सिंगापोर

दक्षिण-पूर्व एशियाय्, निकोबार द्वीपपुचः स्वया करिब १५०० कि.मी. तापाक्क छगू चिधंगु व विकसित देय्‌ सिंगापुर न्हापाया २०गु शताब्दीया उत्तरार्धय् पर्यटन व व्यापारया छगू मू केन्द्रया रूपय् पलिस्था जूगु दु। आधुनिक सिंगापुरया पलिस्था सन् १८१९य् सर स्टेमफोर्ड रेफल्सं याःगु ख। वय्‌कःयात इस्ट इण्डिया कम्पनीया अधिकारीया कथं दिल्लीइ स्थित तत्कालीन भिसेरोइं कम्पनीया व्यापार बांलाकेया निंतिं सिंगापुर छ्वःगु ख। सन्‌ १९६५य् मलेशियां बायावना न्हुगु सिंगापुर राष्ट्रया उदय जुल।

किंवदंती कथं १४गु शताब्दीइ सुमात्रा द्वीपया छम्ह हिन्दू राजकुमार शिकारया निंतिं सिंगापुर द्वीपय् वंबिले अन जंगलय् सिंहतयेत खना वय्‌कलं व द्वीपया नां सिंगापुरा वा सिंहतयेगु द्वीप तयाबिल।