Էդուարդ Շարմազանով
Էդուարդ Հովսեփի Շարմազանով (նոյեմբերի 8, 1975, Ալավերդի, Հայկական ԽՍՀ, ԽՍՀՄ), հունական ծագմամբ հայ քաղաքական, պետական և կուսակցական գործիչ, մանկավարժական գիտությունների թեկնածու, ՀՀ Ազգային ժողովի նախագահի տեղակալ (2011-2019)[1], ՀՀԿ գործադիր մարմնի անդամ։
| Էդուարդ Շարմազանով | ||||
.jpg) | ||||
| ||||
|---|---|---|---|---|
| դեկտեմբերի 6, 2011 - 2019 | ||||
| Նախորդող | Սամվել Նիկոյան | |||
| Հաջորդող | Լենա Նազարյան | |||
| ||||
| դեկտեմբերի 6, 2011 - 2019 | ||||
| ||||
| հուլիսի 11, 2008 - դեկտեմբերի 6, 2011 | ||||
| ||||
| հունիսի 19, 2007 - հուլիսի 17, 2008 | ||||
| ||||
| հունիսի 1, 2005 - հունիսի 6, 2007 | ||||
| Կուսակցություն՝ | Հայաստանի Հանրապետական կուսակցություն | |||
| Կրթություն՝ | Հայկական պետական մանկավարժական համալսարան (2000) և Moscow School of Civic Education? (2006) | |||
| Գիտական աստիճան՝ | Մանկավարժական գիտությունների թեկնածու | |||
| Մասնագիտություն՝ | քաղաքական գործիչ | |||
| Ծննդյան օր | նոյեմբերի 8, 1975 (48 տարեկան) | |||
| Ծննդավայր | Ալավերդի, Հայկական ԽՍՀ, ԽՍՀՄ | |||
| Քաղաքացիություն |  Հայաստան | |||
| Պարգևներ | ||||
Կենսագրություն խմբագրել
Ծնվել է 1975 թվականի նոյեմբերի 8-ին Թումանյանի շրջանի (ներկայումս՝ Լոռու մարզ) Ալավերդի քաղաքում[1], հունական ընտանիքում։ 1997 թվականին ավարտել է Խաչատուր Աբովյանի անվան մանկավարժական ինստիտուտի պատմաաշխարհագրական ֆակուլտետի պատմության բաժինը, 2000 թվականին` ՀՊՄԻ հայոց պատմության ամբիոնի ասպիրանտուրան, իսկ 2006 թվականին` Եվրոպայի խորհրդին կից Մոսկվայի քաղաքական հետազոտությունների դպրոցը[1]։
Ամուսնացած է, ունի երկու երեխա[1]։
Աշխատանքային գործունեություն խմբագրել
.jpg)
2005 թվականի հունիսի 1-ին Հայաստանի վարչապետ՝ Անդրանիկ Մարգարյանի որոշմամբ նշանակվել է Հայաստանի վարչապետի օգնական[1][2]։ 2007 թվականի հունիսի 6-ին Հայաստանի վարչապետի որոշմամբ ազատվել է Հայաստանի վարչապետի օգնականի պաշտոնից[1][3]։
2007 թվականի մայիսի 12-ին Հայաստանի Ազգային ժողովի պատգամավոր է ընտրվել համամասնական ընտրակարգով Հայաստանի Հանրապետական կուսակցությունից[1]։ 2008-2011 թվականներին եղել է ԱԺ սոցիալական հարցերի մշտական հանձնաժողովի անդամ, իսկ 2011-2019 թվականներին՝ ՀՀԿ մամուլի խոսնակ[1]։
2011 թվականի դեկտեմբերի 6-ին ընտրվել է Հայաստանի Ազգային ժողովի նախագահի տեղակալ[4]։ 2012 թվականի մայիսի 6-ին Ազգային ժողովի պատգամավոր է ընտրվել համամասնական ընտրակարգով Հայաստանի Հանրապետական կուսակցության համամասնական ընտրացուցակով։ 2012 թվականի մայիսի 31-ին ընտրվել է Հայաստանի Ազգային ժողովի նախագահի տեղակալ[5]։
2017 թվականի ապրիլի 2-ին Հայաստանի Ազգային ժողովի պատգամավոր է ընտրվել Հայաստանի Հանրապետական կուսակցության ցուցակով։ Եղել է ԱԺ նախագահի տեղակալը[1][6]։
2019 թվականից այլևս պատգամավոր չէ։
Գիտական գործունեություն խմբագրել
Մանկավարժական գիտությունների թեկնածու է, որի ատենախոսական թեման եղել է՝ «Գարեգին Նժդեհի մանկավարժական հայացքները»[1]։ Մի շարք գիտական, հրապարակախոսական հոդվածների, «Գարեգին Նժդեհը և ռազմական մանկավարժության հիմնահարցերը» մենագրության հեղինակն է[1]։ 1995 թվականին հիմնադրել է Ալավերդու ուսանողական «Զարթոնք» միությունը, 1997-1999 թվականներին եղել է ՀՊՄԻ ուսանողական գիտական ընկերության ղեկավարը[1]։ 1999-2002 թվականներին աշխատել է թիվ 159 կրթահամալիրում՝ որպես ուսուցիչ, 2002-2005 թվականներին` ՀՊՄԻ ուսանողական խորհրդի նախագահ, ռեկտորի օգնական, ՀՊՄՀ Հայոց պատմության ամբիոնի դասախոս, ՀՀԿ երիտասարդական կազմակերպության փոխնախագահ[1]։
Պարգևներ խմբագրել
- 2003 թվականին արժանացել է Հայաստանի վարչապետի շնորհակալագրին և մրցանակին՝ Հայաստանի Հանրապետության երիտասարդական քաղաքականության բնագավառում ակտիվ քաղաքական գործունեություն ծավալելու համար[1]։
- 2005 թվականին արժանացել է «Հայկյան» մրցանակին՝ որպես ուսանողական ինքնակառավարման մարմնի լավագույն ղեկավար[1]։
- 2006 թվականին պարգևատրվել է ՀՀ ՊՆ «Գարեգին Նժդեհ» մեդալով[1]։
- 2008 թվականին պարգևատրվել է «Անդրանիկ Օզանյան» մեդալով[1]։
- 2009 թվականին պարգևատրվել է Ֆրիտյոֆ Նանսենի ոսկե հուշամեդալով[1]։
- 2011 թվականին պարգևատևվել է ԱՊՀ միջխորհրդարանական վեհաժողովի պատվոգրով և հուշամեդալով[1]։
- 2015 թվականին պարգևատևվել է Մխիթար Գոշի մեդալով[7]։
| Նախորդող Սամվել Նիկոյան | ՀՀ Ազգային ժողովի ՀՀԿ խմբակցության քարտուղար Էդուարդ Շարմազանով մայիսի 18, 2009 - դեկտեմբերի 6, 2011 | Հաջորդող Գագիկ Մելիքյան |
| Նախորդող Սամվել Նիկոյան | ՀՀ Ազգային ժողովի նախագահի տեղակալ Էդուարդ Շարմազանով դեկտեմբերի 6, 2011 - 2019 | Հաջորդող Լենա Նազարյան |
Ծանոթագրություններ խմբագրել
- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 1,11 1,12 1,13 1,14 1,15 1,16 1,17 1,18 «National Assembly of Armenia | Official Web Site | parliament.am». www.parliament.am. Վերցված է 2020 թ․ օգոստոսի 3-ին.
- ↑ «Է. ՇԱՐՄԱԶԱՆՈՎԻ ՄԱՍԻՆ». Արխիվացված է օրիգինալից 2021 թ․ փետրվարի 26-ին. Վերցված է 2015 թ․ ապրիլի 17-ին.
- ↑ «Է. ՇԱՐՄԱԶԱՆՈՎԻ ՄԱՍԻՆ». Արխիվացված է օրիգինալից 2021 թ․ փետրվարի 26-ին. Վերցված է 2015 թ․ օգոստոսի 24-ին.
- ↑ ԷԴՈՒԱՐԴ ՇԱՐՄԱԶԱՆՈՎԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱԶԳԱՅԻՆ ԺՈՂՈՎԻ ՆԱԽԱԳԱՀԻ ՏԵՂԱԿԱԼ ԸՆՏՐԵԼՈՒ ՄԱՍԻՆ
- ↑ ԷԴՈՒԱՐԴ ՇԱՐՄԱԶԱՆՈՎԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱԶԳԱՅԻՆ ԺՈՂՈՎԻ ՆԱԽԱԳԱՀԻ ՏԵՂԱԿԱԼ ԸՆՏՐԵԼՈՒ ՄԱՍԻՆ
- ↑ «National Assembly of Armenia | Official Web Site | parliament.am». www.parliament.am. Վերցված է 2020 թ․ օգոստոսի 3-ին.
- ↑ Է. Հ. ՇԱՐՄԱԶԱՆՈՎԻՆ ՄԽԻԹԱՐ ԳՈՇԻ ՄԵԴԱԼՈՎ ՊԱՐԳԵՎԱՏՐԵԼՈՒ ՄԱՍԻՆ