Ակացիայի հրաթիթեռ

20-26 մմ թևերի բացվածքով հատիկաընդեղեն բույսերի (հատկապես՝ սիսեռի և սոյայի) վնասատու թիթեռ։ Առջևի թևերը դեղին կամ գորշ շականակագույն են, իսկ հետևինները՝ բաց գորշավուն։ Պղտոր կանաչավուն, պղտոր շագանակագույն կամ վարդագույն երանգներ ունեցող թրթուրների երկարությունը մինչև 22 մմ է, իսկ գլխի հատվածը մեջտեղում դեղնգորշավուն է և սև աղոտ բծերով^[1]։

Հանդիպում է Եվրոպայում, Ասիայում, Աֆրիկայում, Ամերիկայում, Ռուսաստանում`անտառատափաստանային և տափաստանային գոտիներում, Հարավային Ղազախստանում և Միջին Ասիայում^[1]։

Տարեկան զարգանում 2-3 սերունդ։ Թրթուրները զարգացման վերջին փուլում ձմեռում են հողում՝ բոժոժի ներսում։ Թիթեռները դուրս են գալիս մայիսի վերջից մինչև հունիսի սկիզբ։ Էգերը հիմնականում ձվադրում են թիթեռնածաղկավոր բույսերի վրա՝ դնելով կաթնասպիտակավուն մեկական ձու^[1]։

Պայքարի միջոցառումներից են վաղ բերքահավաքը, լավ խոզանավարը և խորը ցրտահերկային թիթեռների թռիչքի խոչընդոտումը, ինչպես նաև թռիչքի ժամանակ քիմիական միջատասպաններով բույսերի մշակումը^[1]։