyon nəfər tərəfindən izlənilmiş və 1.9 reytinq ilə 2009-cu ildə “Vampirin gündəlikləri”nin çıxarılmasından sonra The CW-nin ən yüksək reytinli və ən çox baxılan serialı olmuşdur. Həmçinin serial telekanalın “90210” serialından sonra ikinci ən çox izlənən serial premyerası və 18-49 yaşlılar arasında üçüncü ən yükssək reytinq nəticəsini göstərmişdir.[122] Live + 7 gün reytinqləri ilə birlikdə pilot seriyası ümumilikdə 6.8 milyon nəfər tərəfindən izlənməklə The CW-nin ən çox izlənən telekastı və 18-34 yaşlılar arasında ən yüksək reytinqli (2.5 reytinqlə) serialı olmuşdur. Bu nəticə ilə serial “Amerikanın növbəti top modeli” verilişinin səkkizinci mövsümünün final seriyasının 2007-ci ildə göstərdiyi reytinqi (6.69 milyon izləyici) də qırmışdır. Bundan başqa, dijital və məhdudiyyətsiz efir yayımı izləyiciləri də daxil olmaqla bütün platformalarda iki yayım günü ərzində serial 13 milyon dəfədən çox izlənmişdir.[123]
Kanadada serial 3.11 milyon nəfər tərəfindən izlənmişdir ki, bu da onu həftənin ikinci ən çox izlənən serialına çevirmişdir.[124] Böyük Britaniyada serial 1.53 milyon nəfər tərəfindən izlənmiş və bu nəticə ilə həftənin dördüncü, ayın isə on birinci ən çox izlənən serialı olmuşdur.[125][126] Vaxt dəyişdirilmiş versiya 82.000 izləyicini cəlb edə bilmişdir.[127] Avstraliya premyerası 129.000 izləyici göstəricisi ilə ödənişli televiziyanın ən çox izlənən yayımı olmuşdur.[128]
Birinci mövsüm hər seriyada ortalama 4.62 milyon izləyici sayı ilə serialı 118-ci yerdə qərarlaşdırmış[129] və The CW telekanalının son yeddi ildə ən çox izlənən efir mövsümünün yaranmasında iştirak etmişdir.[130] “Fleş” mövsümü 5.85 milyon izləyici sayı ilə The CW-nin ən çox izlənilən teleserialı, həmçinin 18-49 yaşlılar arasında (2.8 reytinq) və 18+ kişilər arasında ən yüksək reytinqli serial nəticələri ilə bitirmişdir.[130]
| № | Seriya | Premyera | Reytinq (18-49) | İzləyicilər (milyon) | DVR (18-49) | İzləyicilər DVR (milyon) | Ümumi (18-49) | Ümumi izləyicilər (milyon) |
|---|---|---|---|---|---|---|---|---|
| 1 | Pilot | 7 oktyabr 2014 | 1.9/6 | 4.83[51] | 0.7 | 2.00 | 2.6 | 6.83[131] |
| 2 | Dünyanın ən sürətli insanı | 14 oktyabr 2014 | 1.7/5 | 4.27[52] | n/a | n/a | n/a | n/a |
| 3 | Əlindən qaçmaq mümkün olmayan | 21 oktyabr 2014 | 1.5/4 | 3.59[53] | 0.5 | 1.63 | 2.0 | 5.22[132] |
| 4 | Tamamilə məşğul | 28 oktyabr 2014 | 1.4/4 | 3.53[54] | 0.9 | n/a | 2.3[133] | n/a |
| 5 | Plastik | 11 noyabr 2014 | 1.4/4 | 3.46[55] | 1.0 | n/a | 2.4[134] | n/a |
| 6 | Fleşin doğulması | 18 noyabr 2014 | 1.4/4 | 3.73[56] | 0.9 | n/a | 2.3[135] | n/a |
| 7 | Qidalanmada problemlər | 25 noyabr 2014 | 1.4/4 | 3.47[57] | 0.9 | 2.41 | 2.3 | 5.88[136] |
| 8 | Fleş Oxa qarşı | 2 dekabr 2014 | 1.6/5 | 4.34[58] | 1.0 | 2.31 | 2.6 | 6.65[137] |
| 9 | Sarı kostyumlu adam | 9 dekabr 2014 | 1.5/5 | 4.66[59] | 0.9 | 2.06 | 2.4 | 6.72[138] |
| 10 | Əclafların qisası | 20 yanvar 2015 | 1.4/5 | 3.87[60] | 1.0 | 2.41 | 2.4 | 6.27[139] |
| 11 | Səs və qəzəb | 27 yanvar 2015 | 1.3/4 | 4.08[61] | 1.0 | 2.20 | 2.3 | 6.28[140] |
| 12 | Sənə görə ağlımı itirirəm | 3 fevral 2015 | 1.3/4 | 3.60[62] | 0.9 | n/a | 2.2[141] | n/a |
| 13 | Nüvə adam | 10 fevral 2015 | 1.5/5 | 3.66[63] | 0.6 | 1.39 | 2.1 | 5.05[142] |
| 14 | Mühasirə | 17 fevral 2015 | 1.5/4 | 4.01[64] | 0.9 | n/a | 2.4[143] | n/a |
| 15 | Zamandan kənarda | 17 mart 2015 | 1.3/5 | 3.69[65] | 1.0 | 2.34 | 2.3 | 6.09[144] |
| 16 | Əclafların zamanı | 25 mart 2015 | 1.2/4 | 3.33[66] | 1.0 | 2.37 | 2.2 | 5.69[145] |
| 17 | Kələkbazlar | 31 mart 2015 | 1.3/4 | 3.67[67] | 1.0 | 2.43 | 2.3 | 6.10[146] |
| 18 | Ulduzlar komandası | 14 aprel 2015 | 1.4/5 | 3.67[68] | 0.9 | 2.05 | 2.3 | 5.72[147] |
| 19 | Harrison Uells kimdi? | 21 aprel 2015 | 1.3/4 | 3.75[69] | 0.9 | n/a | 2.2[148] | n/a |
| 20 | Tələ | 28 aprel 2015 | 1.5/5 | 3.93[70] | 0.9 | n/a | 2.4[149] | n/a |
| 21 | Qrodd sağdır | 5 may 2015 | 1.5/5 | 3.62[71] | 0.9 | 2.27 | 2.4 | 5.97[150] |
| 22 | Əclaflıq atmosferi | 12 may 2015 | 1.5/5 | 3.65[72] | 0.9 | n/a | 2.4[151] | n/a |
| 23 | Kifayət qədər sürətli | 19 may 2015 | 1.5/5 | 3.87[73] | 1.0 | 2.38 | 2.5 | 6.25[152] |
Tənqidçilərin mövqeyi
redaktə“Fleş” serialının birinci mövsümü tənqidçilər tərəfindən əsasən müsbət rəylər almışdır. Rəy aqqreqatoru “Rotten Tomatoes”da serial, 58 rəy əsasında 97% təravətli 7.5/10 bal almışdır. Sayt tənqidçilərinin konsesusunda deyilir ki, “Fleş özünün məqsədyönlü yüngül atmosferi ilə diqqət cəlb edir ki, bu da onu superqəhrəman janrı həvəskarları üçün unikal məhsula çevirir.”[153] “Metacritic” 27 tənqidçinin “əsasən müsbət rəylər”I əsasında birinci mövsümü 73/100 balla qiymətləndirir.[154]
“IGN”dən Erik Qoldmen və Coşua Yel pilot seriyasının media üçün göstərilməsindən sonra, onun məzmunu və aktyor heyətini tərifləmişdir. Onlar Fleşi Oxla müqayisə edərək bildirirlər ki, Fleş əlverişli şəkildə inkişaf etsə də, Ox, bu vaxta kimi həmin məqama çatmamışdır.[155] Sonradan serial inkişaf etdikcə rəylər daha da müsbət xarakter almış, final isə bəyənilmişdir.
“The A.V. Club”dan Noel Mürrey mövsümə B+ dərəcəsi verərək, pilot seriyasını, aktyor heyətinin işini və xüsusi effektləri qiymətləndirmiş, həmçinin bir çox superqəhrəman seriallarından fərqli olaraq komiks əsasına diqqətlə yanaşılmasını qeyd etmişdir.[156] Həftəlik seriya rəyçisi Skott Von Doviak mövsümü yüksək qiymətlədirərək final seriyasını A dərəcəsi ilə dəyərləndirir.[157]
Mükafatlar
redaktəBirinci mövsümdə “Qrodd sağdır” seriyasında görə[158] “Əlamətdar xüsusi visual effektlər” nominasiyasında Emmi mükafatı da daxil olmaqla “Fleş”, ümumilikdə 35 mükafata namizəd göstərilmiş və onlardan doqquzunu qazanmışdır. Serial dörd nominasiyada Saturn mükafatına namizəd göstərilmiş, Ən yaxşı superqəhrəman uyğunlaşdırması olan teleserial nominasiyasında mükafatı qazanmış, Uentuort Miller isə Televiziyada ən yaxşı ulduz qonaq nominasiyasında qalib olmuşdur.[159] Qastin isə Barri Allen / Fleş roluna görə Nəfəskəsən performansa görə Saturn mükafatı almışdır.[160] Mövsüm səkkiz nominasiyada Leo mükafatına namizəd göstərilmiş, onlardan Ən yaxşı dram serialı və Dram serialında Ən yaxşı visual effektlər nominasiyasında qalib gəlmişdir.[161] Mövsüm həm də “Sevilən yeni TV dramı” nominasiyasında Xalqın Seçimi mükafatına layiq görülmüşdür.[162] “The Atlantic” mövsüm finalının 2015-ci ilin ən yaxşı teleserial seriyalarından biri adlandırmışdır.[163]
| İl | Mükafat | Kateqoriya | Nominant(lar) | Nəticə | İst. |
|---|---|---|---|---|---|
| 2014 | Vizual Effektlər Cəmiyyətininin mükafatı | Əlamətdar vizual effektlər/Canlı yayım proqramı | Armen V. Kevorkian, Ceyms Baldanzi, Ceremi Cozvik, Andranik Taranyan | Namizəd | [164] |
| Səs arxası aktyorlar mükafatı | Teleserialda ən yaxşı qadın vokalı - Döyüş/Dram | Morena Baççarin | Namizəd | [165] | |
| TV Guide mükafatı | Sevilən yeni şou | Fleş | Qazandı | [166] | |
| 2015 | Xalqın seçimi mükafatı | Sevilən Yeni televiziya şousu | Fleş | Qazandı | [162] |
| Uşaqların seçimi mükafatı | Sevilən ailə şousu | Fleş | Namizəd | [167] | |
| Sevilən televiziya aktyoru | Qrant Qastin | Namizəd | |||
| Saturn mükafatı | Ən yaxşı superqəhrəman uyğunlaşdırması olan teleserial | Fleş | Qazandı | [159] [160] | |
| Nəfəskəsən performans | Qrant Qastin | Qazandı | |||
| Televiziyada Ən yaxşı aktyor | Qrant Qastin | Namizəd | |||
| Televiziyada Ən yaxşı qonaq aktyor | Uentuort Miller | Qazandı | |||
| Leo mükafatı | Ən yaxşı dram serialı | Fleş | Namizəd | [161] | |
| Dram serialında Ən yaxşı rejissor işi | Qlen Uinter | Namizəd | |||
| Dram serialında Ən yaxşı operator işi | C. Kim Mayls | Namizəd | |||
| Dram serialında Ən yaxşı vizual effektlər | "Going Rogue" seriyasına görə | Qazandı | |||
| Dram serialında Ən yaxşı quruluşçu-rəssam işi | Tayler Bişop Harron | Namizəd | |||
| Dram serialında Ən yaxşı makiyaj | Tina Louiz Teoli | Namizəd | |||
| Dram serialında Ən yaxşı saç düzümü | Sara Kopps | Namizəd | |||
| Dram serialında Ən yaxşı qonaq aktrisa işi | Emili Bett Rikards | Namizəd | |||
| Publisistlər mükafatı | Maksvell Veynberq mükafatı – televiziya | Bonanza Productions, Berlanti Productions and Warner Bros. Television | Namizəd | [168] | |
| Televiziya tənqidçiləri assosasiyasının mükafatı | Əlamətdar yeni proqram | Fleş | Namizəd | [169] | |
| Yeniyetmə Seçimi Mükafatı | Seçim Televiziya aktrisası - Fentezi/Elmi fantastika | Daniella Panabeker | Namizəd | [170] | |
| Seçim - Televiziya ulduzu | Qrant Qastin | Qazandı | [171] | ||
| Kendis Petton | Namizəd | ||||
| Seçim Televiziya – Kimya | Qrant Qastin və Kendis Petton | Namizəd | |||
| Seçim Televiziya – Öpüş | Qrant Qastin və Kendis Petton | Namizəd | |||
| Seçim Televiziya – Cani | Tom Kavanaq | Namizəd | |||
| Hüqo mükafatı | Ən yaxşı dramatik təqdimat – Qısa forma | "Pilot" seriyasına görə | Namizəd | [172] | |
| Emmi mükafatı | Əlamətdar xüsusi effektlər | "Grodd Lives" seriyasına görə | Namizəd | [158] | |
| IGN mükafatı | Ən yaxşı teleserial | Fleş | Namizəd | [173] | |
| Televiziyada ən yaxşı komiks uyğunlaşdırması | Fleş | Qazandı | [174] | ||
| Poppy mükafatı | Ən yaxşı aktyor - Dram | Qrant Qastin | Namizəd | [175] | |
| The Joey Awards | Televiziya dramında Ən yaxşı aktyor - 8-12 il | Loqan Vilyams | Qazandı | [176] | |
| Televiziya dramında Ən yaxşı aktyor - 4-9 il | Laiken Laverok | Namizəd | |||
| Onlayn Televiziya və Film Assosasiyası mükafatı | Serialda ən yaxşı vizual effektləe | Fleş | Namizəd | [177] | |
| Serialda ən yaxşı yeni misiqi mövzusu | Fleş | Namizəd |
Ev üçün buraxılış
redaktə6 oktyabr 2015-ci ildə birinci mövsümün Netflixdə yayımına başlanılmış[178] , 22 sentyabr 2015-ci ildə isə Blu-ray və DVD variantlarda Region 1-də çıxarılmışdır.[179]
Müəllif hüquqları
redaktə“Fleş” teleserialının birinci mövsümü 2015-ci ilin ən çox pirat yolla yarılan serialı olmuşdur.[180]
İstinadlar
redaktə- Ümumi istinadlar
- "The Flash episodes". TV Guide. 2019-07-27 tarixində arxivləşdirilib. İstifadə tarixi: 30 oktyabr 2018.
- "Shows A-Z - The Flash on CW". The Futon Critic. 2018-08-23 tarixində arxivləşdirilib. İstifadə tarixi: 30 oktyabr 2018.
Xarici keçidlər
redaktə- cwtv.com/shows/the-flash — Fleş rəsmi saytı
- The Flash — IMDb səhifəsi
- The Flash TV.com saytında
.JPG){kind=link}