Ստեփան Զաքարյան

• 1976-1981 թթ. սովորել և ավարտել է Խաչատուր Աբովյանի անվան հայկական պետական մանկավարժական ինստիտուտի կուլտուրայի ֆակուլտետը՝ բեմադրիչի որակավորմամբ։

• 1978-1979 թթ. - աշխատել է Հրազդանի շրջանային մշակույթի տան ժողթատրոնում որպես բեմադրիչ, ապա՝ Աղավնաձոր գյուղի միջնակարգ դպրոցում ուսուցիչ։
• 1979-1981 թթ. - աշխատել է հեռուստատեսային ֆիլմերի «Երևան» ստուդիայում որպես բեմադրիչի ընթերակա։
• 1981-1983 թթ. - աշխատել է «Պիոներ» ամսագրում որպես գրական աշխատող, արձակի բաժնի վարիչ։
• 1983-1993 թթ. - աշխատել է հեռուստառադիոպետկոմիտեում որպես խմբագիր, բաժնի վարիչ, գլխավոր խմբագիր։
• 1993-1995 թթ. - Հեռուստառադիոպետվարչության նախագահի տեղակալ։
• 1995-1996 թթ. - Հայաստանի պետական ռադիոընկերության գլխավոր տնօրեն։
• 1997-1998 թթ. - Երևանի քաղաքապետարանի մշակույթի, սպորտի և երիտասարդության հարցերի վարչության պետ։
• 2009 թ. փետրվարի 20-ին ՀՀ Նախագահի հրամանագրով նշանակվել է ՀՀ հանրային հեռուստառադիոընկերության խորհրդի անդամ՝ վեց տարի ժամկետով^[1]։
• 2012 թ. հունիսին ընտրվել է ՀՀ հանրային հեռուստառադիոընկերության խորհրդի նախագահի տեղակալ։
• 2015 թ. մարտի 12-ին ՀՀ Նախագահի հրամանագրով վերանշանակվել է ՀՀ հանրային հեռուստառադիոընկերության խորհրդի անդամ՝ վեց տարի ժամկետով^[2]։

• Հայաստանի գրողների միության անդամ։

• 1999-2003 թթ. - ՀՀ Ազգային ժողովի 2-րդ գումարման պատգամավոր է ընտրվել «Միասնություն» դաշինքի համամասնական ընտրացուցակով։ ԱԺ պետական-իրավական հարցերի մշտական հանձնաժողովի անդամ։ «Միասնություն» խմբակցության, ապա «Ժողովրդի ձայն» պատգամավորական խմբի անդամ։
• 2003-2007 թթ. - ՀՀ Ազգային ժողովի 3-րդ գումարման պատգամավոր է ընտրվել «Արդարություն» դաշինքի համամասնական ընտրացուցակով։ ԱԺ արտաքին հարաբերությունների մշտական հանձնաժողովի անդամ։ «Արդարություն» խմբակցության անդամ։
• 1998-2008 թթ. եղել է ՀԺԿ անդամ։ Եղել է ՀԺԿ քարտուղար, քաղխորհրդի անդամ։

Ամուսնացած է, ունի չորս զավակ։

• Մովսես Խորենացու մեդալ, 2016