Հանքավան
Անվան այլ կիրառումների համար տե՛ս՝ Հանքավան (այլ կիրառումներ)
Հանքավան, բալնեոկլիմայական առողջավայր Հայաստանի Կոտայքի մարզում, մարզկենտրոնից 33 կմ հյուսիս-արևմուտք, Երևանից 85 կմ հյուսիս։ Գտնվում է Մարմարիկ գետի գեղատեսիլ կիրճում, բարձրությունը ծովի մակարդակից 2000 մետր։
| Բնակավայր | |||
|---|---|---|---|
| Հանքավան | |||
 Հանքավանի շրջակա բնությունը | |||
| Երկիր |  Հայաստան | ||
| Մարզ | Կոտայքի մարզ | ||
| Այլ անվանումներ | Պղնձահանք, Միսխանա | ||
| ԲԾՄ | 1990 մ | ||
| Պաշտոնական լեզու | Հայերեն | ||
| Բնակչություն | 116 մարդ (2012[1]) | ||
| Ազգային կազմ | Հայեր, Հույներ | ||
| Կրոնական կազմ |  Հայ Առաքելական եկեղեցի, Հույն Ուղղափառ եկեղեցի | ||
| Տեղաբնականուն | հանքավանցի | ||
| Ժամային գոտի | UTC+4 | ||
| |||
Հանքավան է վերանվանվել 1949 թ.-ի նոյեմբերի 1-ին։
Բնություն խմբագրել
Շրջապատված է լեռներով, որոնց լանջերը ծածկված են անտառներով և թփուտներով։
Կլիմա խմբագրել
Կլիման մեղմ է, ամառը՝ չափավոր տաք (հուլիս-օգոստոսի միջին ջերմաստիճանը՝ 16-18 °C), ձմեռը՝ չափավոր ցուրտ (հունվարի միջին ջերմաստիճանը՝ -7 °C), արևափայլքի տևողությունը՝ տարեկան 2200 ժ, տեղումները՝ 660 մմ։
Բնակչություն խմբագրել
Բնակչության նախնիները այստեղ են գաղթել 18դ. և զբաղվել պղնձի հանույթով ու նախնական մշակմամբ։
Հանքավանի ազգաբնակչության փոփոխությունը.[2]
| Տարի | 1873 | 1897 | 1926 | 1939 | 1959 | 1970 | 1979 | 2001 | 2011 |
|---|---|---|---|---|---|---|---|---|---|
| Բնակիչ | 96 | 190 | 292 | 401 | 551 | 469 | 363 | 111 | 116[3] |
Տնտեսություն խմբագրել
Բնակչությունը զբաղվում է նաև անասնապահությամբ, հացահատիկի և կերային կուլտուրաների մշակությամբ։
Առողջարան և բուժումներ խմբագրել
Բուժիչ հիմնական միջոցներն են՝ լեռնային կլիման և «Հանքավան» հանքային ջուրը։ Հանքավանում գործում է «Հանքավան» առողջարանը (512 տեղանոց), ուր կիրառվում է ֆիզիոթերապիայի և բալնեոթերապիայի ժամանակակից բոլոր մեթոդները, մանկական առողջարանը, պանսիոնատները, հանքային ջրերի շշալցման գործարանը։ Բուժվում են ստամոքսաղիքային հիվանդություններով և նյութափոխանակության խանգարումներով տառապողները։ Հանքավանի բուժիչ միջոցների ազդեցության մեխանիզմների ուսումնասիրություններով զբաղվել են Ս. Միրզոյանը, Ռ. Գրիգորյանը, Ջ. Շմավոնյանը, Բ. Վարդազարյանը, Ա. Մաշուրը, Է. Մինասյանը, Լ. Թումանյանը և ուրիշներ։
Պատմամշակութային կառույցներ խմբագրել
Տես նաև խմբագրել
Ծանոթագրություններ խմբագրել
- ↑ Կոտայքի մարզի մարդահաշիվը
- ↑ «Հայաստանի հանրապետության բնակավայրերի բառարան, էջ 118» (PDF). Արխիվացված է օրիգինալից (PDF) 2014 թ․ սեպտեմբերի 12-ին. Վերցված է 2014 Ապրիլի 14-ին.
- ↑ 2011 թ Հայաստանի մարդահամարի արդյունքները
Այս հոդվածի նախնական տարբերակը կամ նրա մասը վերցված է Հայկական համառոտ հանրագիտարանից, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։  |