क्यान्सर
क्यान्सर (चिकित्सा शास्त्रय्: म्यालिग्न्यान्ट नियोप्लाजम) छगू प्रकारया ल्वय् ख। थ्व ल्वचय् मनुया छपुचः कोषं अनियन्त्रित वृद्धि जुया (सामान्य स्वया अप्व विभाजन, अतिक्रमण (मेमेगु तन्तुइ दुहाँ वना स्यंकिगु), व मेटास्ट्यासिस (म्हया मेमेगु थासय् लिम्फ, हि वा लोकल स्प्रेडं पुना वनिगु) याइ। थ्व स्वंगु गुणं म्यालिग्नेन्ट ट्युमर बिनाइन ट्युमर स्वया पा। आपालं क्यान्सरं ट्युमर दयेकी तर छुं क्यान्सर दसु ल्युकेमियां ट्युमर मदेकु। क्यान्सरया सीकेज्या, डायग्नोसिस, उपचार व निदानया विषययात अङ्कोलोजी धाइ।
| क्यान्सर वर्गीकरण व पिनेया स्रोत | |
 | |
|---|---|
| कोरोनल सि टि स्क्यानय् लङ्ग स्याकया म्यालिग्नेन्ट मेसोथेलियोमा Legend: → tumor ←, ★ सेन्ट्रल प्ल्युरल इफ्युजन, १ व ३ सों, २ स्नायु, ४ रिब्स, ५ एओर्टा, ६ स्प्लिन, ७&८ जलासेँ, ९ सेँ। | |
| DiseasesDB | 28843 |
| MedlinePlus | 001289 |
| MeSH | D009369 |
क्यान्सरं छुं नं उमेरया मनुयात असर यायेफु। अथे जुसाँ आपालं क्यान्सरया सम्भाव्यता उमेर नापं अप्वया वनि। [१] हलिंया सकल मनू मृत्युया १३% कारक क्यान्सर ख।[२]
क्यान्सर, प्रायः, जेनोमया म्यालिग्नेन्ट परिवर्तनं पलिस्था जुइ। [३] थन्यागु परिवर्तन कार्सिनोजेन(दसु टोबाकोया कुं, इलेक्ट्रोम्याग्नेटिक रेडियसन, रसायन, वा संक्रमण वाहक जीवाणु)या प्रभावं जुइ। क्यान्सर याकिगु मेमेगु कारकय् जेनेतिक असामान्यता (डिएनए रेप्लिकेसनया गलती व जेनेटिक डिसअर्डर) आदि ला।
आनुवंशिक रुपं स्वयेगु खःसा निता पुचःया जिनय् खनेदइगु असामान्यताया कारणं क्यान्सर जुइफु-
- क्यान्सरयात बढावा बीगु अङ्कोजिनतयेगु क्यान्सर सेलय् खनेदैगु उच्च सक्रियता। थुकिलिं सेलतयेत माःगु स्वया तच्वलं विकास व विभाजन याइ। नापं, थुकिलिं विभाजन धुंका प्राकृतिक रुपय् सेल सीइगु प्रक्रियायात नं अवरुद्ध यानाबि। तन्तुतयेगु थःगु परिधिइ थ्यनेबिलय् विकास व विभाजन क्वचाइगु ज्या नं थुकिलिं निष्क्रिय याइ।
- त्युमर सप्रेसन जिनया निष्कृयता। थुकिलिं साधारण सेलया ज्या, गथे कि- पाय्छि दिएनए रेप्लिकेसन, सेल चक्रय् नियन्त्रण, तिस्युया दुनेया ओरियन्तेसन व एधेसन, इम्युन सिस्तमनापया अन्तरक्रिया आदिइ प्रभाव याइ।
क्यान्सर दायग्नोस यायेत साधारनतया मनुया म्हया सम्बन्धित तिस्यु लिकाना उकिया हिस्तोलोजिक जांच यायेमा। थन्यागु जांच प्याथोलोजिस्तं याइ। छुं क्यान्सरया न्हापांगु लक्षण रेदियोग्राफिक किपालं नं खनेदै। आपालं क्यान्सरतयेगु निदान क्यान्सरया प्रकार, थाय्, व क्यान्सरया स्तेजं प्रभावित याइ। छकः दायग्नोसिस जुइधुंका क्यान्सरयात सर्जरी, किमोथेरापी व रेदियसन थेरापी छ्यला लंकिगु कुतः यायेछिं। क्यान्सरया मालेज्या(research)या विकास नापं थी-थी क्यान्सरया थी-थी उपचार लुया वयाच्वंगु दु। तार्गेतेद केमोथेरापीइ यक्व विकास जुयाच्वंगु दु।
लिधंसा सम्पादन
- ↑ Cancer Research UK (January 2007). UK cancer incidence statistics by age. 2007-06-25 कथं।
- ↑ WHO (February 2006). Cancer. World Health Organization. 2007-06-25 कथं।
- ↑ Kinzler, Kenneth W.; Vogelstein, Bert (2002). “Introduction”, The genetic basis of human cancer, 2nd, illustrated, revised, New York: McGraw-Hill, Medical Pub. Division.
| विकिमिडिया मंका य् थ्व विषय नाप स्वापु दुगु मिडिया दु:Cancer |