Տիտուս վան Ռեյն

Տիտուսը մկրտվել է 1641 թվականի սեպտեմբերի 22-ին Ամստերդամում՝ Ցույդերկերկ եկեղեցում, Տիտուս անունով՝ ի հիշատակ Սասկիայի մորաքույր Տիտիայի։ 1642 թվականին Սասկիայի մահից հետո Տիտուսի մասին հոգ տանելու համար Ռեմբրանդտը վարձում է Գերտյե Դիրքսին։ Մի քանի տարի անց նրան փոխարինեց Հենդրիկե Ստոֆելսը։ 1656 թվականին Ռեմբրանդտը սնանկացավ, իսկ 1658 թվականին Հենդրիկյեն և Տիտուսը հիմնադրեցին արվեստի գործերի վաճառք կազմակերպող ընկերություն և որպես աշխատակից ընդունեցին Ռեմբրանդտին։ Այդ կերպ նրանք պարտատերերին թույլ չտվեցին նկարիչից վերցնել այն կտավները, որոնք նա նկարել է պարտքերի դիմաց։ Հոր համար պատվերներ գտնելուն և նրա գործերը վաճառելուն զուգընթաց Տիտուսը նկարելու փորձեր կատարեց։ 1668 թվականի փետրվարի 10-ին Տիտուսն ամուսնացավ Ռեմբրանդտի ընկերոջ դստեր՝ Մագդալենա վան Լոյի հետ։ 1668 թվականի սեպտեմբերի 4-ին, ամուսնությունից մի քանի ամիս անց, Տիտուսը մահացավ (հավանաբար ժանտախտից), և թաղվեց սեպտեմբերի 7-ին Վեստերկերկի եկեղեցում։ Շուտով ծնվում է Մագդալենայի դուստրը, որին, ի պատիվ սիրելի ամուսնու, տվել է Տիտյա անունը։ Ամուսնու մահը շատ խորն էր ազդել Մագդալենայի հոգեվիճակի վրա, ծննդաբերությունից մի քանի ամիս անց Մագդալենան նույնպես մահացավ^[5]։

Տիտուսը պատկերված է Ռեմբրանդտի մի քանի դիմանկարներում և օֆորտներում և, հավանաբար մոդել է եղել աստվածաշնչյան մի շարք նկարների համար։

• 
  «Տիտուսը գրասեղանի մոտ» (1655, Ռոտերդամ)
• 
  «Տիտուս» (1656)
• 
  «Տիտուսն ընթերցում է» (1660-1665, Վիեննա)
• 
  «Տիտուս» (1660, Բալտիմոր)
• 
  «Տիտուսը որպես հրեշտակ» (1661, Դիթրոյթ)
• 
  «Տիտուս» (1668, Փարիզ)
• 
  «Տիտուս» (1657)
• 
  Տիտուսի մոր դիմանկարը

• Ռեմբրանդի նկարների ցանկ
• ՎԱՆ ՌԵՅՆ / «ԳԻՇԵՐԱՅԻՆ ՊԱՀԱԿԱԽՈՒՄԲ»(չաշխատող հղում)