ბაიობა

ბაიაობა (ქორთ. — ბზობა) — ქირსიანული ოხვამეშ ართ-ართი თარი ოღორონთე დღახუ. მოყარე რე, ეშანჷნს თანაფაშ ოწოხოლენ ჟაშხა დღას. ქირსიანული კულტიშ ინალობას ბაიობაშ დღახუქ IV ოშწანურას მიშართჷ (დაჭყაფურს ეთმეჭოფუნს ჯვეში ურიული დღახუშე). თიში დინორე გერსხილი რე სახარებაშ თხობელუას, ნამუსჷთ გინოჩამილი რე იერუსალიმიშ პასექიშ დღახუშ ოჭიშაფალო იოსე ქირსეშ მინულაშ ამბე. იოსეს მახორობაქ ხიოლით ქჷდოხვადჷ, მინ თიშ მუმაჸონაფალ ჩხოლარს (გჷრჷნს) კუჩხიშ გიმე მუში მუკაქუნალს დჷთმურჩანდჷ, მინი პალმაშ ჸალეფს — ბაიას გეთმუფინანდჷ, თეწკჷმა ართო „ოსანას“ იძახჷდეს. ბაიობაშ რიტუალი სიმბოლურო იმაჟირენს სახარებაშ თე თხობელუაშ კანკალე დეტალს; პაპამოინალეეფი მახვამალეფიშით მოღალირ ჸალეფს აკურთხენა, იბირა „ოსანას“ დო შხვა. მიარე ქიანას პალმაშ მანგიორობას ზაკალი არსულენს, რუსეთის — ჯიჭონი (?) (верба > „вербное воскресенье“).

ბაიობა
ღორონთიშ იერუსალიმშა დიდებათ მინულა. ხატი, გალისია, XVII ოშწანურაშ დაჭყაფური
ტიპი	ქირსიანული, ოხვამური
ოფიციალურო	ბაიაშ დღა (ოხვამური წეს დო რიგით)
შანულობა	იოსე ქირსეშ გჷრჷნს გეხუნელო იერუსალიმშა დიდებათ მინულაშ გოშინა
მიშაღალირი რე	ნამ მოლინაშ პატიოცემელო / მიშე დო მუჟამს
იშინუანა	მართლმადიდებელეფი, კათოლიკეფი დო მიარე პროტესტანტი
პერიოდი	დიდპიჩვანიშ მაამშვა მარა, თანაფაშაშ ართ მარათ ოწოხოლე
2024 წანას	9 პირელი (კათოლიციზმი) 9 პირელი (მართლმადიდებელობა)
ზეიმობა	ღორონთიშნინალა
მერსხილი რე	ნებაშ მარა დო თანაფაწკჷმა