Barack Obama
Barack Hussein Obama II (Honolulu, 4 'e aùsto 1961) è nu politico mericano, 44° Presidente d’’e State Aunite.
| Barack Obama | |
|---|---|
 | |
| 44º Presiriente d"e State Aunite | |
| Durata mannato | 20 'e jennaro 2009 – 20 'e jennaro 2017 |
| Predecessore | George W. Bush |
| Successore | Donald Trump |
| Date generale | |
| Partito puliteco | Partito Democratico Democratic Party) |
| Titulo 'e sturio | laurea 'n scienzie puliteche laurea 'n giurisprudenza |
| Uneverzetà | Columbia University Harvard University |
| Prufessione | Puliteco |
| Firma |  |
 (EN) « Yes, we can! » | (NAP) « Sì, nuje putimmo! » |
(Motto d’’a campagna elettorale d'Obama ca isso ricette dint'ê primarie) | |
Candidato d’’o Partito Democrateco, ha vinciuto ll'elezione d’’o 4 'e nuvembre 2008 e s'è nsediato overamente 'o 20 'e jennaro 2009.
Fin a poche semmane primma, isso era 'o senatore junior 'e ll'Illinois, posto ch'ha lassato pe s'occopà d’’a presidenza.
Pe ll'esattezza isso è nato dint'ê State Aunite; 'o pate è niro d’’o Kenya e nvece 'a mamma è janca d’’o Kansas. Ô paese suojo paricchie 'e lloro 'o chiammano (p'estenzione, pecché sulo 'o pate è niro) afro-mericano.
Addeventaje famoso quanno, ô 2004, pronunciaje 'o discorzo niziale d’’a Conventiòn d’’e Democratici.
'O 10 'e frevaro 2007 annunciaje ufficialmente 'a soja candidatura pe ll'elezione presidenziale d’’o 2008.
Aroppa na longa sfida battette Hillary Clinton (che quase tuttequante penzavano ch'essa vinciuta) a ll'elezione primmaria d’’o Partito Democrateco.
'O 3 'e giùgno 2008 Obama apparaje 'o quorum che serveva p’’a candidatura democrateca, addiventanno accussí 'o primmo niro candidato p’’a Casa Janca p’’e un d’’e doje partite prencepale. Avette 'a nommena uffeciale pe ll'occasione d’’a Convention d’’o partito ca se facette a Denver, d’’o 25 ô 28 'e aùsto 2008.
'O juornale mericano TIME ll'ha eletto "Perzona 'e ll'anno 2008".