ყირგიზეთი

• ოფიციალური: ყირგიზეთიშ რესპუბლიკა.
• ერუანული: Кыргызстан; Kyrgyz Respublikasy.

ქიანა ცენტრალურ აზიას. მახურგე ქიანეფიე - ჩინეთი, ტაჯიკეთი, უზბეკეთი დო ყაზახეთი. ფართობი - 198.500 კვ.კმ. ორთა - ქიანაშ ტერიტორიაშ 90% ზუღაშ დონეშე 1500 მეტრაშ სიმაღალას იდვალუაფუ. უდიდაში ტობა - ისიკ-ყული. ქიანაშ უდიდაში კონკა რე გომორძგუაშ პიკი - 7439 მ.

• სახენწჷფო სისტემა - რესპუბლიკა.
• სახენწჷფოშ მადუდე - პრეზიდენტი. 2005 წანაშე ყურმანბეკ ბაკიევი.
• კანონდუმადვალუ ორგანო - ჟირპალატიამი პარლამენტი (ჟოგორკუ კენეში - 70 მაკათური, კანონდუმადვალუ ასამბლეა - 35 მაკათური).

ყირგიზეთი ადმინისტრაციულო ირთუ 7 აკანო (oblasty) დო 2 ნოღათ (shaar), თენეფიე:

1. ნოღა ბიშკეკი
2. ნოღა ოში
3. ბატკენიშ აკანი
4. ოშიშ აკანი
5. ჩუიშ აკანი (ცენტრი - ბიშკეკი)
6. ჯალალაბადიშ აკანი
7. ნარინიშ აკანი
8. ტალასიშ აკანი
9. ისიკ-ყულიშ აკანი (ცენტრი - კარაკოლი)

ადმინისტრაციული დორთუალა რედაქტირაფა

თარი სტატია: ყირგიზეთიშ ადმინისტრაციულ-ტერიტორიული დორთუალა.

ადმინისტრაციულ-ტერიტორიულ ართულეფო იკოროცხუ ნოღეფი, რაიონეფი, თაშჷნეშე айылные аймаки (აილნიე აიმაკი) (ტერიტორიული გუმნაქიმჷნა, ნამუთ აკმოდირთუ ართი ვარდა მუსხირენ ოფუტეშე)^[2]. ყირგიზეთიშ აკოდგინალუაშა მიშმურს:

• 498 მუნიციპალური გუმნაქიმჷნა, თაურჷშე:
  • 2 ონოღე აკანი,
  • 7 ობლასტი,
  • 40 მუნიციპალური რაიონი,
  • 28 ონოღე,
  • 423 ოფუტე აკანი (айыл өкмөтү).

• მახორობა - 4.892 ვითოში (2003), თინეფს შქას 52% ყირგიზი, 18% რუსი, 13% უზბეკი, 2,5% უკრაინალი, 2,4% გერმანალი.
• სახენწჷფო ნინეფი - ყირგიზული დო რუსული.
• რელიგია - ისლამი.
• ნანანოღა - ბიშკეკი (825 ვითოში). დიდი ნოღეფი - ოში (226), ჯალალ-აბადი (76).

მიუკუჯინალო დონორეფიშ, მაართა რანწკის ოერეფშქაშე სავალუტო ფონდიშ, დიდი მოხვარაში, ზოხორინალაშ უკული ყირგიზეთი ეკონომიკურ სიძნელეეფს გინმიცადენს. თარი ორთაშური რესურსეფი - ჰიდროენერგია, ორქო დო დიხაშ იშვიათი ლითონეფბიშ შანულამი ოზირეეფი, ქუანოშქერიშ, ნავთობიშ დო ორთაშური აირიშ ექსპლუატაცია კინე მუშ მოხვარებაშო; ვარჩხილიშწყარი, ბისმუტი, ტყვია, თუთია. საექსპორტო პროდუქცია - ოჭკომალი პროდუქტეფი, მანქანაეკოგაფაშ პროდუქცია, შალი, ლითონეფი. ერუანული ვალუტა - სომი (KGS);

იანაშ ტერიტორია 1855 წანაშე რუსეთიშ იმპერიაშ აკოდგინალუას რდჷ. 1924 წანაშ აკიქიმინჷ ყარა-ყირგიზეთიშ ავტონომიური აკანქ, 1926 წანას - ყირგიზეთიშ ასსრ. 1936 წანას - აკიქიმინჷ ყირგიზეთიშ სსრ. ზოხორინალ გიმაცხადჷ 1991 წანას. 2005 წანაშ მელახის, საპარლამენტო გიშაგორუეფიშ უკული გოვითარაფილ დრამატულ მოლინეფქ გათუ ასკარ აკაევიშ 15 წანამი მართუობა.

თარი სტატია: ყირგიზეთიშ დღახუეფი.

წყუ^[3]:

• არქიტექტურა: მანასიშ მავზოლეუმი (XIV ო,), ჯიხა „ბურანა“ (XI ო.), მავზოლეუმი უზგენეს (XII ო.), შაჰ-ფაზილიშ მავზოლეუმი (XII ო).
• ტურიზმი: ყირგიზეთიშ უთარაში ღირსოშინე რე ისიკ-ყულიშ ტობა, ნამუშ ელმოლს ტურისტული ბაზეფი დო მასვანჯაფალი ჸუდეეფიე დვალირი.

• ყირგიზეთიშ რესპუბლიკაშ თარობაშ ოფიციალური ვებ-ხასჷლა
• ყირგიზეთიშ რესპუბლიკაშ დუდთხილუაშ სამინისტროშ ოფიციალური ხასჷლა Archived 2014-11-13 ვებ-ხასჷლას Wayback Machine.
• ყირგიზეთიშ საინფორმაციო პორტალი
• ყირგიზეთი. ომენცარე პერიოდიკა

1. ↑ 6 февраля 2014 года президент Кыргызстана ალმაზბეკ ატამბაევი высказал мнение, что по аналогии с Монголией, в названии которой отсутствует окончание «стан», возможно, существует необходимость рассмотреть со временем вопрос перехода на название Кыргыз эл — «Земля кыргызов», чтобы устранить параллели со странами Средней Азии, и тем самым повысить интерес иностранцев к стране
2. ↑ cite web|url=http://lenta.ru/news/2013/10/03/kyrgyz/%7Ctitle=Парламент Киргизии проголосовал за упразднение областей|author=|date=03.10.2013|work=|publisher=Lenta.ru|accessdate=2013-10-04|lang=ru}}
3. ↑ ყირგიზეთიშ რესპუბლიკაშ ოხანდე კოდექსიშ 113 ბჷრგილი