Tansanija

Zjednoćena republika Tansanija (suahelsce a jendźelsce Tanzania) je njewotwisny stat mjez wuchodnym pobrjohom srjedźneje Afriki a Tanganjikaskim jězorom. Je nastała w lěće 1964 z něhdyšeju britiskeju kolonijow Tanganjika a Zanzibar, kotrejž běštej so hižo 1961 zesamostatniłoj. Leži při Indiskim oceanje a mjezuje z Burundijom, Keniju, Malawijom, Mosambikom, Ruandu, Ugandu, Sambiju a Demokratiskej republiku Kongo. K Tansaniji słušatej tež kupje Pemba a Unguja (wobě tworitej dźěl Zanzibara), kaž tež kupa Mafia.

Zjednoćena republika Tansanija

zakładne daty:
swójske mjeno	Jamhuri ya Muungano wa Tanzania (United Republic of Tanzania)
stolica	Dodoma (Dar as-Salam)
přestrjeń	945.087 km²
wobydlerstwo	51.045.882 (2015)[1]
hustosć	54 wob./km²
forma knježerstwa	republika
hłowa stata	prezidentka Samia Suluhu
šef knježerstwa	ministerski prezident Kassim Majaliwa
měna	tansanski šilink
hamtska rěč	suahelšćina, jendźelšćina
hymna	Ee Mungu Nguvu Yetu
časowe pasmo	UTC+3
njewotwisnosć	26. aprylaa 1964
Top Level Domain	.tz
telefon	+255 (ale 007 z Kenije a Ugandy)
Połoženje Tansanije na zemi
p • d • w

Stolica Tansanije je Dodoma wosrjedź kraja, najwjetše město a sydło knježerstwa pak Daressalam při morju.

Najwyši dypk Tansanije a zdobom cyłeje Afriki je Kibo w masiwje Kilimandźaro (5895 m).