Այտկենի պարկավոր մուկ
| Այտկենի պարկավոր մուկ |
|---|
| Գիտական դասակարգում |
| Լատիներեն անվանում |
| Sminthopsis aitkeni |
| Արեալ |
 |
Այտկենի պարկավոր մուկ[1] (լատին․՝ Sminthopsis aitkeni), տեսակ պարկավոր գիշատիչների ընտանիքի փոքրոտանի պարկավոր մկների ցեղից։ Ավստրալիայի էնդեմիկ է։
Տարածում խմբագրել
Տեսակն ապրում է ավստրալիական Հարավային Ավստրալիա նահանգի Կենգուրու կղզում։ Ապրում են առավելապես կղզու հարավային մասում, հանդիպում են Ֆլինդերս-Չեյզի պարկի տարածքում[2][3]։
Սնվելու միակ միջավայրը նոսր անտառներն են, որոնք գտնվում են ծովի մակարդակից 270 մ բարձրության վրա և ծածկված են նվենիներով[2]։
Արտաքին տեսք խմբագրել
Մարմնի երկարությունը գլխով հանդերձ 80-ից մինչև 90 մմ է, պոչը 90-ից 100 մմ։ Մեծ կենդանին կշռում է 20-ից 25 գ[4]։ Մազածածկույթը կարճ է, թանձր և փափուկ։ Մեջքը մուգ մոխրագույն է։ Որովայնն ավելի վառ գույնի է։ Դունչը ձգված, սրածայր է։ Ականջները մեծ են։ Հետևի թաթերը կարճ են։ Պոչը մարմնից երկար է։ Ի տարբերություն ցեղի այլ ներկայացուցիչների` Այտկենի պարկավոր մկան պոչի վրա բացակայում է ճարպային առանձնացումը[5]։
Կենսակերպ խմբագրել
Վարում է վերգետնյա, միայնակ կենսակերպ։ Ակտիվ են լինում գիշերները։ Ցերեկը անցկացնում են իրենց բներում։ Առավելապես սնվում են միջատներով, ինչպես նաև` փոքր անողնաշարավորներով[2]։
Բազմացումը խմբագրել
Տեսակի էկոլոգիան քիչ է ուսումնասիրվել` խիստ հազվադեպ հանդիպելու պատճառով։ Բազմացումը տևում է սեպտեմբերից հունվար[3]։Արական սեռի ներկայացուցիչները սատկում են իգական սեռի ներկայացուցիչների բեղմնավորումից կարճ ժամանակ անց։ Իգական սեռի ներկայացուցիչները կարող են ապրել երկրորդ տարին[2]։
Ծանոթագրություններ խմբագրել
- ↑ [Книга:Полная иллюстрированная энциклопедия. «Млекопитающие». Кн. 2|с=435]
- ↑ 2,0 2,1 2,2 2,3 Կաղապար:IUCN
- ↑ 3,0 3,1 «Kangaroo Island Dunnart (Sminthopsis aitkeni)» (անգլերեն). australianfauna. Արխիվացված է օրիգինալից 2006 թ․ օգոստոսի 20-ին. Վերցված է 2011 թ․ սեպտեմբերի 13-ին.
- ↑ James R. Turner. Kangaroo Island Dunnart // Mammals of Australia. — Sofia-Moscow: Pensoft, 2004. — P. 107. — ISBN 954-642-198-7
- ↑ Ronald M. Nowak. Walker's marsupials of the world. — JHU Press, 2005. — P. 102-105. — ISBN 0801882222
 | Վիքիցեղերն ունի նյութեր, որոնք վերաբերում են «Այտկենի պարկավոր մուկ» հոդվածին։ |
 | Վիքիպահեստն ունի նյութեր, որոնք վերաբերում են «Այտկենի պարկավոր մուկ» հոդվածին։ |