Մարմնի երկարությունը 16-16,5 սմ է, թևերի բացվածքը՝ 23-29,5 սմ։ Արուի գլուխը դեղին է՝ մուգ շերտերով, գոտկատեղը, կուրծքը և մարմնի կողքերը՝ դարչնագույն-շիկակարմիր, մարմինը ներքևից՝ դեղնավուն։ Էգը շատ ավելի խամրած է, մարմինը ներքևից ու վերևից՝ ավելի խայտավոր։
Հաճախ սերինոսների հետ սովորական դրախտապանները կազմում են խառը երամներ։Բնակվում է թփուտածածկ, չոր, բաց տարածություններում։ Սնվում է սերմերով, անողնաշարավորներով։ Տարածված է Հայաստանիկիսաանապատներիցանտառային գոտի։ Ձմեռում է հուլիսի 3-րդ տասնօրյակից հաջորդ տարվա մարտի վերջը։ Դեղինի ու շիկակարմրագույնի համադրությամբ փետրածածկով որոշակի գեղագիտ արժեք է ներկայացնում։ Ընտելանում է անազատ պայմաններին։
Այս հոդվածի կամ նրա բաժնի որոշակի հատվածի սկզբնական տարբերակը վերցված էՀայաստանի բնաշխարհ հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։