സെർവിക്കൽ കാൻസർ

സെർവിക്സിൽ ഉണ്ടാകുന്ന ഒരു തരം കാൻസറാണ് സെർവിക്കൽ കാൻസർ.^[2] ശരീരത്തിന്റെ മറ്റ് ഭാഗങ്ങളിലേക്ക് കടന്നുകയറാനോ വ്യാപിക്കാനോ കഴിവുള്ള കോശങ്ങളുടെ അസാധാരണ വളർച്ചയാണ് ഇതിന് കാരണം.^[12][13] തുടക്കത്തിൽ, സാധാരണയായി രോഗലക്ഷണങ്ങളൊന്നും കാണാറില്ല.^[2] പിന്നീടുള്ള ലക്ഷണങ്ങളിൽ യോനിയിൽ അസാധാരണമായ രക്തസ്രാവം, പെൽവിക് വേദന അല്ലെങ്കിൽ ലൈംഗിക ബന്ധത്തിൽ വേദന എന്നിവ ഉൾപ്പെടാം.^[2] ലൈംഗിക ബന്ധത്തിന് ശേഷമുള്ള രക്തസ്രാവം ഗുരുതരമായിരിക്കില്ലെങ്കിലും, ഇത് സെർവിക്കൽ കാൻസറിന്റെ സാന്നിധ്യം സൂചിപ്പിക്കാം.^[14]

Cervical cancer
Location of cervical cancer and an example of normal and abnormal cells
ഉച്ചാരണം	UK: /ˈsɜːrvɪkəl/ SUR-vik-əl, /sɜːrˈvaɪkəl/ sur-VY-kəl US: /ˈsɜːrvɪkəl/ SUR-vik-əl[1]
സ്പെഷ്യാലിറ്റി	Oncology
ലക്ഷണങ്ങൾ	Early: none[2] Later: vaginal bleeding, pelvic pain, pain during sexual intercourse[2]
സാധാരണ തുടക്കം	Over 10 to 20 years[3]
തരങ്ങൾ	Squamous cell carcinoma, adenocarcinoma, others[4]
കാരണങ്ങൾ	Human papillomavirus infection (HPV)[5][6]
അപകടസാധ്യത ഘടകങ്ങൾ	Smoking, weak immune system, birth control pills, starting sex at a young age, many sexual partners or a partner with many sexual partners[2][4][7]
ഡയഗ്നോസ്റ്റിക് രീതി	Cervical screening followed by a biopsy[2]
പ്രതിരോധം	Regular cervical screening, HPV vaccines, sexual intercourse with condoms,[8][9] sexual abstinence
Treatment	Surgery, chemotherapy, radiation therapy, immunotherapy[2]
രോഗനിദാനം	Five-year survival rate: 68% (US) 46% (India)[10]
ആവൃത്തി	604,127 new cases (2020)[11]
മരണം	341,831 (2020)[11]

ഹ്യൂമൻ പാപ്പിലോമ വൈറസ് അണുബാധ (HPV) 90% കേസുകൾക്കും കാരണമാകുന്നു^[5][6] HPV അണുബാധയുള്ള മിക്ക സ്ത്രീകൾക്കും ഗർഭാശയ അർബുദം ഉണ്ടാകാറില്ല.^[3][15] HPV 16, 18 സ്‌ട്രെയിനുകൾ 50% ഉയർന്ന ഗ്രേഡ് സെർവിക്കൽ പ്രീ-കാൻസറുകൾക്ക് കാരണമാകുന്നു.^[16] പുകവലി, ദുർബലമായ രോഗപ്രതിരോധ ശേഷി, ഗർഭനിരോധന ഗുളികകൾ, ചെറുപ്പത്തിൽ തന്നെ ലൈംഗിക ബന്ധത്തിൽ ഏർപ്പെടുക, ധാരാളം ലൈംഗിക പങ്കാളികൾ എന്നിവയും ഇതിൻറെ കാരണങ്ങളിൽ ഉൾപ്പെടുന്നു. എന്നാൽ ഇവയ്ക്ക് പ്രാധാന്യം കുറവാണ്.^[2][4] ജനിതക ഘടകങ്ങളും സെർവിക്കൽ ക്യാൻസറിന് കാരണമാകുന്നു.^[17] 10 മുതൽ 20 വർഷം വരെയുള്ള അർബുദത്തിനു മുമ്പുള്ള മാറ്റങ്ങളിൽ നിന്നാണ് ഗർഭാശയ അർബുദം സാധാരണയായി വികസിക്കുന്നത്.^[3] 90% സെർവിക്കൽ ക്യാൻസർ കേസുകളും സ്ക്വാമസ് സെൽ കാർസിനോമകളാണ്. 10% അഡിനോകാർസിനോമയാണ്. ചെറിയ എണ്ണം മറ്റ് തരങ്ങളാണ്.^[4] സാധാരണയായി സെർവിക്കൽ സ്‌ക്രീനിംഗും തുടർന്ന് ബയോപ്‌സിയുമാണ് രോഗനിർണയം.^[2] കാൻസർ പടർന്നിട്ടുണ്ടോ ഇല്ലയോ എന്ന് നിർണ്ണയിക്കാൻ മെഡിക്കൽ ഇമേജിംഗ് നടത്തുന്നു.^[2]

HPV വാക്സിനുകൾ ഈ വൈറസുകളുടെ കുടുംബത്തിലെ രണ്ട് മുതൽ ഏഴ് വരെ ഉയർന്ന അപകടസാധ്യതയുള്ള സ്‌ട്രെയിനുകളിൽ നിന്ന് സംരക്ഷിക്കുകയും 90% സെർവിക്കൽ കാൻസറുകൾ വരെ തടയുകയും ചെയ്യും.^[9][18][19]കാൻസറിനുള്ള സാധ്യത ഇപ്പോഴും നിലനിൽക്കുന്നതിനാൽ, പതിവ് പാപ്പ് ടെസ്റ്റുകൾ തുടരാൻ മാർഗ്ഗനിർദ്ദേശങ്ങൾ ശുപാർശ ചെയ്യുന്നു.^[9] കുറച്ച് ലൈംഗിക പങ്കാളികളോ, പങ്കാളികൾ ഇല്ലാത്തതോ, കോണ്ടം ഉപയോഗം എന്നിവയാണ് ഇതിൻറെ മറ്റ് പ്രതിരോധ മാർഗ്ഗങ്ങൾ.^[8] പാപ്പ് ടെസ്റ്റ് അല്ലെങ്കിൽ അസറ്റിക് ആസിഡ് ഉപയോഗിച്ച് സെർവിക്കൽ കാൻസർ സ്‌ക്രീനിംഗിന് അർബുദത്തിന് മുമ്പുള്ള മാറ്റങ്ങൾ തിരിച്ചറിയാൻ കഴിയും, ഇത് ചികിത്സിക്കുമ്പോൾ കാൻസറിന്റെ വളർച്ച തടയാൻ കഴിയും.^[20] ശസ്ത്രക്രിയ, കീമോതെറാപ്പി, റേഡിയേഷൻ തെറാപ്പി എന്നിവയുടെ ചില സംയോജനങ്ങൾ ചികിത്സയിൽ ഉൾപ്പെട്ടേക്കാം^[2] അമേരിക്കൻ ഐക്യനാടുകളിലെ അഞ്ച് വർഷത്തെ അതിജീവന നിരക്ക് 68% ആണ്.^[21]എന്നിരുന്നാലും, കാൻസർ എത്ര നേരത്തെ കണ്ടുപിടിക്കപ്പെടുന്നു എന്നതിനെ ആശ്രയിച്ചിരിക്കും അതിൻറെ ഫലങ്ങൾ.^[4]

ലോകമെമ്പാടും, സെർവിക്കൽ കാൻസർ നാലാമത്തെ ഏറ്റവും സാധാരണമായ കാൻസറും സ്ത്രീകളിലെ കാൻസർ മൂലമുള്ള മരണത്തിന്റെ നാലാമത്തെ ഏറ്റവും സാധാരണമായ കാരണവുമാണ്.^[3] 2012-ൽ, 528,000 സെർവിക്കൽ കാൻസർ കേസുകൾ ഉണ്ടായതിൽ, 266,000 പേർ മരിച്ചു.^[3] ഇത് മൊത്തം കേസുകളുടെ ഏകദേശം 8% ആണ്^[3][22] 70% ഗർഭാശയ അർബുദങ്ങളും 90% മരണങ്ങളും വികസ്വര രാജ്യങ്ങളിലാണ് സംഭവിക്കുന്നത്.^[3][23] താഴ്ന്ന വരുമാനമുള്ള രാജ്യങ്ങളിൽ, കാൻസർ മരണത്തിന്റെ ഏറ്റവും സാധാരണമായ കാരണങ്ങളിൽ ഒന്നാണിത്.^[20] വികസിത രാജ്യങ്ങളിൽ, സെർവിക്കൽ സ്ക്രീനിംഗ് പ്രോഗ്രാമുകളുടെ വ്യാപകമായ ഉപയോഗം സെർവിക്കൽ കാൻസറിന്റെ നിരക്ക് ഗണ്യമായി കുറച്ചിട്ടുണ്ട്.^[24] ലോകാരോഗ്യ സംഘടന നിർവചിച്ചിട്ടുള്ള ട്രിപ്പിൾ-ഇന്റർവെൻഷൻ തന്ത്രങ്ങൾ ഉപയോഗിച്ച് ശുപാർശ ചെയ്യപ്പെടുന്ന പ്രതിരോധ ലക്ഷ്യങ്ങൾ കൈവരിക്കുന്നതുമായി ബന്ധപ്പെട്ട അനുമാനങ്ങൾ നൽകി. ലോകമെമ്പാടും (പ്രത്യേകിച്ച് താഴ്ന്ന വരുമാനമുള്ള രാജ്യങ്ങളിൽ) സെർവിക്കൽ കാൻസർ മൂലമുള്ള മരണനിരക്ക് കുറയ്ക്കുന്നതിനുള്ള പ്രതീക്ഷിത സാഹചര്യങ്ങൾ അവലോകനം ചെയ്തിട്ടുണ്ട്.^[25] വൈദ്യശാസ്ത്ര ഗവേഷണത്തിൽ, ഹിലാ എന്നറിയപ്പെടുന്ന ഏറ്റവും പ്രശസ്തമായ ഇമ്മോർട്ടലൈസ്ഡ് സെൽ ലൈൻ, ഹെൻറിയേറ്റാ ലാക്സ് എന്ന സ്ത്രീയുടെ ഗർഭാശയ അർബുദ കോശങ്ങളിൽ നിന്നാണ് വികസിപ്പിച്ചെടുത്തത്.^[26]