محمد عباس‌زاده

وه فصل 1395-96 دله قول هدا بی‌یه که 24 تا گل، هادی نوروزی یاد جه، نساجی وسّه زنده که این تعداد گل جه آقای گل آزادگان لیگ بیّه. سال بعد ولی وه ره راهی هاکردنه سایپا، که لیگ برتر دله دیّه، ولی نیم‌فصل 96-97 وردگردسته نساجی و قول هدا که تیم ره وَرنه لیگ برتر. وه اَی شه قول سَر هِرستا و میونگین، هر بازی اتا گل بزوئه تا نساجی آخرین هفته دله به‌سختی بتونسته دوم بَوائه و لیگِ مجوز ره بَیره.

بعد این که نساجی بمو لیگ‌برتر دله، عباس‌زاده ات‌که افت هاکرده و تا اونجه بکشی‌یه که فصل 98-99 خله ونجه بازی نرسی‌یه و نیمکت‌هنیش بیّه ولی هَنتا محبوب‌ترین کسی بی‌یه که تماشاچیون وه ره دوست داشتنه و خونش‌کرون ونسه سوت وندستنه. با اینچنینی تیمِ مدیرون تصمیم بَییتنه وه ره دَرهاکنن و فصل 99-1400 وسّه بورده تراکتورسازی تبریز دله. وه تراکتورسازی دله دیّه، وقتی بمو قائمشهر، چن دسته گل بیارده و دمبدا تماشاچیون ِجایگاه دله. وقتی اولین بازی سه وه ره فیکس ترکیب دله بی‌یشتنه، گل‌زنی هاکرده و فصل 1401 لیگِ بتترین گلزن‌ها جمع دله دره.

^{[۲][۳][۴][۵][۶][۷][۸][۹][۱۰]}

پاس گل دچی‌ین

• محمد عباس‌زاده EuroSport دله
• محمد عباس‌زاده فوتبال دیتابیس دله
• ونه پروفایل ترانسفرمارکت دله