Ալեն Սիմոնյան

	Ալեն Ռոբերտի Սիմոնյան
	ՀՀ Ազգային ժողովի նախագահ
	ՀՀ Ազգային ժողովի նախագահ
Օգոստոսի 2, 2021
	Երևանի ավագանու անդամ
	Երևանի ավագանու անդամ
05․05․2017 - 16.05.2018
Կուսակցություն՝	Քաղաքացիական պայմանագիր
Կրթություն՝	ԵՊՀ իրավագիտության ֆակուլտետ ;
Մասնագիտություն՝	Իրավաբան ; քաղաքագետ
Գործունեություն՝	դերասան ; պրոդյուսեր ; լրագրող ; կուսակցական գործիչ ; քաղաքական գործիչ
Ծննդյան օր	1980 թվականի հունվարի 5
Ծննդավայր	Երևան, ՀԽՍՀ, ԽՍՀՄ
Քաղաքացիություն	Հայաստան
Հայր	Սիմոնյան Ռոբերտ Նշանի
Մայր	Հովհաննիսյան Մարինե Սերգեյի
Ամուսին	Մարգարյան Մարիամ Ձոնիկի
Զավակներ	* որդիˋ Սիմոնյան Ռոբերտ ; * դուստր՝ Սիմոնյան Վիկտորյա
Alen Simonyan

Ալեն Ռոբերտի Սիմոնյան (հունվարի 5, 1980(1980-01-05), Երևան, Հայկական ԽՍՀ, ԽՍՀՄ), քաղաքական գործիչ, Հայաստանի Ազգային ժողովի 8-րդ գումարման խորհրդարանի նախագահ, Հայաստանի Ազգային ժողովի 7-րդ գումարման խորհրդարանի փոխխոսնակ^[1]։ Հայաստանի Ազգային ժողովի 6-րդ գումարման պատգամավոր (2018 մայիսի 16-ից), Հանդիսացել է «Արարատ» ամսագրի և araratnews.am կայքի գլխավոր խմբագիրը։ «Քաղաքացիական պայմանագիր» կուսակցության վարչության անդամ է։

2022 թվականի փետրվարի 1-ից մինչև մարտի 13-ը իրականացրել է Հայաստանի Հանրապետության նախագահի լիազորությունները^[2]։

Կրթություն

Ավարտել է Երևանի Ձերժինսկու անվան թիվ 20 միջնակարգ դպրոցը։

1996-2000 թվականներին սովորել է Երևանի Պետական համալսարանի իրավագիտության ֆակուլտետում։

2008 թվականին ուսանել է European Education & Research Center-ի կողմից կազմակերպած PR և քաղտեխնոլոգիայի (Political Technologies) դասընթացներին։

2013-2015 թվականներին սովորել է Հայաստանի Գիտությունների ազգային ակադեմիայի քաղաքագիտության ֆակուլտետի մագիստրատուրայում։

Ծառայություն

2000-2002 թթ․ ծառայել է Հայաստանի զինված ուժերում, ունի սերժանտի կոչում։

Դերասանական գործունեություն

1995-1996 թվականներին խաղալով Երևանի Կոմիտասի անվան պետական կոնսերվատորիայի ՈՒՀԱ թիմում՝ դարձել է Հայաստանի լիգայի չեմպիոն։ 2004-2008 թվականներին նկարահանվել է "Փախուստ բանտից" հեռուստասերիալում, "Հիպոկրատի երդվյալները" հեռուստասերիալում, մասնակցել է տարբեր հեռուստանախագծերում որպես դերասան, պրոդյուսեր, նախագծի տնօրեն։ Հանդիսացել է "Ալաբալանիցա" Ֆիլմի գծային պրոդյուսեր, "Նո Քոմմենթ" ներկայացման տնօրեն։

Աշխատանքային գործունեություն և բիզնես

Աշխատել է Աջափնյակ-Դավիթաշեն համայնքների առաջին ատյանի դատարանում՝ որպես նախագահի օգնական, գրասենյակի քարտուղար։

2003 թվականին աշխատանքի է անցել «Կոնվերս» բանկում՝ որպես մարդկային ռեսուրսների կառավարիչ։

2004 թվականին հիմնել է Հայաստանում առաջին՝ «Սիցիլիա» բաց մաֆիա ակումբը։ 2004-2010 թվականներին եղել է վերջինիս սեփականատերը։

Ռադիո

«Սիթի FM» կայանում վարել է «Ֆելիչիտա» և «Չի կարող պատահել» ռադիոնախագծերը։

Հեռուստատեսություն և շոու բիզնես

2007-2012 թվականներին համագործակցել է «Արմենիա», «TV5», «Երկիր մեդիա» հեռուստաընկերությունների հետ՝ որպես տնօրեն, դերասան, հաղորդավար, ինչպես նաև զբաղվել է երաժշտական պրոդյուսերությամբ։ Որպես պրոդյուսեր՝ նկարահանել է մի շարք երաժշտական, քաղաքական, նախընտրական տեսահոլովակներ։

2013 թվականից հանդիսանում է իր իսկ կողմից հիմնած «Արարատ Մեդիա Գրուպ» ՍՊԸ-ի գլխավոր խմբագիրը, որն իր մեջ միավորել է araratnews.am կայքը և «Արարատ» ամսագիրը։

Քաղաքական-հասարակական գործունեություն

2008 թվականի մարտի 1-ից զբաղվել է հրապարակային, հասարակական և քաղաքական գործունեությամբ։ Հանդես է եկել մի շարք հրապարակումներով։

Քաղաքական գործունեություն

2013 թվականին կայացած նախագահական ընտրություններում սատարել է «Ժառանգություն» կուսակցության ղեկավար Րաֆֆի Հովհաննիսյանին^[3]։

2013 թվականի մայիսի 5-ին կայացած Երևանի ՏԻՄ ընտրություններին մասնակցել է որպես ավագանու թեկնածու՝ ընդգրկված լինելով «Բարև Երևան» դաշինքի նախընտրական ցուցակում^[4]^[5]։

2013 թվականից հանդիսանում է Նիկոլ Փաշինյանի հիմնադրած «Քաղաքացիական պայմանագիր» քաղաքական միավորի կառավարման խորհրդի անդամ^[6]:2015 թվականի մայիսի 30-ին ընտրվել է «Քաղաքացիական պայմանագիր» կուսակցության վարչություն անդամ։

2015 թվականի հունիսի 17-ին Ալեն Սիմոնյանը ընտրվել է «Քաղաքացիական պայմանագիր» կուսակցության խոսնակ։

2017-2018թթ․՝ Երևանի ավագանու անդամ («ԵԼՔ» դաշինք)։

2018 թվականի մայիսի 16-ից ԱԺ պատգամավոր է^[7]

2018 թվականի դեկտեմբերի 9-ին կայացած արտահերթ խորհրդարանական ընտրություններում Երևան քաղաքի Կենտրոն, Նորք–Մարաշ, Էրեբունի Նուբարաշեն վարչական շրջաններն ընդգրկող թիվ 4 ընտրատարածքում լինելով «Իմ քայլը» դաշինքի ռեյտինգային թեկնածուներից մեկը՝ ստացել է 21 949 ձայն^[8]։

2019 թվականի հունվարի 10-ին ստացել է պատգամավորական մանդատը^[9]^[10]^[11]։

2019 թվականի հունվարի 15-ին տեղի ունեցած ՀՀ 7-րդ գումարման Ազգային ժողովի նիստի ժամանակ ընտրվել է ՀՀ ԱԺ փոխնախագահ^[12]^[13]։

2019 թվականի հունիսի 16-ին տեղի ունեցած «Քաղաքացիական պայմանագիր» կուսակցության 5-րդ համագումարի ժամանակ ընտրվել է ՔՊ վարչության անդամ^[14]^[15]^[16]^[17]^[18]^[19]։

2021 թվականի հունիսի 20-ի Հայաստանի Ազգային ժողովի արտահերթ ընտրություններին ընտրվել է Ազգային ժողովի պատգամավոր Քաղաքացիական պայմանագիր կուսակցության կազմում^[20]։

Հասարակական գործունեություն

2013 թվականի հուլիսին ակտիվորեն մասնակցել է տրանսպորտի ուղեվարձի թանկացման դեմ ցույցերին Երևանում և հանդիսացել է տրանսպորտի թանկացման դեմ ուղղված Car free քաղաքացիական ակցիայի կազմակերպիչ^[21]։

Ընտանիք

Հայր՝ Ռոբերտ Սիմոնյան
Մայր՝ Մարինե Հովհաննիսյան
Եղբայր՝ Կառլեն Սիմոնյան
Կին՝ Մարիամ Մարգարյան
Որդի՝ Ռոբերտ Սիմոնյան
Որդի՝ Էրիկ Սիմոնյան
Դուստր՝ Վիկտորյա Սիմոնյան

Ծանոթագրություններ

Աղբյուրներ

[1] «ԱԺ փոխխոսնակները հայտնի են. Վահէ Էնֆիաջյանը՝ ընդդիմադիր փոխնախագահ»։ PanARMENIAN.Net։ Վերցված է 2019-01-15

[2] «Հանրապետության նախագահի լիազորությունները իրականացնող Ալեն Սիմոնյանը հանդիպել է նախագահի աշխատակազմի հետ - Մամուլի հաղորդագրություններ - Լրատվություն - Հայաստանի Նախագահ»։ president.am։ Վերցված է 2022-02-01

[3] Ոչ թե հիասթափվել եմ, ընդհակառակը՝ հպարտ եմ. Ալեն Սիմոնյան 1in.am

[4] Ալեն Սիմոնյան. «Րաֆֆին ուրիշ պլաններ ու մտքեր ուներ, բայց ժողովուրդն իրենից պահանջեց» hetq.am

[5] Ալեն Սիմոնյան. Ոչ թե ծրագրային, այլ քաղաքական պայքար Հայաստանի Հանրային Ռադիո

[6] Իշխանափոխության կհասնենք բոլորի մասնակցությամբ. «Քաղաքացիական պայմանագրի» կառավարման խորհուրդ(չաշխատող հղում) tert.am

[Ալեն_Սիմոնյան-7] ttps://civilcontract.am/about-us/alen-simonyan(չաշխատող հղում)

[Ովքե՞ր_են_ամենաշատ_ձայն_ստացած_ռեյտինգային_թեկնածուները`_ըստ_ընտրատարածքների-8] «Արխիվացված պատճենը»։ Արխիվացված է օրիգինալից 2021-07-09-ին։ Վերցված է 2019-01-15

[9] ttps://hetq.am/hy/article/99834

[10] ttps://armeniasputnik.am/radio/20190111/16688270/armenia-avagani-xorhrdaran.html

[11] ttps://lurer.com/?p=309182&l=am

[Ալեն_Սիմոնյանը՝_ԱԺ_փոխնախագահ-12] ttps://www.24news.am/news/19231

[Լենա_Նազարյանն_ու_Ալեն_Սիմոնյանն_ընտրվել_են_Ազգային_ժողովի_փոխնախագահ-13] ttps://armenpress.am/arm/news/960784/

[14] Ովքե՞ր են ՔՊ-ի վարչության նոր կազմի անդամները. նրանք նիստ են հրավիրել, վարչության նախագահ են ընտրում

[15] «Քաղաքացիական պայմանագիր» կուսակցության վարչության նոր կազմը՝ նախնական տեղեկություններով

[16] ՔՊ վարչության նոր կազմը հայտնի է. անուններ

[17] ««Քաղաքացիական պայմանագիր» կուսակցության 3-րդ վարչության կազմը․»։ Արխիվացված է օրիգինալից 2019-06-17-ին։ Վերցված է 2019-06-17

[18] Ընտրության արդյունքները.ՔՊ վարչության նորընտիր անդամներն են․

[19] ՔՊ վարչության նախագահ ընտրվեց Սուրեն Պապիկյանը

[20] «Հայտնի են խորհրդարան անցած պատգամավորների անունները»։ armenpress.am։ Վերցված է 2021-08-01

[21] Ալեն Սիմոնյան. «Չեն համարձակվի ինձ նախազգուշացնել» Առավոտ (օրաթերթ)

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]

[20]

[21]