Anabar (kuksa)

Anabar

bost

KIRA

Abrotce

939 km-

Kuksaxo

100 000 km²

Bost

Anabar

Celack

artexo : 498 m³/v-

SALT

Klita

Anabar azekexa

Artexo

Laptev Bira

Kovoapa

Malaya Kuonamka, Udya, Ebelyax, Mayat, Uele, Suolema, Konnies, Xarabil

TAWAVO

Patecta

Rossia

Anabar ( rossiavon Анабар, yakutavon Анаабыр ) tir bost valentrone Sibiria koe Saxa Sokasane ke Rossia.

Abrotcafa gu 939 km-, dem bostxo vas 100 000 km² is celack vas 500 m³/v-. Va Laptev Bira ke Arktika Welfa konir.

Tawavopa betara

Klita ke bost koe Anabar azekexa tigir ise artexo ton wenza va Anabar ceda konir. Bata wenza tir tela loronefa ke Rossia. Kaikeon ronon, artexo ke kot sibiraf bostap tir ton riska. Anabar bost tir lerdaksaton tapanaf mali tena ke lerdeaksat kali toza ke teveaksat.

Kovoa betara

Nelkafa kovoa ke Anabar bost tid :

Kotavaf yolt	Rossiavaf yolt	Abrotce ( km- )	Kuksaxo ( km² )	Domega
Malaya Kuonamka	МалаяКуонамка	457	24 800	Ronefa
Udya	Удя	455	15 700	Ronefa
Ebelyax	Эбелях	108	1 890	Ronefa
Mayat	Маят	115	1 030	Ronefa
Uele	Уеле			Ronefa
Suolema	Суолема	262	7 440	Taltefa
Konnies	Конниес	103	1 090	Taltefa
Xarabil	Харабыл	139	3 180	Taltefa

Lavopa betara

Cel ke bost remi 46 tanda ( 1954-1999 ) koe Saskilax arte 200 km- male artexo zo dizveyer. Celack tiyir 453 m³/v- moe bostxo vas 78 000 km², ont vas 80 % de kotak, larde vatitefo Uele kuksaxo zo goloplekur.

Vuge ke cel wali toleaksat ik balemeaksat zo dizver. Bost koe bata rekola tir koton tapanaf. Cugaf aksateaf cel tir tel ke teveaksat, vas 3196 m³/v-. Cadimeafa arapeniwera tid granafa. Dizveyena wegona tiyir vas 5000 m³/v- bak teveaksat ke 1967.

AKSATEAF CELACK ( m³/v- )
Lavopafa recela : Saskilax
( Patavayana giva remi 46^-da )

Monaxo kene Anabar betara

Bost va gola disa va nustapafa lidawicka koonir numen sanelia ke bostxo tir axapafa. Anton Saslikax monaxo ( mon 2300 ir- ) arte 200 km- male artexo is Yuryung Xaya ( mon 1000 ir- ) va miwara riwed.

Skapa betara

Anabar bostxo va konaki lozolonafi duzafi vruni ke tamava dir. Bat rob tir tan ziliduksap ke gola.

Afigasuteks betara

Wiks va bost
Wiks va bost
Wiks va bost
Srednaya kuksa, ronefa kovoa ke Anabar bost
Saskilax monaxo
Yuryung Xaya monaxo

Dere rupel betara

► Vexala dem voapa ke Rossia

	Bost ke Rossia
	Alazeya • Amur • Anabar • Anadir • Dnipro • Don • Indigirka • Kamtcatka • Kolima • Kuban • Lena • Mezen • Nadim • Narva • Nemunas • Neva • Ob • Olenyok • Onega • Oxota • Penjina • Petcora • Pur • Pyasina • Severnaya Dvina • Taymir • Taz • Terek • Uda • Ural • Volga • Xatanga • Yana • Yenisey