Շողակաթ (հեռուստաալիք)

Անվան այլ կիրառումների համար տե՛ս՝ Շողակաթ (այլ կիրառումներ)

Շողակաթ, հայկական համազգային հոգևոր-մշակութային ուղղվածություն ունեցող հեռուստաալիք, կենտրոնանում է կրոնական, ինչպես նաև ընտանեկան և գիտահետազոտական թեմատիկային^[1]։

Շողակաթ
Երկիր	Հայաստան,  Երևան
Հեռարձակման գոտի	Հայաստան
Հեռարձակման լեզու	հայերեն
Հեռարձակման սկսման թվական	1998
Հիմնադիր	Գարեգին Բ
Սեփականատեր	Հայ Առաքելական Եկեղեցի
🌐	shoghakat.am

Հեռուստաընկերությունը հիմնվել է 1998 թվականին Երևանում Ն.Ս.Օ.Տ.Տ. Ամենայն Հայոց Կաթողիկոս Գարեգին Բ (այն ժամանակ արքեպիսկոպոս Գարեգին Ներսիսյան) կողմից՝ Հայ Առաքելական եկեղեցու գործունեությունը լուսաբանելու և քարոզչությունն ակտիվացնելու նպատակով^[2]։ 1999 թվականին, Երբ Գարեգին II ընտրվեց որպես կաթողիկոս, հեռուստաալիքի գրասենյակը տեղափոխվեց Վաղարշապատ և դարձավ Սուրբ Էջմիածնի լրատվական ծառայության գործակալության մասը։

Սեփական հեռուստաալիքով եթեր է հեռարձակվում 2002 թ. նոյեմբերից, եթերը տարածվում է Հայաստանի և Արցախի գրեթե ողջ տարածքով։ Հեռուստաալիքը նաև հասանելի է Interactive, Eurocable և Ucom մալուխային հեռուստատեսության բաժանորդներին, հասանելի է մոտ 2 միլիոն բնակչության համար^[3]։

2010 թ. դեկտեմբերին Հայաստանի Հեռուստառադիոյի կոմիտեի լիցենզավորման մրցույթին մասնակցելուց հետո պարտվել է, որից հետո շարունակել է իր եթերը հեռարձակել Հայաստանի հանրային հեռուստաընկերության «Արարատ» ալիքի եթերում^[4][5][6]։

Ընկերության գործագիր տնօրենն է Մանյա Ղազարյանը։