Canadà

Ël Canadà ò Cànada a l'é na nassion ch'a së stend ant la part pì setentrional dl'América dël Nòrd.

Con 9.984.670 km² a l'é për estension lë scond pais pì grand dël mond, an spantiandse tra l'Océan Atlàntich, l'Océan Passìfich e l'Océan Àrtich.

A confin-a a òvest e a sud con jë Stat Unì.

Le lenghe pì parlà a son l'anglèis e ël fransèis, ch' a son 'cò le lenghe ofissiaj dla nassion.

La capital a l'é Ottawa (808.391 abitant). Àutre sità importante a son Toronto, Montréal, Vancouver, Calgary, Edmonton, Québec e Winnipeg.
Lë 75% dël pòpol canadèis (33.476.670 abitant) a viv a men che 250 km dal confin con jë Stat Unì.

Anté ch'as treuva modìfica

Stòria modìfica

Abità inissialment da popolassion aborìgene, ël Canadà a l'é nà da la fusion ëd pì colònie anglèise (cheidun-e ëd coste an precedensa a j'ero stàite fransèise).
Ël pais a l'ha vagnà l'indipendensa dal Regn Unì con un process gradual ancomensà ant ël 1867 e terminà ant ël 1982. A séguita però a fé part dël Commonwealth e a arconòss tanme monarca l'argin-a dël Regn Unì Carl III.

Conomìa e arsorse modìfica

Ël Canadà a l'é ël prim produtor d'urani dël mond.

Organisassion polìtica e aministrassion modìfica

Ël Canadà a l'é na monarchìa constitussional, federal e parlamentar.A comprend des provinse e tre teritòri. Le provinse a son pì autònome che ij teritòri rispet al govern federal.

Ël prim ministr a l'é Justin Trudeau (dal 2015).

Drapò	Provinsa	Capital	Ann d'intrada ant la Confederassion
	Columbia Britànica	Victoria	1871
	Alberta	Edmonton	1905
	Saskatchewan	Regina	1905
	Manitòba	Winnipeg	1870
	Ontario	Toronto	1867
	Québec	Québec	1867
	New Brunswick	Fredericton	1867
	Neuva Scòssia	Halifax	1867
	Ìsola dël Prinsi Edoard	Charlottetown	1873
	Teraneuva e Labrador	St. John's	1949
Drapò	Teritòri	Capital	Ann d'intrada ant la Confederassion
	Yukon	Whitehorse	1898
	Teritòri dël Nòrd-Òvest	Yellowknife	1870
	Nunavut	Iqaluit	1999

Anliure esterne modìfica

• Wikimedia Commons a conten figure o àutri archivi su Canadà