Ֆրանս-ռուսական դաշինք
Ֆրանս-ռուսական դաշինքը (նաև հայտնի է երկյակ դաշինք) ռազմական դաշինք էր Ֆրանսիայի երրորդ հանրապետության և Ռուսական կայսրության միջև, որը գործել է 1894 թվականից մինչև 1917 թվականը[1]։ Դաշինքը ստեղծվել էր ի հակադրություն եռյակ դաշինքի Եվրոպայում։ Ֆրանսիան մնաց Ռուսաստանի տնտեսական, ֆինանսական և ռազմական դաշնակիցը մինչև 1917 թվականը։
 | |
| Ֆրանս-պրուսական պատերազմ | 1870–1871 |
|---|---|
| Բեռլինի վեհաժողով | 1878 |
| Երկակի դաշինք | 1879 |
| Եռյակ դաշինք | 1882 |
| Ֆրանս-ռուսական դաշինք | 1894 |
| Անգլո-գերմանական ռազմածովային սպառազինությունների մրցավազք | 1898–1912 |
| Անգլո-ֆրանսիական համաձայնագիր | 1904 |
| Ռուս-ճապոնական պատերազմ | 1904–1905 |
| Տանջիրյան ճգնաժամ | 1905–1906 |
| Խոզի պատերազմ | 1906–1908 |
| Անգլո-ռուսական համաձայնագիր | 1907 |
| Բոսնիական ճգնաժամ | 1908–1909 |
| Ագադիրյան ճգնաժամ | 1911 |
| Իտալա-թուրքական պատերազմ | 1911–1912 |
| Բալկանյան պատերազմներ | 1912–1913 |
| Սարաևոյի սպանություն | 1914 |
| Հուլիսյան ճգնաժամ | 1914 |
Պատմություն խմբագրել
1882 թվականին ստեղծվեց Եռյակ դաշինքը Գերմանիայի, Ավստրո-Հունգարիայի և Իտալիայի միջև, և Ռուսաստանին թողեցին միայնակ, մինչդեռ Ֆրանսիան 1871 թվականի Ֆրանս-պրուսական պատերազմից հետո դիվանագիտորեն մեկուսացված էր Օտտո ֆոն Բիսմարկի քաղաքականության շնորհիվ։ Չնայած Ֆրանսիայի և Ռուսաստանի քաղաքական, մշակութային և տնտեսական տարբերության երկու երկրների հարաբերությունը գնալով լավանում էին։
1888 թվականից սկսած Ֆրանսիան Ռուսաստանին տրամադրեց ցածր տոկոսադրույքներով վարկեր, ինչը օգնեց ռուսներին փակել բյուջեի դեֆիցիտը և կառուցել երկաթգծեր Գերմանական ճակատի երկայնքով։ 1891 թվականին Ֆրանսիական նավատորմի ղեկավարները այցելեցն ռուսական նավահանգիստը Կրոնշտադտում և ջերմորեն ողջունվեցին Ցար Ալեքսանդր III-ի կողմից։ Այցելության ընթացքում առաջին անգամ պաշտոնապես հնչեց Մարսելյեզը ռուսական տարածքում, մինչ այդ Մարսելյեզի նվագելը համարվում էր հանցագործություն։