ایلان ماسک

ایلان ماسک اتا اینترنتی بانک بنوم پی‌پال بساته که دنیا دله معروف بیّه و ونه واری شرکت خله کم هستنه ولی بعد مدتی شه این بانک ره ئی‌بی جه بَروته و ونه پول جه اتا فضایی شرکت بخری‌یه که ونه نوم اسپیس ایکس هسته. اسپیس‌ایکس دله وه عقیده دارنه که اتا فضاپیما بساجه که وقتی وه ره کپّل هاکردنه، دِباره وردگرده زمین و ونجه اَی بتونن استفاده هاکنن تا اینتی فضایی سفرونِ خرج کم بوو و آدمون راحتته بتونن بورِن دیگه سیارات دله؛ وه باته که خانه مریخ دله اتا کلونی بساجه.

از دیگه کارونی که هاکرده، تسلا موتورز هسته که اتا ماشین‌سازی شرکته. این شرکت ماشین‌هایی سازنه که بجای فسیلی سوخت، برق جه کار کانّه. وقتی ایلان ماسک بورده این کار دله، وه ره مسخره کاردنه که این خیال باعث وونه ورشکسته بووشه ولی وه موفق بیّه برقی ماشین‌های بسازه که تونّه قدیمی نسل جا رقابت هاکنن. وه گاته این کار ره سه مرحله دله انجام هدا. اول گرون ماشین ساته که اسپرت بینه و قابلیتون زیادی داشتنه، بعد تعداد ماشین‌ها ره ویشته هاکردنه و ونه قیمت کمته بیّه تا این که آخرین مرحله تولید انبوه جه برسینه.

اتا دیگه از ونه شرکتون خورشیدی انرژی دمبال دره و سولار سیتی ره بساته که خورشیدی پنل سازنه که مردم تونّه شه بوم‌سر بی‌یلن و دیگه شرکت برق جه اشتراک نییرن. وه این پنل‌ها ره مردم ره اجاره دنه و وشون وسّه قبض یارنه. اینتی هم مردمِ قبض ِپول کم وانه، هم ونه شرکت سود کانده، هم فسیلی سوخت دنیا ره پرتوش نیارنه. این شرکتِ اولیه سرمایه ره البته ات‌سری گتِ شرکتون دیگه (گوگل واری) تأمین هاکردنه.

وه حمل و نقل وسّه هم برنومه‌ئونی دارنه. هایپرلوپ (Hyperloop) و زیرزمینی جاده‌ئون وسّه سرمایه‌گذاری هاکرده که تونّه حمل و نقل ره خله-خله سریع‌ته هاکنن. ^{[۵][۶] [۷]}

ایلان ماسک سال ۲۰۱۵ گادِر بعنوان ۳۸ امین فرد قدرتمند جهان، ۱۵ امین ثروتمند تکنولوژی و ۱۰۰ امین میلیاردر جهان اعلام بیّه. ونه پرزوبَیی مال سال ۲۰۱۵ دله، ۱۳٫۹ میلیارد دلار و در اکتبر ۲۰۱۸ گادِر، ۱۹٫۸ میلیارد دلار تخمین بزه بیّه.^[۵]

ماسک اتا قلفتی پیشنهاد هدا که توییتر ره نقد بخرینه و ونه تنها صاحاب بوو. این معامله که ۴۴ میلیارد دلار ونسه هرستا، دنیایِ گرون‌ترین خرید ثبت بیّه. ماسک سریعاً توییترِ مدیرون ره اخراج هاکرده تا شه دلوست وه ره اداره هاکنه.^[۸]