Թուրքիայի կենտրոնական բանկ

1840 թվականին սկսեցին թողարկվել թուրքական գանձապետական առաջին թղթադրամները։ Դրանք թողարկվել են ընդհուպ մինչև 1862 թվականը։

1847 թվականին ստեղծվել է թուրքական առաջին բանկը՝ Դեսրաադեթ բանկը։ 1856 թվականին ստեղծվել է անգլո-ֆրանսական Բանկ Օտոմանը։ 1863 թվականին ստեղծվել է Կայսերական օտտոմանյան բանկը, որին փոխանցվեցին կենտրոնական բանկի հիմնական գործառույթները, ինչպես նաև թղթադրամների թողարկման իրավունքը։

Առաջին համաշխարհային պատերազմի ժամանակ թղթադրամների թողարկման բանկային մենաշնորհը դադարեցվել է, իսկ 1915 թվականից թղթադրամները թողարկել է կառավարությունը։

1925 թվականի դեկտեմբերի 30-ին թղթադրմաների թողարկման իրավունքը անցել է Թուրքիայի Ազգային մեծ ժողովին։ 1930 թվականի հունիսի 11-ին Մեջլիսը որոշում ընդունեց՝ ստեղծելու Թուրքիայի կենտրոնական բանկը։ 1931 թվականի հոկտեմբերի 3-ին ստեղծվել է Թուրքիայի կենտրոնական բանկը, որի իր լիազորությունների իրականացմանը անցավ 1932 թվականի հունվարի 1-ից^[1]։

• Бутаков Д.Д., Золотаренко Е.Д., Рыбалко Г.П. Валюты стран мира: Справочник / Под ред. С. М. Борисова, Г. П. Рыбалко, О. В. Можайскова. — 5-е изд., перераб. и доп. — М.: Финансы и статистика, 1987. — 383 с.

• Թուրքիայի Հանրապետության կենտրոնական բանկ(անգլերեն)

Վիքիպահեստն ունի նյութեր, որոնք վերաբերում են «Թուրքիայի կենտրոնական բանկ» հոդվածին։