Աղվեսանման սկյուռ

Մարմնի երկարությունը հասնում է 45-ից մինչև 70 սմ, ընդ որում՝ պոչի երկարությունը 20-ից մինչև 33 սմ է։ Կենդանու քաշը կազմում է 500-1000 գ։ Մորթու գույնը պայմանավորված է ենթատեսակով գույնը կախված է ենթատեսակից՝ բաց դարչնագույն դեղնավունից մինչև մուգ շագանակագույն, սև։ Որոշ տեսակների որովայնը սպիտակ է, որոշների դնչին և պոչին սպիտակ նշան կա։

Աղվեսանման սկյուռը տարածված է Հյուսիսային Ամերիկայի արևելյան մասում, հարավային Կանադայից մինչը հյուսիսային Մեքսիկա^[2]։

Աղվեսանման սկյուռը շատ շարժուն ու ակտիվ է ցերեկը։ Բազմացման շրջանում կենդանիները գործածում են ինքնաշեն բներ կամ փչակներ։

Աղվեսանման սկյուռների սննդակարգը բաղկացած է ծառերի սերմերից, ընկույզից, հատապտուղներից, մրգերից, ծառերի կեղևից, բողբոջներից, միջատներից, թռչունների ձվերից և մանր սողուններից։ Նրանք իրենց սննդի մի մասը թաղում են որպես ձմեռվա պաշար, ինչն էլ նպաստում է բույսերի տարածմանը։

Աղվեսանման սկյուռները տարին երկու անգամ՝ ամռանը և ձմռանը սերունդ են ունենում։ Ձագերը լույս աշխարհ են գալիս կույր ու մերկ։ Մոտ երեք ամիս անց նրանք դառնում են ինքնուրույն, իսկ մեկ տարի անց հասնում են սեռական հասունության։ Առավելագույն կյանքի տևողությունը 12,6 տարի է իգական սեռի և 8,6 տարի՝ արական սեռի համար։

Աղվեսանման սկյուռների թշնամիները մարդն է(որսորդ), իսկ կենդանական աշխարհում՝ բազեները, օձերը և լուսանները։

• Sciurus niger niger
• Sciurus niger avicennia
• Sciurus niger vulpinus
• Sciurus niger cinereus
• Sciurus niger shermani