Surat Ibrahim

Ibrahim إبراهيم



Hareutoe
Hareutoe nan surat	Nabi Ibrahim
Kawan surat	Makkiyah
Surat keu-	14
Juz keu-	Juz 13
Asoe	QuranAcademy.org
Keunira
Jeumeulah ayat	52 ayat

Surat Ibrahim (bahsa Arab: إبراهيم‎, Ibrāhīm, "Nabi Ibrahim") nakeuh surat keu-14 lam Al-Qur'an. Jeumeulah ayat lam surat Ibrahim nakeuh 52 ayat dan neupeutrön di Meukah. Neupeunan deungön Surat Ibrahim sabab lam surat nyoe na neubôh do'a-do'a Nabi Ibrahim nibak ayat 35 'oh 41. Ban dum do'a nyan kalheuh neuteurimöng lé Allah. Nabi Ibrahim neumeudo'a ngön do'a nyan watèe kalheuh neupeudöng Ka'bah deungön Nabi Isma'il di Meukah.

Asoe surat peusaneut

Meuiman: Al-Qur'an nakeuh nyang bimbéng ban dum manusia bak jalan Allah; ban dum nyang na lam alam nyoe nakeuh atra Allah; Allah hana meukureueng sifeutgeuh adak pih manusia han jitém seumatéh keu gobnyan; ban dum nabi na neujôk mu'jizat lé Allah; nyang peuudép ngön peumaté ban dum peuneujeut nyoe nakeuh Allah; 'èleumèe Allah hana meubatah.
Hukôm: neusurôh peudöng seumayang; neusurôh seudeukah hareuta keu ureueng nyang peureulèe.
Riwayat Nabi Musa ngön kawômgeuh; riwayat rasul-rasul awai.
La'én-la'én: dalèh ban dum rasul nyang neupeutrön nakeuh nibak kawôm droegeuh; tamsélan buet ngön narit nyang hak ngön nyang bateue; keujadian langèt ngön bumoe nyoe na hikmah lamjih; nikmat-nikmat Allah keu manusia; janji Allah keu ureueng nyang tém meuteurimöng geunaséh ateuh nikmat nyang neujôk.

Nè peusaneut

Wikisource na naseukah nyang meuhubông ngön teunuléh nyoe:Surat Ibrahim

Mukaddimah Al Qur'an versi terjemahan Departemen Agama Republik Indonesia.

Peunawôt luwa peusaneut

Surah Ibrahim MP3.

Surat sigohlom nyoe: Surat Ar-Ra’d	Surat keu-14 lam Al-Qur'an	Surat lheueh nyoe: Surat Al-Hijr